Adi Dalton anaiekin!


2021eko abuztuaren 01an
Baams | Last chance | Artza Records, 2021.

Banekien taldea punk-rocketik hurbil zegoela, baina ezer gutxi gehiago. Eta pandemia honetako egun ‘argitsuetako’ batean Urretxun –edo Zumarragan, nork daki!– gozatutako kontzertu batean Motz tabernako ugazabaren postuan aurkitu nuen taldearen binilo koloretsu eta deigarria. Etxera eraman nuen, baina ahaztuta izan dut. Bada, atzo bertan plastikoa kendu, orratzak biniloan lur hartu eta Out of control-ek eztanda egin ahala aho zabalik gelditu nintzen. Zer freskura! Zer indar! Zein ahots sinesgarria! Punk-rock indartsua, itsaskorra, modu dotorean erritmoa, groovea eta ahots beltza txertatuta.

Maila oso ona erakusten du 'kontrolik gabekoak', baina jarraian datorrena ere oso txukuna da: Potion melodikoagoa da eta era berean dantzagarria, Ingalaterrako 77tik eta Real Kids talde maisutik edan duena. Sunset riders malenkonia tanta batzuez bustitako punk-rock melodikoa da. Tarteka Nuevo Catecismo Católico gogorarazi dit. Last chance, pop-a maite duen punk-rock-and-roll-power-pop dantzagarria. Garratz Muturbeltz, AC-DC eta enparauen hard-rockaren aldeko euskarazko deiadarra da. Dance it again Jon Iturbe & Radio Gansters-en tempoa daukan boogie-rock-and-rolla, lasaiagoa. Saturday night, klasikoaren errebisio ederra eta kutsakorra. A day to remember askoz pausatuagoa eta melodikoagoa, power-pop pieza itsaskorra. My dose pub-rockaren eta oinarrizko rock-and-rollaren lekukoa da, gitarrak beti hor. Muddy boots-ek irudikatu dezake, adibidez, The Cars-etik Johnny Thunders gazte batera arteko bidaia gogoangarria. New beginning da power-pop sentikorra, ia kaliforniarra, bere kiribilduak ere badituena. Guilty-k tempo biziagoa du eta maltzurkeria kaletarragoa. Bukatzeko, I won´t worry-k gogora ekarri nahi ditu Detroit-eko soinua, Zen Gerrilla, musika beltzaren erritmoa eta rockaren urgentzia. Ederra!

Baams 2017an Hernanin sortutako boskotea da, eta honako lan dotorea –boskotearen lehen lan luzea– 2020an grabatu zuten Berako MIK estudioan. Bada, Artza Records diskoetxeak lan honetaz gain, taldearen aurreko maketa ere biniloan kaleratu berri du.

Argazkia: J. A. Areta Goñi.

 


Kanal honetatik interesatuko zaizu: Diskoak
2022-11-27 | Iker Barandiaran
Bizi(g)arria

Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.

Ibilbide... [+]


2022-11-20 | Xalba Ramirez
Zintzo izatearen fantasia

Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]


2022-11-06 | Iker Barandiaran
Katuek baino ertz gehiago

Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]


2022-10-30 | Xalba Ramirez
Gustuko lautadan nekerik ez

"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.

Zeren, sortzaile... [+]


2022-10-16 | Iker Barandiaran
Bi altxor eta sorleku bakarra: Buenawixta

Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]


Eguneraketa berriak daude