Klase feminismoa hamar lerrotan
Azaroak 25. Manifestazio batekin topo egin eta leloen hitz askeak entzuten ditut “…emakume langileon borroka…”. Gizonezkoen ahotsa entzuten da gehien. Kasualitatea? Ez dakit, baina eszenak kolpatu nau. Konturatu naiz, hiru-lau urteko prozesu bat burutu eta egonkortu dela.
"Mutilek manifetan oihu egiten dute beraiek gauzatzen duten indarkeriaren aurka, burgesiaren errua baita"
Feminismoak urtetako gorakada dakar: presentzia, edukia eta onarpena. Zuzeneko borrokaren kultura baten baitan, konfrontaziorik gabeko ezker abertzalearen estrategia elektoralistan gazteriak ez du tokirik topatzen. Testuinguru honetan, eguneratze handirik gabeko olatu komunista batek gazteria ilusioz mobilizatzen du.
(Gizonezko) marxisten irakurketa erabat interesatuan, generoaren erronka klase antagonismoaren gatazkari azpiratua dago egituraz eta, bide batez, emakumeen askatasunerako borroka subjektua langile klasea da, osoa. Mutilek manifetan oihu egiten dute beraiek gauzatzen duten indarkeriaren aurka, burgesiaren errua baita. Klase feminismo izenpean identifikatzen ez diren feminismoek etsaiarekin aliantza egiten omen dute eta beraz ezin da beraiekin elkarlanik egin.
Horrela, belaunaldi berriarekiko haustura latza sortu da, feminismotik hain gozoki ospatu ditugun aurrerapausoen transmisioa interferentziaz betetzen duena.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]