Hildakoak 41.000 mila dira jada, eta kritikak areagotu dira NBEren eta Turkiako Gobernuaren aurka
NBEko buruak onartu du Siria ipar-mendebaldeko herritarrei "huts egin" diela, ez dutelako laguntza humanitariorik bidali bertara. Turkian 113 lagun atxilotzeko agindu dute, araudia bete gabe eraikitako eraikinen harira.
41.000 hildako eta 85.000 zauritu zenbatu dituzte gutxienez Turkian, Sirian eta Kurdistanen, Turkiako Gobernuak eta Osasunaren Mundu Erakundeak emandako azken datuen arabera. Oraindik ere biktimen kopurua handitzea espero dute. Azken orduetan zortzi pertsona erreskatatu dituzte Turkian, sei egun hondakinen azpian igaro ostean. Diotenez, oraindik 150.000 pertsona egon daitezke eraitsitako eraikinen artean.
Kasko Zuriak erreskate-taldeak salatu du Siria ipar-mendebaldean ez dutela Nazio Batuko Erakundearen laguntzarik jaso. Martin Griffith NBEko buruzagi humanitarioak aitortu du erakundeak "Siria ipar-mendebaldeko jendeari huts egin" diola.
Enpresa eraikitzaileak eta gobernua jo-puntuan
Turkian 6.000 eraikinetik gora eraitsi dituzte lurrikarek, eta Fiskaltzak eraikuntzako arduragabekeriak ikertzeko unitate berezi bat jarri du abian. 113 atxilotze-agindu egin dituzte, Fuat Oktay Turkiako presidenteordeak jakinarazi duenez. Besteak beste, leporatzen diete etxebizitzetan lekua irabazteko zutabeak ez eraikitzea. Arkitektoen Eskolak salatu du eraikuntzako araudia ez betetzeagatik eta Gobernuak lizentziarik gabe eraikitako etxeen aurrean ez-ikusiarena egiteagatik hil direla horrenbeste herritar. Efe Emin Koramaz, Turkiako Arkitekto eta Ingeniarien Ganberen Batasuneko presidenteak azaldu du Erdogan Gobernuan egon den 20 urteetan eraikin "arriskutsu, ustel eta ilegalen" zortzi legeztatze handi izan direla.
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Elkarrekin-Podemos taldeak informazioa eskatu du Eusko Legebiltzarrean, Lemoako Bistibietako zabortegian egon daitekeen hondakinen inguruan. Ekologistek sarritan salatu dute bertan gorde zituztela 2002an hondoratutako Prestige petroliontziak askatu eta euskal arrantzaleek itsaso... [+]
Astelehenean Japoniako mendebaldeko kosta kolpatu duen lurrikararen ondorioz dozenaka pertsona zaurituta eta etxebizitza ugari suntsituta daude. Gutxienez 48 hildako eragin ditu, baina hondakinen azpian harrapatutakoak “lehenbailehen” erreskatatzeko beharra... [+]
Azken hamarkadetan Afganistanen izandako “lurrikara suntsitzaileenetarikoak” izan dira. 2.530 pertsonal hil eta 9.240 zauritu dira EITBk argitara eman duenez.
Kalteturiko lurraldea hondamendi eremu izendatu dute. Gehien kaltetutako hiria Derna izan da, eta erreskate taldeek zailtasunak dituzte hara iristeko.