Behin-behineko prekarioak
Egunotan bi erabaki garrantzitsu hartu dira, behin behinekotasunak sorturiko prekarietatea, legeen eta praktikaren bidez lantoki publiko zein pribatuetatik egozteko: rider-ak EAEko Ostalaritzaren Esparru Akordioan sartzea eta Europak emandako epaia Espainiako Estatuko administrazioa derrigortuz denbora luzez daramaten ordezkoak langle ez-finko mugagabe bihurtzera.
aurre egingo dieten hedabide independenteak
Behin-behinekotasunak eta ordezkapenek lantokietan sortzen duten prekarietatea, lan arloko lege-sistemaren gaitz handia izan da beti, eta izaten jarraitzen du, bai enpresa publikoetan bai pribatuetan. Milaka langilek jasaten du egoera hori bere larrutan. Sektore publikoko hamar enplegutik lau aldi baterakoak dira, batez ere hezkuntzan eta osasunean. Bada garaia legediaren eta, batez ere, praktikaren bidez prekarietate hori behingoz alboratzeko lantokietan.
Egunotan bi erabaki garrantzitsu hartu dira norabide horretan. Bata Araba, Bizkaia eta Gipuzkoan: sindikatuek eta patronalak erabaki dute plataforma digitalentzat lan egiten duten banatzaileak –raider deiturikoak– EAEko Ostalaritzaren Esparru Akordioan sartzea. Orain, akordio hori lurralde bakoitzeko hitzarmen kolektiboetara eraman behar da. Ederra litzateke Nafarroan gauza bera egin ahal izatea.
Bestea Espainiako Estatuan: Europako epai batek egurra eman dio Espainiako justiziari, eta horren arabera, hiru urte baino gehiagoz ordezkapena egiten ari diren administrazio publikoko langileak mugagabe ez-finko bihurtuko dira. Auziaren muinari heltzen ez dion arren, epaiak sektore publikoko milaka langileri eragingo dio, 150.000 inguru Hego Euskal Herrian.
Orain, erabaki horiek errespetatu eta prozesuak azkartu behar dira, lehenbailehen ezarri daitezen. Erantzukizunaren zati handiena Espainiako Estatuko eta EAEko administrazio publikoen bizkar gainean dago noski, haiek izan behar bailukete eredu beren enpresetan enplegu duin eta egonkorra mantentzeko, prekarietatea eta behin-behinekotasuna elikatu beharrean. Izan eren, gauza bat ezin dugu ahaztu: akordio horiek langileen borroka luze eta gogorrari esker lortu dira.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Hainbat irregulartasun egitea egotzi dio Eusko Jaurlaritzaren Lan Ikuskaritzak: batetik, istripuei buruzko dokumentuak ezin direla bateratu, eta bestetik, istripuaren izaera lanekoa den ala ez erabakitzea ez dagokiola Amazoni.
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
Eskirozko BSH lantokia ixteko asmoa plazaratu zutenetik lan taldearen mediku-bajak bikoiztu baino gehiago egin direla salatu dute gaur: "Abenduan prozesua hasi zenean lan taldearen %4 zegoEn bajan, orain %13 baino gehiago dago", adierazi du Sergio Ayucar BSHko langile... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Aurreko astean lan istripuen ondorioz sei behargin hil zirela salatzeko, 60 bat lagunek Eusko Jaurlaritzak Bilbon duen egoitzako sarrera blokeatu dute. Ertzaintzak bertan zeuden pertsonak identifikatu ditu. LAB sindikatuaren zenbaketaren arabera, dagoeneko 26 dira aurten... [+]
AHT Gelditu elkartearen esanetan, AHTren obretan asteartean izandako heriotza bezalakoen atzean "esklabotza-baldintzak" eta "tratu arrazista umiliagarri eta iraingarriak" baino ez daude. Atxondoko Udalak gertatutakoa ikertu eta argitzeko eskatu du. AHTko obretan... [+]
Ostegun goizean hil da langilea, Bilboko José María Ugarteburu kalean. Astelehenean bi langile hil ziren, Andosillan (Nafarroa) eta Atxondon (Bizkaia), eta asteartean beste bat Amurrion (Araba).
Dozenaka lagun elkartu dira gaur arratsaldean Aiaraldeko Greba Batzordeak (SOS Aiaraldea) Tubos Reunidoseko lan heriotza salatzeko deitutako mobilizazioan. Laneko heriotzen "odolustea" salatu eta egoera ez normalizatzeko deia luzatu dute.
Pasa den asteko berria dugu: Irunen 67 urteko garraiolari bat hil zen, kamioia kargatzen ari zela. Errepidean izan balitz, “eragozpenak errepidean” entzungo genuke; ondoren, baxu antzean, “kamioilari bat hil da istripuan”. Gipuzkoa aldean trena hartzea... [+]
"Prebentzio neurriek egiten dute huts behin eta berriz", salatu du LAB sindikatuko lan osasunerako Nafarroako arduradun Inko Iriartek. Atzo izan zen azken lan heriotza. Andosillako lantoki batean karga gainera erorita zendu zen 49 urteko errioxarra. Hamaika egunean... [+]
Tubos Reunidos enpresan ari zen lanean eta teilatutik behera erorita hil da, sindikatuek jakinarazi dutenez. azken honekin 22 dira 2025ean hil diren langileak.