Argi-kontuak
Hiru. Orain dela urte batzuk argindar-kontagailu analogikoa kendu eta digitala paratzeko agindu zigun Iberdrolak. Aldian-aldian langileak bidaltzen zituzten etxera aurretik abisatu gabe. Susmo txarra hartu genien interes eta tema ezohiko haiei: haiek, kontagailua aldatu behar zigutela, eta guk etxeko kontagailua ongi zebilela. Hilabeteak horrela –eta hamaika mezu-truke–, harik eta mehatxua iritsi arte: kargudun batek deitu zigun Bilbotik esanez argindarra etengo zigutela kontagailua aldatu ezean. Itzalaldi baten beldurrez, amore eman genuen.
"Inork gogoratzen ditu zaborrak egun eta ordu jakin batzuetan atera behar izateak sortutako protestak? Inork ikusi ditu halakoak elektrizitate-ordutegien kontra?"
Bi. Kooperatiba batekin dugu elektrizitate-kontratua: energia berdea kontsumitzeaz gain, faktura, merkeago (orain arte bederik...). Orain, gurea bezalako kooperatiba txikiak kapitala handitzera behartuko dituzte merkatuan jarraituko badute. Kooperatibarekin segituko dugu, ez dugu amore emanen (eskaintzak egiteko Iberdrolatik deitzen diguten bakoitzean kooperatiban jarraitzeko asmoa berresten dugu itzalaldi-mehatxu hura gogoan...).
Bat. Gauetik goizera prezioak orduka ordaintzera behartzen gaituztenetik, erlojuari begiratu behar etxetresna elektrikoak pizteko (etxeko beharrei lotu ordez). Zorabiatzen hasiak gara, eta zorabioaren erdian, galderak. Zer dela eta ordutegien kontu hau? Prezioak orduka markatzeko sisteman, zer paper dute kontsumoak segundoz segundo neurtzen dituzten kontagailu digitalek? Noiz arte eginen diogu men ordutegien begiratzeari? Inork gogoratzen ditu zaborrak egun eta ordu jakin batzuetan atera behar izateak sortutako protestak? Inork ikusi ditu halakoak elektrizitate-ordutegien kontra?
Zero, huts. Beste itzalaldi baten mehatxua orain, erraldoia, mundiala. Eta albistea hauspotzeko, zer hobe defentsa-ministro bat baino? Zonbien inbasio baterako egokiak diruditen jarraibideak emanez, gainera: etxean gasezko su txikiak eduki behar zer gerta ere, eta kandelak, eta linternak, eta edateko ur nahiko, eta elikagai lehorrak eta kontserbakoak, eta dirua, eta... Atzerako kontaketa? Kapitalismoaren alderdi abenturazale eta apokaliptikoek sinesgarri bihurtzen dituzte iragarkizunak –Eduardo Galeanok esan bezala, beldurrezko zinemarekin inoiz ezin jakin–, baina lehen efektua, efektu nagusia, ezer gertatu gabe lortzen dute: beldur-hedatzaile erraldoiak dira (eta su-saltzaileak). Hala ere, badute gauza bat on: bertatik bertara erakusten digute noraino iristen den gure esklabotza guk geuk asmatutako aurrerabideekin.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
Euskarak urte luzeetan ezaguturiko zapalkuntzaren ondorio larriak, frankismoaren errepresio itogarriak, baita gure hizkuntzarekiko erakutsi zuen jarrera erasokorrak ere, piztu zituzten herri honen euskaldungoaren kontzientzia eta oldarra. Eguneroko esperientziaren egoera larriak... [+]
A zer zortea gurea! Inork nahi ez duen edozein industria-proiekturentzako puntu bero gogokoena gara gu! Ezkerraldea eta Meatzaldea, beti prest beste leku batzuetan gogaitzen duen guztia beso zabalik hartzeko. Petronor? Ederto. Lindane-hobi bat? Aurrera. Dorre elektrikoak gure... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Sentitzen dut, baina kosta egiten zait sinestea. Yeray Alvarez Athleticeko jokalariak analisi batean positibo eman izanak berriro azaleratu du kirolean existitzen den dopinaren inguruko eztabaida. Eliteko kirolean, hobeto esanda; eta horra hor auziaren gakoa. Kirolari... [+]
Futbola herriaren opioa zela zioten batzuk; garrantzitsuak ez diren gauzetan garrantzitsuena dela pentsatzen dute hainbatek; kapitalismo basatienarekin lotzen duenik ere bada… Nire iritziz, gizartearen isla soila da; herritarron gabezia eta arazo askoren isla.
Ez zait... [+]
Hizkuntzalari ospetsu José Ignacio Hualdek hiru joera nagusi bereizi ditu euskaldun berrien artean, batuarekiko harremanari dagokionez: euskalki biziko herrietan, gazteek etxean euskalkia darabilte eta eskolan batua; gaztelaniaz hitz egiten den hiriguneetan, gehienek batua... [+]
Azkenaldian buruari bueltak ematen ari natzaio, hezkuntza publikoaren egoerari. Aurtengo ikasturteko greba garaiak pasa dira eta lan hitzarmen berria sinatu zela denboratxo bat igaro da. Irakasleoi, onerako eta txarrerako, garai hartako odol beroa hoztu zaigula esango nuke. Ez... [+]