Bertute bat bere horretan
.jpg)
Ginzburgen lan hau bi zatitan banatuta dauden hamaika testu laburrek osatzen dute. 1944tik 1962rako bitartean idatziak dira denak, Italiako egunkari eta aldizkarietan argitaratuak. Horietako bi Londresen eta Londresi buruz idatzitakoak dira. Autoreak berak, oharrean, garrantzia eman dio kronologiari, testu batetik besterako tonua eta estiloa desberdinak direla justifikatzeko. Gehien gustatu zaidan alderdia da. Izan ere, liburu heterogeneoa, aldakorra eta sorpresaz betea aurkituko dugu.
Testu guztiak daude lehenengo pertsonan idatziak, autobiografikoak dira. Batzuek gehiago dute bizitzako pasadizoetatik eta beste batzuek saiakera itxura hartzen dute, hausnarketa, iritzi eta pentsamenduz beteak baitaude.
Liburuko lehenengo atala bizipen pertsonaletatik abiatzen da: Negua Abruzzon testuarekin irekitzen da. Bigarren Mundu Gerran Abruzzon erbesteratuta pasa zuten garaiaz ari da. Testu malenkoniatsua eta tristea da, eta bukaeraraino jakingo ez dugun elementu bat gordetzen du. Zapata Urratuak da bigarrena. Zapaten funtzio oinarrizkoena (erosotasuna, berotasuna) metafora gisa erabiltzen du klase sozialez eta desberdintasunez hitz egiteko. Lagun baten erretratua bere buruaz beste egin zuen beraien lagun baten deskribapena da, nahiz eta izenik ez duen aipatzen. Hurrengo testua ironiaz beterik dago: Ingalaterraren gorazarrea eta arrangura. Esaldiren batekin barrea eragin dit, umorez idatzia baitago. Hurrengoa ere, La maison Volpé, Londresen kokatu du eta italiar batek Ingalaterra eta bere jendea nola ikusten dituen kontatzen digu, janaria aitzakiatzat erabilita. Bera eta ni kontrastez beteta dagoen bikote baten deskribapena da.
Liburuko bigarren zatian zazpigarren testua aurkituko dugu: Gizakiaren umea. Gerrak pertsonengan uzten dituen ondorioez ari da, betiko puskatutako konfiantzaz. Nire lanbidea idazketa den ogibideaz ari da. Oharrak, poemak, ipuinak idazten zituen neskatilaz. Isiltasuna, izenburuak esaten duen bezala, isiltasunaren inguruko hausnarketa da. Hurrengoa pentsamendu jarioarekin egina dago eta estilo egokia da Giza harremanak testua ontzeko. Azkena, Bertute txikiak da. Liburuari izenburua ematen dion testuak guraso eta seme-alaben arteko harremanaz hausnartzen du. Hezkuntzaren erdigunean balore handiak baino, garrantzirik gabeko bertute txikiak jartzeak duen arriskuaz dihardu. Azkenengo esaldia jasotzea gustatuko litzaidake: “Bizitzarekiko amodioak bizitzarekiko amodioa sortzen baitu”.
Hau da euskaraz dugun Ginzburgen laugarren liburua. Zorteduna zu, autorea oraindik ezezaguna baduzu. Bere literatura irakurtzeko aukera izan ez baduzu. Gozamena duzu aurretik, hitzaren erabilera bikaina baita idazlearen bertuteetako bat.
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Mainz (Alemania), 1454. Johannes Gutenbergek eskala handian inprimatutako lehen liburua argitaratu zuen, Berrogeita bi lerroko Biblia izenez ezagutzen dena. Gutenbergek ez zuen inprenta asmatu; dakigula, Txinan, 1040an, Bi Shengek asmatu zuen inprimatzeko lehen makina... [+]
Kanbodiako enbaxada
Zadie Smith
Itzulpena: Garazi Ugalde
Igela, 2022
-----------------------------------------------------
Batek baino gehiagok askatu ezin duen ideia faltsua da Europa jende berdinez soilik dagoela eraikita. Eta ez bakarrik faxistek. Egiatan, gutako... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
‘Sanfermines de 1978. Los victimarios’ liburua kaleratuko du Txalaparta argitaletxeak. German Rodriguezen heriotzaren erantzule eta arduradunak biltzen ditu.
Hazparnen idekiko da –hau publikatzean ez bada jadanik egina– liburu denda berria. Et’abar deituko da. Denda tipia izanen da, euskarazko publikazioen eskaintza ukanen duena. Ez da Ipar Euskal Herri barnealdean bakarrik arituko. Hain zuzen ere, azken lau... [+]
Azkenaldian liburu batekin gozatzen aritu naiz. Oso denbora laburrean bi aldiz irakurri dut; lehendabizikoan gozamen hutsez eta bigarrengoan arkatza eskuan. Rodrigo Villalobos arkeologo espainolaren Hoces de piedra, martillos de bronce lanak historiaurreko gizartea arakatzea du... [+]
2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.
2 urtera arteko haurrek galarazita dute Debako haur liburutegian egotea, eta 2-6 urtekoek 16:30-17:30 artean baino ezin dute egon. Hogei urtez horrela funtzionatu duen ageriko diskriminazioa buka dadila eskatzeko ama talde bat elkartu denean, ezetz erantzun die udal gobernuak... [+]
6 urtez azpiko haurrek egunean ordubetez baino ezin dute egon Debako liburutegian. Udal gobernuak argudiatu du "liburutegian erabilgarri dagoen espazioa mugatua" dela, baina ez du argitu espazio mugatu horregatik ezartzen dituzten ordu murrizketak zergatik aplikatzen... [+]
Liburutegi publikoak kudeatzearen ardura duen EAEko Liburutegi Zerbitzura gutun bidalketa masiboa egin dute Debako hainbat herritarrek, herriko liburutegiko araudi diskriminatzailearen aurrean esku har dezala eskatzeko. 6 urtetik beherakoek egunean ordubetez baino ezin dute... [+]
Fiesta y rebeldía. Historia oral del Rock Radical Vasco
Javier 'Jerry' Corral
Liburuak, 2025
------------------------------------------------
Javier Corral ‘Jerry’ EHUko Kazetaritzako lehen promozioko ikaslea izan zen, Euskal Herriko rock... [+]