Gutxienez 15 hildako eta 560 zauritu utzi ditu Bangladesheko rohingya kanpaleku bateko suteak

  • Bangladesheko rohingya kanpaleku bateko suteak gutxienez 15 hildako eta 560 zauritu utzi ditu, eta baita 400 desagertu ere. Sugarrek eremu zabala suntsitu dute eta 45.000 pertsona etxerik gabe geratu dira.


2021eko martxoaren 25an - 10:03
Argazkia: Shafiqur Rahman

Bangladesheko hego-ekialdeko rohingya kanpaleku bat kiskali duen sute batean gutxienez 15 hildako eta beste milaka kaltetu izan dira. Astelehen arratsaldean hasi eta asteartera arte ezin izan zuten sutea itzali. ACNUR, Iheslarientzako Nazio Batuen Goi Mandataritzaren arabera, 400 pertsona desagertu, 560 zauritu eta 45.000 desplazatu daude.

Suteak 10.000 aterpe baino gehiago suntsitu ditu. Izan ere, egurrezko, banbuzko eta plastikozko etxola hauskorrak dira, instalazio urriekin. Horrez gain, ospitale bat, gobernuz kanpoko erakundeen zentroak eta kanpalekutik gertu zeuden etxebizitzak ere erre ditu.

Ez dago argi zerk eragin duen sutea, baina ez da rohingya errefuxiatuek pairatzen duten lehena. Joan den urtarrilaren erdialdean, sute batek 3.500 rohingya etxerik gabe utzi zituen, sugarrek 500 etxola baino gehiago erraustu ostean. Eragindako suteak izan daitezkeela pentsatzen dute hainbatek.

Gainera, Bangladeshen polemikak bere horretan jarraitzen du, herrialdeko agintariek Bhasan Char uhartean 100.000 rohingya birkokatzeko saiakera egin zutelako, kanpalekuak arintze aldera. Prozesu hori joan den abenduan hasi zen, lehen 3.500 errefuxiatuak bidalita, eta dagoeneko 12.400 dira.

738.000 rohingya inguru iritsi ziren Bangladeshko hego-ekialdeko kanpalekuetara, 2017ko abuztuan Birmaniako (Myanmar) armadak jazarpen- eta indarkeria-kanpaina hasi ostean. NBEk garbiketa etniko eta balizko genozidiotzat jo zuen gertatutakoa, eta nazioarteko gorteak ikertzen ari dira.


Kanal honetatik interesatuko zaizu: Bangladesh
Bangladeshko ehungintzako milaka langilek greba egin dute soldata hirukoiztea eskatzeko

Langileek soldataren hazkundea aldarrikatu dute: 70 eurotik 195 eurora. Protesten harira, 300 lantegi baino gehiago itxi eta beste 50 arpilatu edo erre dituzte.


2023-09-27 | Nicolas Goñi
Urperatzeari egokitzeko aukerak eta mugak erakusten dizkigute bangladeshtarrek

Bangladesh, bere geografiagatik, populazio dentsitate handiko herrialdea izateaz gain, muturreko eguraldien aurrean oso zaurgarria ere bada. Itsasoko erasoen eta ibaiak ahultzearen aurrean, kostaldea babesteko hainbat ekimen bultzatu dituzte bertatik. Halere, egokitzapenak muga... [+]


2023-05-02 | Axier Lopez
Itxurakeria etiketan hasten da

10 urte bete ditu historia modernoko lan hilketa handienetako batek. Bangladeshko bost mila langilek arropa-fabrika batean lan egitera behartu zituzten egoera penagarrian zegoen eraikin batean. Eta hala, apirilaren 24an Rana Plazako eraikin hori bertan behera erori eta 1.132... [+]


2021-07-09 | ARGIA
Banbladeshko lantegi batean 52 pertsona hil ditu sute batek

Dacc hiriburutik gertu dagoen elikagai eta edari fabrika batean piztu zen sua ostegunean eta, gutxienez, 52 hildako eta 30etik gora zauritu eragin zituen. Hainbat pertsona, halaber, harrapatuta geratu zen eraikinean.


Eguneraketa berriak daude