Jaurlaritzak aitortu du “aktiboki” presionatu duela ibilgailuen isuriei jarritako muga atzeratzeko
Europako Batzordeak ezarri nahi zuen Euro 7 araua indarrean jartzeko epea atzeratzea txalotu du Arantxa Tapiak: "Lehenago edo beranduago hartu beharreko erabakia zen".
Asteartean Europar Batasuneko industria ministroek erabaki garrantzitsua hartu zuten, automobilgintza industriari eta klima larrialdiari eragingo diona: Euro 7 araua indarrean jartzeko epea atzeratuko dute, autoen kutsadura atmosferikoa murriztea helburu duena.
Ibilgailu arinen kasuan 2025. urtetik 2027ra eta astunen kasuan 2027tik 2029ra malgutu dute epea. Horrek esan nahi du, 2034ko abenduaren 31ra arte saldu ahal izango direla Euro 7 araua betetzen duten autoak, eta horietako askok XXI. mendearen bigarren erdialdera arte jarraituko dutela errepideetan.
2034ko abenduaren 31ra arte saldu ahal izango dira Euro 7 araua betetzen duten autoak, eta horietako askok XXI. mendearen bigarren erdialdera arte jarraituko dute errepideetan
Automobilgintzako lobbyak presio handia egin du araua atzeratzeko, eta horrekin batera erakunde eta gobernuek ere bai. Eusko Jaurlaritzako Ekonomia Garapen, Jasangarritasun eta Ingurumeneko sailburu Arantxa Tapiak agerraldia egin du asteartean bertan, erabakia baloratzeko, eta aitortu du "aktibo" egon direla norabide horretan presioa egiten, Europako beste eskualde eta Espainiako Estatuko beste erkidego batzuekin batera.
"Nolabait, Europari aipatu diogu zer garrantzitsua den sektorea hainbat tokitan eta desindustrializazio bat eman zitekeela; hori guretzat onartezina dela. Hor oso aktibo egon gara", esan du Tapiak.
Sailburuaren aburuz, "oreka konplikatua" da industria eta enplegua mantentzea eta isurketak murriztea; baina "teknologiaren eta ikerketaren laguntzarekin" biak lortu daitezkeela adierazi du: "Gutxiago kutsatuko duten automobilentzako bioerregaiak lortzeko bidelagunak dira".
Era berean, auto elektrikoentzako bateriak ekoizteko Basquevolt proiektua eta EAEn garatzen ari diren beste proiektu batzuk ere aipatu ditu Tapiak.
EAEko 1,3 milioi biztanlek Europar Batasunak 2030erako ezarri berri dituen mugak gainditzen dituen aire kutsatua arnastu zuten 2024an, Ekologistak Martxanek eginiko ikerketaren arabera.
Neurriak orain arte, A etiketadun eta etiketarik gabekoei eragiten zien.
Auzo elkarteak, herri mugimenduak eta ekologistak batu ziren asteazkeneko kontzentrazioan. Lantegien jardueraren amaiera itxaroten ari dira duela hamar urte.
Ekologistak Martxan taldeak ohartarazi ostean Donostiako Ategorrieta hiribide inguruan airearen kutsadura maila oso handia dela, udaletik zalantzan jarri dute erabilitako metodologia eta adierazi dute errepide horretan dagoen estazio ofizialaren datuak hartu behar direla... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Frantziako legebiltzarrean Errepublikanoek eta Batasun Nazionalekoek egindako zuzenketen harira dator erabakia. Zuzenketak onartu dituzte, eta, beraz, Euskal Hirigune Elkargoak emisio gutxiko eremua ezartzeko gastu ekonomikorik ez egitea erabaki du.
Energiaren Nazioarteko Agentziak (IEA) astelehenean argitaratutako txostenaren arabera, %2,2 igo da energia eskaria 2024an aurreko urtearekin alderatuta, besteak beste, egiturazko arrazoi hauengatik: beroari aurre egiteko argindar gehiago erabili beharra, industriaren kontsumoa... [+]
Kutsatzaile kimiko toxikoak hauteman dituzte Iratiko oihaneko liken eta goroldioetan. Ikerketan ondorioztatu dute kutsatzaile horietako batzuk inguruko hiriguneetatik iristen direla, beste batzuk nekazaritzan egiten diren erreketetatik, eta, azkenik, beste batzuk duela zenbait... [+]
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Ur kontaminatua ur mineral eta ur natural gisa saltzen aritu dira urte luzeetan Nestlé eta Sources Alma multinazional frantsesak. Legez kanpoko filtrazioak, iturburuko ura txorrotakoarekin nahasi izana... kontsumitzaileen osagarria bigarren mailan jarri eta bere interes... [+]
Greenpeaceko kideak Dakota Acces oliobidearen aurka protesta egiteagatik auzipetu dituzte eta astelehenean aztertu du salaketa Dakotako auzitegiak. AEBko Greenpeacek gaiaren inguruan jasango duen bigarren epaiketa izango da, lehenengo kasua epaile federal batek bota zuen atzera... [+]
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.