Turismofobia eta ardura pertsonala
Uda eta jai sasoia pasaturik, hasiak gara herria berreskuratzen. Amaitu dira hondartzarako traste artean manifestazioan antzera doazen uholdeak. Amaitu dira jatetxeak gainezka, tragoa eskatzeko komeriak eta erosketak ordaintzeko ilarak. Amaitu dira “barkatu, baina amaitu da” erantzunak. Turismoaren goi-denboraldia fini da.
Turismofobia berba modan dago. Telebistan, gobernuek emandako datu “onekin” batera pieza txikiren bat dator lantzean behin, ea gurean turismofobia zabaldu ote den. Baina nik oraindik ez dut ezagutu turisten beldur etxean giltzapetu den inor, turistak gaizkile hutsak direla pontifikatzen duen inor, turista guztiak bota edo hil behar direla esaten duen inor.
Zeren eta fobia beldur irrazionala baita. Horixe da, sakon-sakonean, xenofobo eta aporofoboek sentitzen dutena. Baina turisten beldurrik ez dago eta askoz gutxiago beldur irrazionalik. Fobia hitza oso erabilgarria izan daiteke gaiaren inguruan sakon ez hitz egiteko, eztabaidak eten eta ekiditeko. Hain fenomeno ezberdinak, denak kutxa berean sartuta.
Izan ere, turismoa egitera datorren jendea ez da txarto trataturik sentitzen, txarto tratatua izaten ez den heinean. Gehiengoa ez bada ere, ez dira gutxi herri osoa euren resort edo opor-gune partikulartzat hartzen dutenak, hemen jendea bizi egiten dela ardura barik, eta euren herrietan sekula egingo ez lituzketen gauzak egiten. Horiek ere ez ditugu gorroto, ez gehiegi edo mereziko luketen bezainbeste, behintzat.
Turistak erakartzeko –eta lagunen poltsikoak betetzeko– edozer da zilegi, dena dago salgai, baita bizitza bermatzen duten biosferaren erreserbak ere
Beldurra sortzekotan, turismo neurrigabearen ondorioek sortzen dute. Gure herrietan dagoen lan apur bakarra ostalaritza bezalako sektore prekarizatura mugatzen da. Bigarren sektorea ahulduz doa eta lehenbizikoaren garrantzia, agintarientzat, kanporantz erakutsi ahal ditugun kalitate zigilu eta jatorri izen edo marketara mugatzen da. Turistak erakartzeko –eta lagunen poltsikoak betetzeko– edozer da zilegi, dena dago salgai, baita bizitza bermatzen duten biosferaren erreserbak ere. Edozelan, politika anker eta kaltegarrien inguruko diskurtsoa egitea gauza ondo erraza da.
Aurreko udaleko alkateak, EAJkoak, prentsaurrea eman behar izan zuen. Ez dago etxebizitzarik merkatuan, ez alokairuan, ez salmentan. Garestiak izatetik bat ere ez egotera pasatu gara. Zelan da posible? Non daude etxe horiek guztiak? Zeren eta etxeak hutsik gelditzen baitira, habitatzen dituen jendea hiltzen den erritmora, besterik ez bada ere. Gero eta gehiago daude Airbnb edo Booking moduko plataformetan, ez izan zalantzarik.
Alkatearen neurri izarra, jendeari etxeak merkatura ateratzeko erregutzeaz gain, etxeen gaineko zerga igotzea izan zen. 100 euro ordaintzen duenari 150 euro ordaintzera behartzeak ez dirudi eraginkorregia. Ikusteko dago ea udal berriak gai honetan benetan esku sartzeko asmorik edo interesik izango duen.
Gero eta jende gehiagok nahi du otzara jarri urrezko arrautzak erruten dituen oiloaren popan. Eta honetan ez dago ezberdintasun handirik batzuen eta besteen boto emaileen artean. Akaso, horietako batzuk turismoaren inguruko lehengo diskurtsoa egiteko gai dira, turistari gau bakoitzeko 100 euro baino gehiago kobratzen dizkioten bitartean.
