Duela 10-15 urtetik aldaketa nabarmena izan du ardoaren industriak munduan: mahastizain eta ardogilearen figura berreskuratzen ari da eta berriro ere mahastira itzultzen ari dira, ardo garbiak eta ekologikoak eginez”. Arturo Villanueva Arteaga Biba Ardoak proiektuko koordinatzailearen hitzak dira. Ardoaren kulturan ematen ari den aldaketa hori Euskal Herrian ere ematea dute helburu. Horretarako batu dira hamalau mahastizain eta ardogile txiki, gurean agroekologiaren baitan sortzen ari den mugimendua ikusita, eraldaketa hori ardora eramateko baldintza egokiak daudela konbentzituta. Martxoaren 2an egin zuten proiektuaren aurkezpena Donostiako Tabakalerako Taba gunean.
Banaketarako proiektua
Euskal Herrian ekoizten diren ardo ekologiko, biodinamiko eta naturalen banaketarako sortu dute Biba Ardoak. Ez du ardorik ekoizten: banaketarako eta lan komertzialerako kooperatiba da.
80 ardok osatzen dute katalogoa, horien artean hainbat jatorri deituratakoak: Arabar Errioxa, Nafar Errioxa, Irulegikoa, Nafarroakoa, Bizkaiko Txakolina eta Getariako Txakolina. Guztiek lantzen dituzte mahastiak eta beraiek dira ardoak egiten dituztenak, proiektuan ezarritako minimo eta bermeak betez. “Giza neurriko proiektuak dira sare honetako ekoizpen guztiak, eta eredu agroekologikoaren aldeko apustua egin dute”. Eredu agroekologikotik harago, gainera, Bibako zenbait ekoizlek eredu biodinamikoan dihardute.
Sarea helburu
Jatetxe, taberna, kontsumo kooperatiba eta elkarte eta elikadura burujabetzaren alde lanean diharduten bestelako agenteekin saretzea eta dinamikak sortzea dute helburu. Bere bidea hasi berri du proiektuak, eta pixkanaka, pausoz pauso joanen dira aurrera egiten.
“Janariari garrantzia gehiago ematen zaio orokorrean, badirudi ardoarekin jendeari berdin zaiola. Ez gara ohartzen garrantzia bera duela, eta betiko ardo pozoitu eta kapitalista edaten jarraitzen dugu”, dio koordinatzaileak. Hemendik aurrera ez dago aitzakiarik: bibaardoak.eus webgunean aurki daiteke proiektuaren gaineko informazio guztia.
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.
Mauleko Euskalduna ostatuak urteak daramatza Zuberoako etxe ekoizle txikien produktuekin lanean, eta hiriburuko ostatu parean eraikin bat erosi zutenean proposamena egin zien laborari horiei berei: zergatik ez ireki hurbileko ekoizleen saltokia bertan? “Motibatuta zegoen... [+]
Pandemiaren ondorengo testuinguruan, elikadura –ustez oinarrizko eskubide den hori– lantzeko mugitzen hasi zen talde bat Gasteizen. “Militantzia esparruan beste gaiak jorratzen ari ziren ordurako, etxebizitzarena kasu, baina elikadura ardatz hartuta ez zegoen... [+]
Errezilera bizitzera joan eta sagarrondoak landatu zituen Satxa Zeberiok, Bio-K proiektuaren bultzatzaileak, duela zenbait urte. “Iritsi zen sagarrekin zerbait egiteko momentua, eta sagar zukua eta sagardoa ekoizteari ekin genion orduan”, azaldu du. 2015ean sortu... [+]
Urteak daramatza Ipar Euskal Herriko Biharko Lurraren Elkarteak (BLE) bioaniztasun landatuaren inguruan lanean. “Hainbat proiekdu ditugu abian, eta horietako bat baratzeko hazien ingurukoa da”, azaldu du Nico Mendiboure Hazi Sareko kideak. Duela lau bat urte hasi... [+]