Musikako Pedagogiaz Ikastaldia Donostian

1975eko urriaren 05an

Maria Castello eta Angel Marco, gorputz espresioko irakasleei elkarrizketa
Milagros Agirre eta Mertxe Iglesias, abesti eta erenskinen teknika irakasleei elkarrizketa
Musikako Pedagogiaz Ikastaldia Donostian
Pertsonaren Heziketa Osoaren Alde
Urriaren 6tik abenduaren 17ra, Donostiako "Peñaflorida" institutoan, Musikako Pedagogiaz ikastaldi bat izango da. Hau bigarren mailakoa da; lehenengoa iaz toki berean eta aurtengo udan Loiolan eman da.
Ikastaldi hauk Gipuzkoako Diputazioak eratzen ditu eta "Real Sociedad Vascongada de Amigos del Pais"-ek zuzentzen. Musikako pedagogiakoaz gainera, beste ikastaldi batzu ere eratzen dituzte erakunde hauek: abestaldeen zuzendaritza, txistua, euskal dantzak eta kitarra.
Pedagogiako ikastaldian ematen diren gaiak hauk dira: gorputzaren espresioa (expresion dinamica), abesti eta ereskinen teknikak, txilibitua -Esther López Irurtia eta Guadalupe Diaz Garciak- eta txistua -Jabier Hernadez Arsuaga eta Martin Rodriguez Mirandak-. Don Jose M. Zapirain da guztien zuzendari. Programak dioenez, ikastaldi hau, haur eta gaztetxoen irakasleentzat (eskola-aurre, E.G.B., batxiller, udalekuetako arduradunentzat bereziki egokitua dago.
Gorputzaren espresioa ematen duten irakasleak Maria Castello eta Angel Marco dira. Honek esperientzia haundia du gai honetan, antzerkiko talde esperimentaletan, ginolean eta "ANEXA" balletean aritua baita. Berak esango digu gorputzaren espresioa delako hau zer den:
-Gizonok, beste gaitasun batzuen artean, gure sentipenak adieraztekoa, hau da, espresibidadea, dugu, era desberdinetan agertzen dena: musikan, pinturan, literaturan... eta baita gorputzaren bitartez ere.
Egungo heziketan ez zaio honi duen garrantzirik ematen. Ez hori bakarrik, zapaldu egiten da gainera. Honek ondoren latzak dakartzi alderdi batetik, gizonaren aberastasunetarik bat, sentimena, mugatzen delako; bestetik, gorputza ez lantzeak haurrengan zenbait arazo sortzen duelako: ezker-eskubia ez bereiztea, ekilibriorik ez gorde ahal izatea eta abar.
Akats hauk, gorgutzak eta buruak elkarrekin duten loturagatik, mila eratara azaltzen dira: irakurtzen eta idazten ikasteko oztopoak, hitz-ebakitzeko (abotsa artikulatzeko) zailtasunak... eta beste maila batetan, komunikatu ezina, moztasuna eta abar. Ez dago esan beharrik, txikitan agertzen diren arazo hauk, bizitza osoan uzten datela beren zigilua.
Horregatik, heziketa oso batetarako, behar beharrezkoa da pertsonaren gaitasun hauk lantzea, gorputzatik hasita.
-Hortan bat gatoz. Baina zuen ikastaldia pertsona larrientzat da; hauen sentimena eta gaitasun horik haurrenak baino zapalduagoak izango dira derrigorrez. Nola lortzen duzue haurrak gai hauetan hezitzeko pertsona larriak prestatzea?
-Egia da pertsona larriok, eman zaigon heziketagatik, zapalduagoak ditugula gehienetan gaitusun horik. Baina orain arte izan dudan esperientziagatik, errepresio hori gainditzeko pauso haundiak ematen direla esan diezazuket, eta hezitzaileen aldetik hori askotan nahikoa da beren haurrei erakus diezaieten.
Gurekin ikastaldia egin zeuen irakasle batek esan zidan haurrak honela landuaz, beroriek inoiz iritsi ez duen bezalako espresibidades maila lortzon dutela.
-Esan iezaguzu nola den zure saioetako bat.
-Adibidez hauxe. Lehendabizi giro bat sortu behar duzu, esate batetarako itsas-ertza. Taldeko gaziak lurrean eserita eta eskutik edo sorbaldatik helduta gaude. batasun sentipen bat izateko Ekintza bat kontatzen hasten zara eta taldekoei parte har arazten diezu, berak sentitzen dutena adieraz dezaten keinuen bidez, abotsaren bidez... Iritsi beharreko beste maila bat hitza erabiltzea da, baina hau da zailena.
Musika
Gorputzaren espresioak musikan du bere osagarria. Ikastaldi honetan abesti eta ereskinen teknikak Milagros Agirre eta Mertxe Iglesiasek erakutsiko dituzte. Hau Guridirekin ikasi ta gero, Madrideko "Escuela Superior de Música" delakoan ikasle izan zen eta ondoren irakasle. Orain "Santo Tomas" lizeoan erakusten du. Berak erabiltzen duen rnetodoaren berri emango digu.
-Guk darabilkigun metodoa Ward anderearena da. Honek ikusi zuen katolikoen artean -lehen bera protestantea zen- herriak ez zuela liturgian parterik hartzen; horregatik sortu zuen metodo hau, musika erraz irakatsi ahal izateko. Bere oinarriak hiru dira: zailtasanak banatzea (haurrari ez zaio inoiz agertu behar batera bi gauza ezezagun); ezagunetik ezezagunera joatea eta haurra, berez, gauzez ohartzea. Oinarri hauk kontuan harturik musikagai gaztiak, piskanaka piskanaka, irakasten dira: ritmoa, doinua, pentagrama...
-Metodo honen bitartez, zein mailatara iristen dira haurrak musikan?
-Sei urtekoekin hasten gara eta E.G.B.ko zortzigarrenera iristean -hamahiru urte- abots desberdinetara kantatzeko gai dira, txilibitua jotzen badakite, orkestako ereskinak eta musika motak ezagutzen dituzte, musikaren historia ikasten dute...
Baina hau dena hutsa litzateke, heziketa oso baten barrenean emango ez balitz. Hemen oso atzeratuak gaude gai hontan; ez zaio garrantzirik ematen musika irakasteari, ez espezialidade bezala, edonor osatzeko gai bezala baizik. Beste herrialde batzuetan, Alemanian eta Hungrian adibidez, haurren heziketan lehenengo etapa gorputzaren espresioa, ritmoa, musika eta horrelakoak irakasteko da. Badituzte horretarako metodo egokiak: Alemanian Orff deritzana, hizkuntzaren doinua jarraitzen duena, eta Hungrian Kodaly, folklorean errotua.
-Zuek kanpoko metodo bat darabilzue. ..
-Egia da. Ahal dena egiten dogu metodo hori gure izateari egokitzeko, haurrei euskal folklore kantak irakatsiz; baina beharrezkoa litzateke gure musikan errotutako metodo bat egitea. Jabier Hernandez Arsuaga txistuaren bidez ari da lan hontan.
-Irakasle talde honen asmoa musika lantzeko toki bat sortzea da, bertan musika ikasi, aztertu eta entzun ahal izateko. Ekintza hau beste arte lanetara ere zabalduko litzateke. Horretarako lehenengo pausoa eman da: laster izango dute gela bat Diputazioko etxean.
Asmoa bete dadila.
ELIXABETE GARMENDIA
1

