Euskara, katalana eta galiziera baztertu ditu Espainiako Gobernuaren ikus-entzunezkoen lege-proiektuak

  • Espainiako gobernuak ez ditu aintzat hartu Kataluniako Ikus-entzunezkoen Kontseiluak (CAC), Euskalgintzaren Kontseiluak eta beste hainbat eragilek egindako ekarpenak. Aurre-proiektuaren testuan irakurri daitekeenez, Netflix, HBO edota Amazon Prime moduko bideo-plataformetan, Europako lanen kasuan, aurreikusitako kuotaren %50 gutxienez izan beharko da "Espainiako Estatuko hizkuntza ofizialean, edo erkidegoetako hizkuntza ofizialetako batean". Hainbat eragilek salatu duenez, testuak ez du zehazten zein izan behar den gutxienekoa katalana, euskara edota galizierari dagokienez.

Argazkia: Tumisu/Pixabay

2021eko irailaren 21an - 06:31
Azken eguneraketa: 09:11

CAC ikus-entzunezkoen kontseiluak eskatu du estatuko hizkuntzetan eskainitako obren %50 katalanez, euskaraz edo galizieraz izatea, ikus-entzunezkoen sektorean hizkuntza horiek bizi duten prekarietatea dela-eta.

El Periódico egunkariak jakinarazi duenez, erakunde horrek egindako bigarren eskaera bat ere ez dute aintzat hartu. Proiektuak jasotzen duenez, ikus-entzunezko komunikazio-zerbitzuen mailegatzaileek, haien irabazien %5 bideratu beharko dute europar obrak finantzatzera, eta kopuru horretatik, %70 jaso beharko dute ekoizle independenteen lanek, izan Estatuko hizkuntza ofizialean, edotako erkidegoetako hizkuntza ofizialetako batean. CAC-ek eskatu du %5eko hori bikoiztea (%10era igotzea), euskaraz, katalanez eta galizieraz egindako lanak finantzatzeko aukera handiagoa izateko, baina eskaera hori ere ez du jaso testuak.

Euskalgintzaren Kontseiluak adierazi du "oso kezkagarria" dela gertatutakoa. Datozen egunetan egingo du balorazio publikoa.


Kanal honetatik interesatuko zaizu: Ikus-entzunezkoak
2024-03-24 | Lander Arretxea
Musika iruditan (I)
Bideoklipei begira, lentearen beste aldetik

Mundualdi honen soinu-banda osatzen duten abesti gehien-gehienek propio filmatutako irudiak izan ohi dituzte: bideoklipak. Musikariengandik oso gertu, ikus-entzunezko egileen belaunaldi gazteago batek lan horretan aurkitu du zineman edo telebistan ez duen hori: trebatzeko... [+]


Hizkuntza gutxituen artean, euskara hirugarren erabiliena da Europako streaming plataformetan

Netflix, Amazon Prime eta Disney+en, Hizkuntza Gutxituen Europako Gutunak onartzen dituen bost hizkuntza baino ez dituzte erabiltzen. Bosten artean nagusi da, alde handiz, katalana. Ondoren datoz galiziera, euskara, luxenburgera eta Eskoziako gaelikoa. EHUko Nor Ikerketa Taldeak... [+]


2024-02-02 | Sustatu
Wikiflex: Wikipediaren filmoteka, streaming modura

Wikiflex da Wikipediako Netflix moduko bat. Entziklopedia libre globalaren multimedia atalean, Wikimedia Commons-en, hainbat ikus-entzunezko material daude, eskubidez libre izatera pasatu diren film asko barne. Programatzaile batek, Magnus Manke alemanak, horien... [+]


2024-01-23 | Leire Artola Arin
Zine emanaldien %1 baino gutxiago izan da euskaraz 2023an

Jatorriz euskaraz diren soilik lau film estreinatu dituzte Hego Euskal Herriko zinema komertzialetan; gaztelerazkoak 564 izan dira. Pantailak Euskarazek eta Hizkuntz Eskubideen Behatokiak neurriak hartzeko eskatu diete Eusko Jaurlaritzari eta Nafarroako... [+]


Eguneraketa berriak daude