Hirugarrenez mende honetan, zer egingo dugu mundu mailako krisi honen aurrean?


2022ko martxoaren 03an - 15:49
Macron eta Vonder Leyen, Europar Batasuneko multinazionaletako buruekin bildu ziren otsailaren 28an Parisen

Ez naiz ni aditua, ezta aritua ere geopolitika kontuetan. Ez dakit oraingoan zer irabaziko duen AEBek, zer Errusiak, edota non geratuko den Europar Batasuna boterearen nazioarteko banaketan Ukrainiako gerran emandako jauzia eta gero. Baina huts egiteko beldur gutxirekin esango dut potentzia inperialisten arteko nork-zer kontrolatu guda amaigabean, erabakietan eta bere ondorioetan inolako kontrolik ez dugunok galtzen dugula beti, ez dugulako nola irabazi.

Macronek Parisen batu zituen Europako enpresa multinazional nagusietako buruak. Botere ekonomikoaren eta politikoaren arteko bilera, oihartzun eskasekoa, baina segur aski mugarria EBren erabakietan. Ondoren etorri dira armak, gastu militarra, zigor ekonomikoak… eta ondorio ekonomikoetarako prestatzeko agintarien diskurtso solemneak. COVIDaren krisiak utzitako kalteak zuzentzeko benetako planik ez, eta krisi sistemikoa motzean areagotuko duten erabaki berriak.

Macronek eta Sánchezek ondorio ekonomikoak iragarri dituzte eta dei egin dute guztiok bat egin dezagun, 2008an bezalaxe, halako krisiaren aurrean klase interes kontrajarriak daudenik ukatuz

Macronek eta Sánchezek ondorio ekonomikoak iragarri dituzte eta dei egin dute guztiok bat egin dezagun, 2008an bezalaxe, halako krisiaren aurrean klase interes kontrajarriak daudenik ukatuz.  Madriletik “plan nazionala” egiteko deia, Parisetik Europa osoak honetan bat egiten duela.

Mundu osoan ondorioak izango dituen hirugarren krisia 2008az geroztik, eta begira gaituzte berriro, begirale nahi gaituzte. Gure esku dago horrela denik onartzea. Aukera berri bat dugu nazio gisa eztabaidatuz gure ekonomiaren, bizitzen eta etorkizunaren kontrola pixkanaka eskuratzeko balio behar duen nazio plana egiteko bideari ekiteko. Kalte ekonomikoak saihesterik ez dugu, borrokatzea posiblea da ordea, langileok ordaindu ez ditzagun.


Kanal honetatik interesatuko zaizu: Ukrainako gerra
Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


Babes gutxi jaso du NATOko tropak Ukrainara bidaltzeko Macronen planteamenduak

Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.


Zelenski: "Ukrainako 31.000 eta Errusiako 409.820 soldadu hil dira gerran”

Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.


Eguneraketa berriak daude