Nortzuen artean eraldatuko dugu?
Hiru hilabete ere ez dira Euskal Herriko hainbat kulturgilek greba digitalerako deia egin geniola gure jendarteari. Astebetean 1.169 atxikimendu jaso genituen www.kulturgintzan.eus web-orriaren bitartez, norbanakoenak , gehienak, zein taldekakoak. Web-orriaren bitartez ez bestela deialdiari atxikimendua adierazi ziotenen kopuruak eta aniztasunak zer pentsatua eman zigun. Euren sare sozialen bitartez zein bestelako komunikazio iturriak erabiliz gure proposamenekin bat egiten zutela adierazi zuten, besteak beste, Gure Esku Dagok, Bilgune Feministak, Udalbiltzak, UEUk, EHEk, ESKk, LABek, Ernaik, EH Bilduk, Elkarrekin-Podemosek, Equo-Berdeakek, Galdakao, Usurbil, Oñati, Ataun eta Villabonako udalek, Geltokik, Askorak,
"Akaso euskal kulturgintzaren ekosistema osatzen dutenei dei egiteaz gain, gaur egun elkarrekin bizitzeko modu hau eraldatu nahi duten eragileei ere dei egin beharko genieke"
Elizalde Herri eskolak, Haurtzaro ikastolak, Kirikiño Atseden taldeak, Aberrigintzanek, Araba Euskarazek, Txatxilipurdik, Garabidek, Topaguneak, Kontseiluak. Uler liteke jatorriz, izaeraz, funtzioz, helburuz ezberdinak diren gizarte eragile guztiok kulturgintza oro har eta beren beregi euskarazkoa euren lehentasunezkotzat izan nahi dituztela? Ondoriozta genezake elkar elikatuz, elkar babestuz, elkar zainduz, helburu komunak erdiesteko dinamikak abiarazi genitzakeela? Greba digitalerako deialdian zehaztu genituen helburuetatik hirugarrenak zera zioen: “Euskal Herri osoko kulturgintzaren ekosistema osatzen dugun eragile guztioi dei egitea larrialdi egoerak ahalbidetzen digunean mahai/bilera/topaketa... bat gauzatu dezagun euskal kulturgintzaren gabezia eta premia larriei aurre egiteko zer egin proposatu, eztabaidatu, adostu eta gauzatzeko”. Deialdi hau ez da berria. 2014an, Guk Geure Kulturaz izeneko ekimena burutu genuen. Bi batzar zabaletan, kulturgintzaren ekosistemako 300etik gora kulturgile elkartu eta premiazko neurrien zerrenda adostu genuen (https://geuk14.wordpress.com/ ). Neurri horietatik ez da bakar bat ere gauzatu, batetik eskumena duten erakunde publikoen ardura izan duten alderdi politikoek gutxietsi egin dituztelako eskariok eta bestetik, guk ez dugulako boteregunerik irabazi. Sei urteren ondoren, hartzaile berberari egin diogu dei. Akaso horretan ez dugu asmatu. Akaso euskal kulturgintzaren ekosistema osatzen dutenei dei egiteaz gain, gaur egun elkarrekin bizitzeko modu hau eraldatu nahi duten eragileei ere dei egin beharko genieke. Akaso paradigma, eredua, patroia aldatuko badugu, gainontzeko gizarte mugimendu eraldatzaileekin elkartuta lortuko dugu.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Asteburu honetan jakin dugu, Palestinarekin Elkartasuna plataformako kideen bitartez, Israelek 33. FCI/IGP Munduko Txapelketan parte hartu duela, Gasteizen ospatu den nazioarteko txakur lehiaketa batean. Duela egun batzuk izan genuen txapelketaren berri, baina Israel ez zegoen... [+]
Badira egun batzuk Instagrameko @denuncias_euskalherria kontuan argitalpen bat agertu zela. Bertan, ama batek adierazten zuen bere alaba Bernedoko euskal udalekuetan egon zela hamabost egunez eta talde mistoetan dutxarazten zituztela 13-15 urte bitarteko nerabeak, aukerarik eman... [+]
Aurrekoan idatzitako Irakasleon figura artikuluaren harira, kontu esanguratsu bat landu nahiko nuke. Artikulu horretan aipatu bezala, jende askoren ahotan dabil irakasleon lan karga baxua dela (gehienbat hezkuntza publikokoena), eta ditugun pribilegioak gehiegizkoak direla. Ez... [+]
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Jakina da poliziari esku sartzeak beti dakarrela arrisku nabaria. Bere garrantziagatik eta seriotasunagatik, kontuz aztertu beharra eta larria denez, terminologia-trabarik gabe, badaezpada.
Duela aste batzuk Ertzaintzak Azpeitian egindako esku hartzeak, bertako herritar askok... [+]
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
The Searchers filma ari ginen ikusten. Western bat, klasiko bat. Indioek Texaseko familia bati eraso egin eta bahituta eramango dute alaba. John Waynek urteak emango ditu indio gaiztoen atzetik alaba hura erreskatatu nahian. Filmak, bistan da, ez du kontatzen nolakoa zen Amerika... [+]
Ordenagailua piztear nintzela, eta udako azken eskaera bailitzan, “amatxo, kontatu artikuluan gaurko karreran ze ondo ibili naizen” eskatu dit txikiak. Kontatu diot trenei buruz hitz egin behar nuela gaurkoan, ez etapen amaierei buruz edota Palestinako banderek izan... [+]
Badirudi larrazkena agorrila erditsutan hasten dela aldaketa klimatikoaren ondorioz. Euri eskasez hostoak firurikan erortzen dira eta Otso Errekako iraztorrak denbora baino lehen gorritzen dabiltza: ikusgarria da! Historiako udarik beroena ukan dugu aurten eta tenperaturek... [+]
Bai azalak emonbe! Esaten dute Ondarroan, norbait nabarmen gizenduta ikustean. Ezagun bati alderantzizkoa entzun nion azalari buruz: “Azala hain daukat gorputzaren neurri justukoa, ezen norbaiti keinu egiteko begi bat ixten dudanean uzkerrak ihes egiten... [+]
Thomas Piketty eta Michael J. Sandel egileek berdintasunaren kontzeptua jorratzen duen liburua argitaratu dute aurten: Equality. What it means and why it matters (Berdintasuna. Zer esan nahi du eta zergatik du garrantzia, Polity argitaletxea). Pentsamendu garaikidean ospe handia... [+]
Moderno izateak, hiztegiaren arabera, “gaurkoa, egungoa; garai berekoa” esan nahi du, eta baita ere, “jakintzak edo teknikak berrikitan eginiko aurrerapenez baliatzen dena”. Baina aro modernoa eta modernitatea aro historiko bat ere izan daitezke; hain... [+]
Radical futures diseinu espekulatibora zuzentzen den estudioak aurkezpen interesgarri bat partekatu du: A quick guide to the mythologies driving tech power (gida azkarra teknologien boterean daudenak gidatzen dituzten mitologien inguruan). Bertan diote Silicom Valleyko eliteak... [+]
Edozein arlotan, arazo bat suertatzen denean, eta ia inor ados jartzen ez denean, ohiko galdera plazaratzea da onena: Nori egiten dio mesede?