Klubak jokalariei sexu-abusuen kasua “gezurra zela” eta “isilpean mantentzeko” esan ziela adierazi du Lointekeko jokalari ohi batek
Angie Bjorklundek urrian utzi zuen Lointek Gernika kirol-taldea. Instagram bidez adierazi du arrazoia klubeko entenatzaile Mario Lópezen kasua izan zela.
Gernikako Lointek saskibaloi taldea inguratu duen zurrunbiloaren erdian, lehen aldiz hitz egin du gaiaren inguruan taldeko jokalari batek, Angie Bjorklundek. Bjorklund pasa den urrira arte Lointek Gernikako jokalari zen, eta taldea uzteko zituen arrazoiak argitaratu ditu bere Instagram kontuaren bidez emandako adierazpenetan.
Lointekeko jokalari ohiak argi adierazi du klubarekin bildu zela hainbat bilera egiteko eta bere kezka adierazteko. Bjorklundek azpimarratu du helarazi ziela arduradunei lan-giroan ez zela “gustura eta seguru” sentitzen: “Hori adieraztea ez al zen nahikoa izan?”. Halaber, nabarmendu du gogor borrokatu zela klubeko zuzendaritzarekin, Mario López bere postutik kendu zezaten: “Berak geratzeko eskubidea zuela esaten zidaten”. Bjorklundek salatu du kirol-taldeak esan ziela sexu-abusuen salaketa “gezurra” zela, eta denek “isilpean” gorde behar zutela.
Oihartzun handia izaten ari da Gernikako Lointek saskibaloi taldearen auzia. Iragan astean klubeko entrenatzaile Mario López atxilotu zuten jokalari bati sexu-abusuak egiteagatik, eta ordutik kasuaren kudeaketaren inguruko bertsio kontrajarriak eman dituzte Gernika-Lumoko Sare Feministak eta Lointek kirol-taldeko arduradunek. Sare Feministak adierazi du uztailean bildu zela klubarekin salaketa helarazteko eta neurriak hartzeko, baina klubak esan du beraiek orain arte “ez zekitela ezer”. Mugimendu feministak klubak auzian izan duen “konplizitatea” salatu du, orain arte neurririk hartu gabe.
Lehen partida Gernikan
Asteazkenean, abenduaren 20an, izan zuten lehen partida Gernikan, kasua igandean argitara atera ostean. Maloste Kiroldegian jokatu zuten Kangoeroes talde belgikarraren aurka. Partida hasi baino lehen, saskibaloi taldeko zuzendaritza eta jokalariak elkartu dira “Gehiagorik ez” leloa idatzita zuen pankarta batekin. Hainbat zalek bere haserrea agertu zuten harmailetatik karteletan zituzten hainbat mezuren bitartez, kirol-taldeak kasuan izan duen kudeaketa “txarra” salatzeko.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.
Hiru gizonetatik bi adin txikikoak dira eta epaitegian deklaratu dute. Hirugarrenaren bila ari dira.
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte... [+]
2023ko abenduan notizietara salto egin zuen Gernika-Lumok: bertako saskibaloi entrenatzailearen kontrako salaketa bat zegoen sexu eraso jarraituak egitearren. Sare Feministaren izenean, zurrunbilo mediatikoan murgildu zen Apraiz.
Gipuzkoako auzitegi baten arabera 2016 eta 2018 urteen artean bost aldiz bortxatu eta beste hainbat sexu eraso zein tratu txar egin zizkion, neskak 12-14 urte zituenean. Gizonari hamasei urte eta hiru hilabeteko kartzela zigorra eta kalte ordainetan 50.107 euro ordaindu beharra... [+]
Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Alain Esquerrek idatziriko Le silence de Bétharram (Betharramgo isiltasuna) liburuan eman du lekukotza Helene Perlantek, François Bayrouren alabak. 1980ko hamarkadan egon zen ikastetxe katolikoan ikasle eta berrogei urte luzeetan isilik atxiki ditu bertan jasandako... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Hamaika eraso Uztaritzeko (Lapurdi) San Frantses Xabierko ikastetxe katolikoan gertatu ziren, beste biak Domintxaineko (Zuberoa) ikastetxe katolikoan eta Angeluko (Lapurdi) San Josepe ikastetxe publikoan. Uztaritzeko ikastetxean ikasitako bost gizonek beren testigantzak eman... [+]
Prentsaurrekoa eskaini dute ostegun honetan Marc Aillet Baionako apezpikuak, elizbarrutiko hezkuntza katolikoko zuzendari Vincent Destaisek eta Betharramgo biktimen entzuteko egiturako partaideetarikoa den Laurent Bacho apaizak. Hitza hartzera zihoazela, momentua moztu die... [+]
11 adin txikikori sexu erasoak egiteagatik 85 urteko kartzela zigorra galdegin du Gipuzkoako fiskaltzak. Astelehenean hasi da epaiketa eta gutxienez martxoaren 21era arte luzatuko da.
Elizak 23 kasu ditu onarturik Nafarroa Garaian. Haiek "ekonomikoki, psikologikoki eta espiritualki laguntzeko" konpromisoa adierazi du Iruñeko artzapezpikuak.