GaiezKulturaMusikaIrakaskuntz
EgileezGARMENDIA3Kultura

Irakurrienak

Matomo erabiliz

Pantailarik gabeko aisialdiari ekin diote 1.553 ikaslek Ipar Euskal Herrian

Mikel Garcia Idiakez

Zortzigarren polizia infiltratua: bi urte pasatu ditu Madrilgo hainbat mugimendu sozialetan

Gorka Peñagarikano Goikoetxea

Heziketa perfektuaren sindromea: nekeak jotako gurasoak eta presioak itotako haurrak

Mikel Garcia Idiakez

Nazio ala imitazio

Gorka Bereziartua

Desokupako bi gizon Donostiako etxe bat ilegalki husten saiatu dira

Irutxuloko Hitza

Irunen gizon bati eraso egin zion ertzaina kargutik kendu dute momentuz, gertakariak ikertzeko

Gorka Peñagarikano Goikoetxea

Azkenak

2024-05-15 | dantzan.eus | Kattalin Agerre

Mutil-dantzak indartu eta babesteko deia luzatu du Plazara Dantzara elkarteak

Baztango lehen festak hastearekin batera, mutil-dantzak dantzatzera bultzatu nahi dituzte baztandarrak; hala adierazi dute Plazara Dantzara elkarteko kideek publikatu berri duten prentsa-oharrean. Aurreko urtea Baztanen bazterketarik gabeko lehenengo urtea izan zen eta horri... [+]

2024-05-15 | Jon Hidalgo Gereñu

Gazako osasun zentroen %80 zerbitzuz kanpo dago

Gazako osasun sistema kolapsatzeko zorian dagoela jakinarazi du Osasun Ministerioak, erregai faltaren eta erasoen ondorioz. Urriaren 7tik 500 mediku eta 138 erizain hil ditu Israelek, eta 33 ospitale suntsitu. Rafah-tik 300.000 pertsonak egin behar izan dute ihes azken egunetan,... [+]

2024-05-15 | Mikel Garcia Idiakez

Heziketa perfektuaren sindromea: nekeak jotako gurasoak eta presioak itotako haurrak

Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.

2024-05-15 | Xantiana Cachenaut | Enbata

Ezinbesteko egoera

Apirilaren 2 eta 3an Parisen iragan zen epaiketa, dudarik gabe, judizialki memento historikoa izan zen. Lehen aldikotz euskal afera judizialetan, defentsa eta estatuaren ordezkariak aho batez mintzatu ziren.

2024-05-14 | Zigor Olabarria Oleaga

Hil egin da Lizarrako langile bat, gidatzen zuen kamioian istripua izan ostean

51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.

Eguneraketa berriak daude