Eta bai, instituzioek daukate ardurarik nagusiena, baina besteekiko eta herriarekiko ardura pertsonalik ezak ere eraman gaitu gauden egoerara. Ahalik eta diru gehien ahalik eta buruhausterik gutxienekin. Auzokoak egiten badu, nik zergatik ez? Galdera hau egitetik Ayusozaleen “askatasuna!” oihukatzera ez dirudi tarte handirik dagoenik.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Portugaletera bazoazte, autobidea utzi eta hiriko sarrerako bi erreiko bide bazterrean 40 ardiko artaldea ikusiko duzue agian. Makilarekin zaindari dute alboan artzaina, iluntzetan itxituran sartu eta egunez pisu-lantegi arteko zelaietan bazkatzen du artaldea. Bere izena izan... [+]
“Ez dakit” esaldi itzela da, baina zenbat kostatzen den esaten ikastea! Irakasleoi, batez ere, ikasleek eta gizarteak orojakileak garela sinistarazi digutelako. Beraz, eskola-emaileoi ezjakintasuna aitortzeak lotsa eta larria eragiten digu, gure ahultasun hori... [+]
Ikasturte hau, zalantzarik gabe, ekitaldi handien ikasturtea izan da. Horrek hainbat hausnarketa eragin ditu kalean, eragile sozialetan zein sareetan. Eragin baino gehiago, azaleratu; egon bazeudelako lehenago ere. Esan beharrik ez dago: aisialdia ez da erantzukizun politikotik... [+]
Lagunen arteko erlazioak fluidoen fisikaren pean daude, amodio erlazioak baino gehiago, Zygmunt Bauman gorabehera. Ez du gura esan amodio harremanak, egun, solidoak direnik. Likuadora-ren soziologoak saiakera gomendagarria idatzi zuen horretaz, Maitasun likidoa, azpitituluz Giza... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Pasa den astean kontabilitatea egiteko software libreko programa instalatu nuen ordenagailuan. Ez dakit lurralde guztietan berdin izango den, baina Bizkaian jarduera ekonomiko bat garatzen dugunok Batuz atarian egin behar ditugu fakturak. Batuz ataria ondo dago, baina... [+]
Kooperatiben mugimenduak euskal nortasunaren sakoneko afektu bat esnatzen du gehienetan. Kontzeptuarekiko gertutasun, harrotasun, lurraldetasun bat. Eta bizirik dabil, kooperatibek gaurkotasun handia irabazi dutelako, ez da iraganeko historiako ekimen euskaldun bat... [+]
Zezenketaren kontrakoa naiz, baina debekua heltzen den bitartean, jarraituko dut zezen-plazetan gozatzen”. Lagun baten iruzkin zinikoa gogorarazi dit Jose Luis Ábalos PSOEko ministro ohiaren azken polemikak.
Izan ere, Koldo ustelkeria kasuaren testuinguruan... [+]
Prekaritateak prekaritate, Euskal Herriko ezkerreko militanteak, oro har, ez gara txarto bizi. Udako oporrak dira horren adibide, asko baikara atseden plan bikaina dugunok; ikastaldi aroko gure ekologismoari, ordea, keroseno kiratsa dario. Zein baino zein hegaldi garestiagoak... [+]
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Wesley Clark AEBetako jeneralak azaldu zuen moduan, 2001eko plana zen bost urtetan zazpi herrialde hartzea: Afganistan, Irak, Somalia, Sudan, Libano, Siria eta Iran. Ez dira bost urte izan, baina denak, azkena Siria, erori dira, Iran izan ezik.
Iranek erasoak Sirian, Iraken... [+]
2016. urtean Ping elkarteak urtero Nantesen antolatzen duen Summer Lab-ean izan nintzen. Gurean ere halakorik badugu, adibidez uztaileko lehen astean Tabakalerako Medialabean ematen dena.
Nanteseko Summer Lab-ean OSHW (Open Source Hardware / Kode Irekiko Hardwarea) inguruan,... [+]
Irango hiru gune nuklearrei eraso diete AEBek pasa den asteburuan. Donald Trump eta aiatolaren arteko pultsuan eta Netanyahuren rolean zentratu dira hedabideak albistea ematerakoan, ez ordea bertoko zein diasporako herritarren larritasunean: Teheranetik ihes egiteko bultzakada,... [+]