Abeslari sorta ederra
FITXA
Zer: OLBEk antolatutako Gaetano Donizettiren ‘La favorite’ opera.
Nork: Euskadiko Orkestra Sinfonikoak (zuzendaria: Riccardo Frizza) eta Bilboko Operaren Abesbatzak (zuzendaria: Boris Dujin).
Noiz: otsailaren 18an.
Non: Bilboko Euskalduna Jauregian.
-------------------------------------------------------------
Plazer handia izan zen Donizettiren La favorite opera frantsesezko bertsioan entzutea. Esan ohi da opera honek, bertsio horretan, italiar xarma belcantista eta opera frantsesaren melodiatasun berezia nahasten dituela. Egia esan, gozamena izan zen entzuleentzat, nahiz eta Donizettiren operarik onena ez izan.
Hobe izango da antzezpenaren alderdirik ahulenetik hastea, hau da, eszenaratzetik eta aktore-zuzendaritzatik.
Jatorrizko istorioa XIV. mendean gertatzen bada ere, eskainitako eszenaratzea denboran kokatzea zaila da, baita espazioan ere. Pentsa genezake Sevillan kokatzen dela, elementu apaingarri batzuengatik, baina anbiguotasunak –agian hori bilatzen zuten– antzezpen osoan zehar planeatzen zuen.
Bestalde, balet zatia, ia hogei minutu irauten duena, ez zen emanaldiko gauzarik onena izan. Dantzariak ez ziren emakume talde batek protagonizatu zuen, eta, musika zoragarria izanik ere, ikusi genuenak ez zuen zentzu handirik.
Hori bai, ahots kalitate handia entzun ahal izan genuen. Elkarren artean ezin hobeto egokitu ziren artisten bertsioa izan zen, eta orkestra zoragarri akoplatu zen ahots horietara.
Silvia Tro Santafé mezzo valentziarrak erakutsi zuen balio segurua dela, ahots dotore eta sakonarekin, eta biribiltasuna eman zion Léonor de Guzmán pertsonaiari.
Eta zer esan Ismael Jordiri buruz, bereziki karismatikoa iruditzen zaidan tenorea. Bere ahotsak oso tinbre berezia du, distiratsua eta beroa aldi berean. Beste interpretazio batzuetan ezkutuan geratzen diren ñabardurak islatzeko gaitasun handia du abeslari horrek. Espainiako Estatuko tenorerik onenetakoa dela uste dut, zalantzarik gabe. Nortasunarekin eta ahotsa proiektatzeko modu bereziarekin.
Bai Vladimir Stoyanov baritono bulgariarrak, Gaztelako Alphonse XI paperean, bai Simon Orfila baxu-baritonoak, monasterioko priorearen rolean, profesionaltasun eta segurtasun lezio bana eskaini zuten.
Mikeldi Atxalandabaso tenor bizkaitarrak, Don Gasparren rolean, bere interpretazioetan beti eskaintzen duen kalitatea erakutsi zuen. Eta harrituta geratu ginen Alba Chantar soprano malagarrarekin, Inésen (Léonorren dama konfidentea) rolean, bere parte-hartze laburretan, oso ahots interesgarria erakutsi baitzuen.
Riccardo Frizzak bikain gidatu zuen Euskadiko Orkestra, eta soinu oreka fantastikoak lortu zituen, publikoaren txalo zaparradekin oso sarituak.
Donizettiren Don Pasquale opera
Taldeak: EOS eta Bilboko Operako Abesbatza.
Bakarlariak: S. Orfila, M.J. Moreno, F. Demuro, D. Del Castillo, P.M. Sánchez.
Eszena-zuzendaria: Emiliano Suárez.
Eszenografia: Alfons Flores.
Lekua: Euskalduna Jauregia.
Data:... [+]
Egia esan, pena ematen dit kritika honi izenburu hau ipintzea. Bizeten Carmen oso opera ederra da, sentimendu unibertsalak jorratzen dituena, hala nola pasioa, jeloskortasuna, maitatuaren posesioa, independentzia... Eta hori guztia musika-lan bikaina oinarri hartuta. Baina... [+]
Durangoko Hitz liburu-dendan otu zitzaidan Saturraran operak merezi zuela kritika. Jose Julian Bakedanoren arrapostua batetik, liburu-dendako Gaizka Olabarriren berben ilusioa, horrenbeste urtean Hitz liburu-dendako ardura eraman izan duen Nekane Bereziartuak opera hori ikusteko... [+]
Orgia
Pier Paolo Pasoliniren obran oinarritutako ganbera-opera.
Musika: Héctor Parra.
Libretoa: Calixto Bieito. Ensemble Intercontemporain.
Zuzendaria: Pierre Bleuse. Eszenografia: Calixto Bieito. Bakarlariak: Ausrine Stundyte (sopranoa), Leigh Melrose (baritonoa),... [+]
Txoriek negar egiten dute. Ez guk bezala, nonahi, noiznahi, mainontzi, edota besterik gabe barruari eutsi ezinik… Ez zait berehalakoan ahaztuko behin Beran gertatua: urtero Ertz musika jaialdi sonatua egiten zen bertan eta tarteka paisaiarekin zerikusia zuen ekitaldiren... [+]
OLBE-k antolatutako Donizettiren Anna Bolena opera. Bilbao Orkestra Sinfonikoa. Zuzendaria: Jordi Bernacer. Bilboko Opera Abesbatza. Zuzendaria: Boris Dujin. Bakarlariak: Joyce El-Khoury (sopranoa), Silvia Tro Santafé (mezzoa), Marko Mimica (baxua), Celso Albelo... [+]
OLBE-k antolatutako Belliniren I Puritani opera. Euskadiko Orkestra. Zuzendaria: Giacomo Sagripanti. Bilboko Opera Abesbatza. Zuzendaria: Boris Dujin. Eszena zuzendaria: Emilio Sagi. Eszenografia: Daniel Bianco. Bakarlariak: Jessica Pratt (sopranoa), Xabier Anduaga... [+]
OLBE-k antolatutako Verdiri eskainitako errezitaldia
Bilbao Orkestra Sinfonikoa. Zuzendaria: Daniel Oren. Bilbao Operaren Abesbatza. Zuzendaria: Boris Dujin. Bakarlariak: Angela Meade (sopranoa), Daniela Barcellona (mezzoa), Sergio Escobar (tenorea), Giovanni Meoni... [+]
Ez da oso ezaguna Madama Butterfly operan kontatzen den istorioa Euskal Herriarekin erabat maiteminduta zegoen Pierre Loti idazlearen obra batean oinarrituta dagoela. Madame Chrysanthème da obra hori. Antzeko argumentua du, nahiz eta Lotiren originalak amaiera zoriontsua... [+]
Nekatu gabe mila aldiz goza daitekeen obra horietako bat da Rigoletto. Verdiren opera gailenetakoa da, pasarte oso ezagunak eta edertasun handikoak eta ikusleak erakartzen dituen argumentua dituena. Bere alaba ustezko madarikazio batetik etsi-etsian babesten saiatzen den... [+]
OLBEk azken urteotan egin duen proiekturik interesgarrienetako bat Tutto Verdi izenekoa izan da. Verdi musikagilearen opera guztiak antzeztu dira ziklo honetan, salbuespenik gabe. Eta opera horietako azkena da orain aipatuko duguna: Alzira.
Arrazoi askorengatik merezi zuen... [+]
Irratian operaz jarduten duenean aditu, eta operara joateko gogoa eragiten du. Kartsu mintzo baita mikrofonoaren aurrean. Operaz. Horixe du pasio, barru-barruraino sartua du pozoia, eta ez dago beneno hori aterako dion sendagile ez belagilerik.
Plazer izugarria da Euskalduna Jauregian emakumeen ariman sakontzen duten XX. mendeko bi lan hauez gozatu ahal izatea. Gutxitan izango dugu opera labur, bizi eta, argumentuari dagokionez, gogor hauek entzuteko aukera, benetan oso gutxitan programatzen direlako. Eta, egia esan,... [+]
Beti da plazera Mozarten opera batez gozatzea. Salzburgoko konposatzailearen errepertorio zabalean benetako harribitxiak daude, eta ez bakarrik musikaren ikuspegitik. Horixe da La clemenza di Tito obraren kasua, lan berezia baita, ikuspegi psikologikotik izaera introspektiboa... [+]
Operazaleok pozez itxaroten dugu OLBE-ren denboraldiaren hasiera. Eta aurten poza bikoitza izan dugu. Alde batetik, titulu eder-ederra, publikoaren kuttuna izan dugulako, eta, bestetik, interpretazio mundialak disfrutatu ditugulako. Behin baino gehiagotan entzun dugu Bilbon... [+]