Agur lagunak
Zutabe hau sinatzen dudan azkena da, astekari honek idazten jarraitzeko aukera eskaini badit ere. Argi utzi nahi dut guztiz eskerturik nagoela Argiak bere familian hartu ninduelako, nire egoera pertsonalagatik beste hedabide batean idazten jarraitzea ezinezkoa zitzaidanean. Pello Zubiria orduko zuzendariari esker, duela 25 urte hasi nintzen hemen. Orduz geroztik, askatasun osoz idazten aritu naiz astero gai sozioekonomikoei buruz, hainbat atal eta formatutan, azkena hemen, zutabe honetan.
Nire asmoa beti izan da gizarte kapitalista honen ondorioak agerian uzten dituzten datu objektiboak ematea, Hegoaldearen eta Iparraldearen artean bananduta dagoen eta bere subiranotasuna bilatzen duen herri bati ekarpena eginez. Egoera bidegabeak salatzeaz gain, kontzientzia herrikoia, antikapitalista, solidarioa, feminista eta ekologista sortzeko datuak eman nahi izan ditut, horrek borrokatzera eramango gaituelakoan, gizarte hobe, igualitario, berde eta solidarioagoa lortzeko.
Nahiago nuke nire asmoak balio izan badie irakurleei zorroa arrazoiez bete eta bakoitzak bere postutik borrokan jarraitzeko, jendarte burujabe eta justuago baten alde, beste herriekin eta pertsonekin elkartasunean
Saiatu naiz ikusarazten ekonomia ez dela zenbaki eta estatistika hutsak biltzen dituen zerbait, ez dagoela BPGa, inflazioa, fiskalitatea, zorra, defizit publikoa eta antzeko adierazlez soilik osatua. Milioika emakume eta gizonek jasaten dituzte hitz horien ondorioak: langabezia, gizarte-bazterketa, pobrezia, soldata prekarioa, laneko segurtasun falta, lanbide-gaixotasunak, soldata arrakala, miseriazko pentsioak, hipotekak, lurralde-banaketa... hori guztia ere badago atzean.
Nahiago nuke nire asmoak balio izan badie irakurleei zorroa arrazoiez bete eta bakoitzak bere postutik borrokan jarraitzeko, jendarte burujabe eta justuago baten alde, beste herriekin eta pertsonekin elkartasunean.
Orain amaitzen dudan bide honetan, ziur akatsak eta huts egiteak ere izan ditudala. Barkatu. Agur eta eskerrik asko irakurle, lankide eta lagunak.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Ez kobratzea, nagusiaren senideen etxeak garbitu behar izatea, lantokian lo egin behar izatea, irainak... Luxuzko jatetxeko esklabotza-baldintzen lekukotzak argitara ateratzen jarraitzen dute Urola Kostan.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
Abuztuaren 13an, 54 urteko Nafarroako garraiolari bat hil zen Bartzelonan deskarga lanak egiten zituen bitartean. Hurrengo egunean, Errenteriako Merkaoiartzunen 58 urteko langilea hil zen istripu ez-traumatiko baten ondorioz.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]