Araban erraustegi bat eraiki nahi dute Europako funtsekin, salatu du Gasteiz Zero Zaborrek
Gasteiz Zero Zabor elkarteak ostiralean, azaroak 27, salatu duenez Eusko Jaurlaritza eta Arabako Foru Aldundiak lurralde honetan hiri hondakinen erraustegi berri bat eraiki nahi dute, horretarako erabiliz Next Generation EU Europako Funtsa. Antza, hiri hondakinak 'balorizatuz' (errez) hidrogeno berriztagarria ekoizteko proiektua litzateke esku artean darabiltena.
Naiz hedabideak eman dio oihartzuna Gasteiz Zero Zabor elkartearen ohartarazpenari: Eusko Jaurlaritzak bere planetan daukada Araban erraustegi berri bat eraikitzea, lurralde honetako Foru Aldundiak lagunduta eta Next Generation EU Europako Funtsak finantzaturik. Finantzaketa lero honetan sartzeko joan den abuztuan Jaurlaritzak Hazkunde Iraunkorraren eta Enpleguaren Esparru Programa egin zuen eta gobernuaren enkarguz PwC aholkularitza-enpresak prestatu du Next Generation EU Europako Funtsean aurkezteko proiektu zerrenda eta horien barruan doa Arabako erraustegi proiektua.
Gasteizko Zero Zaborrek salatu duenez, hidrogeno ‘berriztagarriaren’ ekoizpena aitzakia hartuta Jaurlaritzak eta Foru Aldundiak Araban hiri hondakinak kudeatzeko azpiegitura berri bat eraiki nahi dute, hasiera batean 20 milioi euroko kostearekin.
