Bizitza birziklatzen
Bi toki diferentetan egokitu zait garbiketa egitea aldi berean. Ez garbiketa arrunt bat, baizik eta egunerokoan inguratzen gaituzten paisaiak beste era batean arakatzera behartzen gaituen hori, kanpoko objektu fisikoekin batera norberaren baitako egiturak ere mugiarazten diguna.
Bi toki funtsezkotan egokitu zait: lantokian eta etxean.
Lantokikoa badoa arin, ez baita soilik nirea, baizik eta kolektiboa, eta partekatzeak beti dakar onura. Etxekoa ariketa bakartiagoa da, eta horregatik zailagoa.
Lydia Flem belgikarraren Nola hustu nuen gurasoen etxea (Alberdania, 2005) liburua irakurri eta gero hustu behar izan nuen neureen etxea, eta baieztatu nuen liburuak zioena. Besteak beste, gurasoen etxea hustuta haurtzaroko bizipen sakonei eman behar diegula aurpegi.
Helduaroko eszenatokiak (etxea, lantokia…) gauzez, norberaren gauzez, husteak ere antzeko esfortzua eskatzen du.
Izan, ez da nahitaezkoa: erabakitzen ahal nuen lehen begiratu batean ikusitakoak nahaspilaturik botatzea, ezer bereiztu gabe. Bizkorrago amaituko nuen, eta saihestuko nuen nire bizitzaren oraingo errealitatera ekarri nauten erabaki, inguruabar, hari eta gorabeherei so egin beharra.
Erabaki dut egoera deseroso bat aprobetxatzea objektuen alderdi gorpuzgabeei begiratzeko: iraungitako ametsei eta etorkizuneko aukerei
Baina erabaki orohartzaile azkarrak inoiz ez dira izan hautu niretako, eta banekien antolatu, eraldatu edo baztertu beharreko gauza materialak xehe-mehe aztertu behar nituela: birziklatze-legeari men egiteaz gain objektu material ukigarriek gordeta daramaten karga immaterial ukiezin bezain bihotz-ukigarriari heltzeko.
Eta hala ari naiz orain, liburu, CD, brikolaje-tresna, ontzi, jantzi eta gailuak sailkatzen, urtetako hautsak harrotzen, eskuak zikintzen eta barrenak nahasten, oroitzapenak, emozioak eta sentipenak zein bere tokian eta tenorean kokatzen saiatzen, eta unean-unean erabakitzen zerk merezi duen gelditzea eta zerk alde egitea, zer izanen den berrerabilgarri, zer joanen den plastikora edo paperera eta zer bilakatuko den errefusa ezinbestean.
Sistema ekonomikoak tai gabe eramaten gaitu aldi berean gauzak metatzera eta botatzera. Aldiberekoak dira birziklatzeko eta gauza berriak eskuratzeko gonbitak. Eta horrela zaila da denbora hartzea benetan pentsatzeko zertan ari garen.
Oraingoan, erabaki dut egoera deseroso bat aprobetxatzea objektuen alderdi gorpuzgabeei begiratzeko: iraungitako ametsei eta etorkizuneko aukerei. Ez da atsegina, baina bizitzaren beste ikuspegi bat ematen du.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
Badirudi larrazkena agorrila erditsutan hasten dela aldaketa klimatikoaren ondorioz. Euri eskasez hostoak firurikan erortzen dira eta Otso Errekako iraztorrak denbora baino lehen gorritzen dabiltza: ikusgarria da! Historiako udarik beroena ukan dugu aurten eta tenperaturek... [+]
The Searchers filma ari ginen ikusten. Western bat, klasiko bat. Indioek Texaseko familia bati eraso egin eta bahituta eramango dute alaba. John Waynek urteak emango ditu indio gaiztoen atzetik alaba hura erreskatatu nahian. Filmak, bistan da, ez du kontatzen nolakoa zen Amerika... [+]
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
Ordenagailua piztear nintzela, eta udako azken eskaera bailitzan, “amatxo, kontatu artikuluan gaurko karreran ze ondo ibili naizen” eskatu dit txikiak. Kontatu diot trenei buruz hitz egin behar nuela gaurkoan, ez etapen amaierei buruz edota Palestinako banderek izan... [+]
Bai azalak emonbe! Esaten dute Ondarroan, norbait nabarmen gizenduta ikustean. Ezagun bati alderantzizkoa entzun nion azalari buruz: “Azala hain daukat gorputzaren neurri justukoa, ezen norbaiti keinu egiteko begi bat ixten dudanean uzkerrak ihes egiten... [+]
Thomas Piketty eta Michael J. Sandel egileek berdintasunaren kontzeptua jorratzen duen liburua argitaratu dute aurten: Equality. What it means and why it matters (Berdintasuna. Zer esan nahi du eta zergatik du garrantzia, Polity argitaletxea). Pentsamendu garaikidean ospe handia... [+]
Moderno izateak, hiztegiaren arabera, “gaurkoa, egungoa; garai berekoa” esan nahi du, eta baita ere, “jakintzak edo teknikak berrikitan eginiko aurrerapenez baliatzen dena”. Baina aro modernoa eta modernitatea aro historiko bat ere izan daitezke; hain... [+]
Radical futures diseinu espekulatibora zuzentzen den estudioak aurkezpen interesgarri bat partekatu du: A quick guide to the mythologies driving tech power (gida azkarra teknologien boterean daudenak gidatzen dituzten mitologien inguruan). Bertan diote Silicom Valleyko eliteak... [+]
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?
Ez nuke zuen eguna izorratu nahi; ez jende guztia hitz egiten ari denaz hitz egin ere, baina azken asteotan, uda mugitu honen ondoren, sukaldeko leiho ondoko aulkian eseri eta munduari begira jarrita egon naiz. Begiak zabal-zabalik eta isil-isilik begiratu diot munduari bi... [+]
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]