ARGIA.eus

2020ko maiatzaren 26a

Bangladesheko larrungintza-industriaren kalteak, Baztanen ikusgai

  • Baztango Liburutegi Publikoan Larrugintzaren sektorea Bangladeshen erakusketa zabalik dago ortzirala bitarte. Arratsaldez, 15:00etatik 20:00ak arte ikus daiteke. GMB Akash argazkilariak Bangladesheko Hazaribagh barrutian egindako Setem GKEaren irudi- eta testigantza-erakusketa da, eta barruti horretako langileen lan- eta bizi-baldintzei buruzkoa da. Larrua prozesatu eta oinetakoak ekoizten dituzte bertan.

Erran .eus @erran_eus
2019ko abenduaren 18a
Albiste hau Erran .eusek argitaratu du eta Creative Commons BY-SA 3.0 lizentziari esker ekarri dugu.
Baztango liburutegian dago erakusketa ortziralera arte (argazkia: Erran.eus).

Hamabi panelen bidez, oinetakoen industriak giza eskubideen, lan-eskubideen, haurren eskubideen, emakumeen eskubideen, gizarte-bazterketaren eta ingurumenaren gainean duen eragina ikusarazi nahi da.

Bangladeshen, larruaren industriak 1.000 milioi euroko negozio-bolumena du urtean. Giza eta ingurumen-kostu handi eta jasanezinean oinarritzen da negozio hori.

Erakusketa honetako argazkiak atera zirenean, Hazaribagheko 155 zurrategiek egunero 21.600 metro kubiko hondakin-ur isuri zituzten tratatu gabe Dacako ibairik handienera, Burigangara. 180.000 bat bizilagunendako ur-iturri nagusia da ibai hau.

2009an, Bangladesheko Auzitegi Gorenak zurrategiak industria horretako hondakin-urak tratatzeko egokitutako eremu batera eramateko agindua eman zuen, baina epea hainbat aldiz luzatu zen.

2017. urteko apirilean larrugintzako hornidurak bertan behera uzteko agindua eman zen, eta horri esker, pixkanaka hasi da lekualdatzea.

Hala ere, ingurumenaren gaineko eragina ez da industria toxiko horrek landu beharreko arazo bakarra. Milaka langile beren osasunerako arras arriskutsuak diren substantzia kimikoen eraginpean daude egunero, behar bezalako babesik gabe.

Erakusketa osatzen duten argazkiak nazioartean ospe handia duen GMB Akash Bangladesheko ekintzaileak eta argazkilariak egin zituen. Bere ibilbidearen zati handi bat giza eskubideen urraketak islatzen eman du. Akash-ek 100 sari baino gehiago jaso ditu nazioartean.

Albiste hau Erran .eusek argitaratu du eta Creative Commons BY-SA 3.0 lizentziari esker ekarri dugu.

Bangladesh kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude