Freskotasuna eta barietatea

OLBEk antolatutako opera eta zarzuelako errezitaldia. Bakarlariak: Juan Jesús Rodríguez (baritonoa), Graciela Moncloa (sopranoa). Piano-jotzailea: Manuel Burgueras. Narratzailea: Maite Marín. Egitaraua: Leoncavallo, Puccini, Verdi, Turina, Serrano, Torrob
OLBEk antolatutako opera eta zarzuelako errezitaldia. Bakarlariak: Juan Jesús Rodríguez (baritonoa), Graciela Moncloa (sopranoa). Piano-jotzailea: Manuel Burgueras. Narratzailea: Maite Marín. Egitaraua: Leoncavallo, Puccini, Verdi, Turina, Serrano, Torroba, Chapí eta Sorozabalen lanak. Lekua: Euskalduna Jauregia (Bilbo). Data: apirilaren 20a. Argazkia: E. Moreno Esquibel.

Azken denboraldietan ohikoa izan den moduan, OLBEk errezitaldi polita prestatu du denboraldiko azken titulurako, preludio gisa balio izan duena.

Opera eta zarzuela nahastea ideia bikaina izan da. Izan ere, askok uste dugu ez litzatekeela ideia txarra izango noizbait genero txikia-ren tituluren bat sartzea OLBEren denboraldietan. 

Aldi honetan, ikusi ahal izan dugu zein ondo egokitu diren bi bakarlarien ahotsak eta kantatzeko moduak bi estilo horietara. Emaitza izugarri atsegina eta arina izan da.

Nobedade gisa, Maite Marín aktoreak errezitaldiko pieza guztiei jarraipena ematen dien gidoia antzeztu du, asmo komikoarekin. Egia esan, elementu hori sobera egon da eta ez dio ekarpen handirik egin saioari.

Juan Jesús Rodríguez baritonoak ahots handia eta segurtasuna erakutsi ditu errezitaldi osoan. Nazioarteko baritono verdiar onenetakotzat jotzen da, eta egiaztatu ahal izan dugu zergatik kontsideratzen den horrela. Bai Leoncavalloren I Pagliacciren Si puo? arian, bai Verdiren Don Carloren Io morrò, ma lieto in core kantan, kantu dotorea eta ahotsaren biribiltasuna erakutsi ditu.

Gaueko beste protagonista ere, Graciela Moncloa sopranoa, esperotako mailan egon da. Interpretatu dituen bi opera ariei esker –O mio babbino caro, Gianni Schicchirena (Puccini), eta Sola, perduta e abbandonata, Manon Lescautena (Puccini)–, emozioz beteriko abeslaria aurkitu dugu, bere ahotsa ezin hobeto egokitzen baitzitzaion Pucciniren paperei.

Bigarren zatian, zarzuelari eskainitakoan, interpreteen freskotasunak eta generoa menderatzeak ikusleei asko gozarazi die, zalantzarik gabe.

Sopranoa eta baritonoa nabarmendu dira interpretatu dituzten erromantzeetan, baina onena programako azken duoetan iritsi da. Bi bakarlariak bikain aritu dira Chapíren Por qué de mis ojos (La Revoltosa) eta Pablo Sorozabalen Hace tiempo que vengo al taller (La del manojo de rosas) lanetan. Azken honetan bereziki interpretazio harrigarria izan dute Graciela Moncloak eta Juan Jesús Rodríguezek. Nolako gogoa piztu zaigun guztioi zarzuela eder horren –Sorozabalen harribitxi bat– antzezpen on batera joateko!

Propina gisa, Rodríguezek Guridiren Sasibil, mi caserío erromantzaren bertsio dotorea oparitu digu. Amaiera ederra. 


Kanal honetatik interesatuko zaizu: Musika klasikoa
Sentimendu hutsa eta ahots festa

OLBEren 2023/2024 denboraldia amaitu da, publikoak beti espero duen tituluarekin. Mila aldiz entzun arren beti sentimendu biziak pizten dituen opera da Pucciniren maisulanetako bat. Gainera, oraingo honetan, primerako bakarlariez gozatu ahal izan dugu; antzezpena benetako plazer... [+]


Puccini: gogokoen artean gogokoena

Maiatzaren erdialdean OLBEk bere opera ederrenetako bat, La Bohème, eskainiko digula aprobetxatuta, eta aurten bere heriotzaren mendeurrena betetzen dela kontuan izanda, Giacomo Pucciniren azalpen biografiko/artistiko bat ezinbestekoa dela uste dut.
Jakina, opera maite... [+]


Distira musikan, zakarkeria ekoizpenean

Zer: OLBEk antolatutako Verdiren 'Rigoletto' opera.
Nork: Bilbao Orkestra Sinfonikoak eta Bilboko Opera Abesbatzak.
Non: Bilboko Euskalduna Jauregian.
Noiz: Otsailaren 23an.

------------------------------------------------

Spoiler: Euskaldunan entzun genuen... [+]


Gorabeheratsua

FITXA
Zer: OLBEk antolatutako Mozarten Serralloko bahiketa (Die Entführung aus dem Serail) opera.
Nork: Euskadiko Orkestra Sinfonikoa eta Bilboko Operaren Abesbatzak.
Non: Bilboko Euskalduna Jauregian.
Noiz: Urtarrilaren 20an.

[+]


Eguneraketa berriak daude