Gune berria du Donostiako Intxaurrondo auzoak: Artatxiki Biogunea. Urtarrilaren 24an egin zuten proiektuaren inaugurazio festatxoa, bizilagunez eta bazkidez inguratuta. “Duela urtebete inguru hasi ginen taldetxo bat kontua mugitzen: apirilean egin genuen proiektuaren aurkezpena, eta dendaren kokaguneaz hasieran eztabaidak izan bagenituen ere, azkenean aspalditik ezagutzen genuen lokal hau aukeratu genuen”, adierazi du Leire Garro proiektuko kideak.
Ekologikoa, bertakoa
Produktu ekologikoen eskaintza egiten dute Artatxiki Biogune ireki berrian, baina eskaintzen dutenetik ahal den guztia gertukoa izatea ere bermatu nahi dute: “Lehentasuna bertako ekoizle txikiei ematen diegu, oso garrantzitsua baita haiekin dugun hartu-emana guretzat”, dio Garrok. Ekoizpen ekologikoan diharduten zigiludun ekoizle handiagoei ere erosten dizkiete produktuak, hurbilagotik lortzea zailagoa den kasuetan.
Bestelako kontsumo ereduak bultzatzea dute helburu denda berriaren irekierarekin. Izan ere, egun gizartearen gehiengoak kontsumitzen duen moduak nekazari, abeltzain eta ekoizleen prekarietatea sustatzen duela argi dute bultzatzaileek, eta horri buelta ematea dute asmo. “Artatxikin eskaintzen ditugun produktuei salneurriak ekoizleek beraiek jartzen dizkiete, eta zuzenean ordaintzen zaie, bitartekorik gabe”. Gainera, produktu asko freskoan eta granelean saltzen dituzte, nahiz eta Garrok onartzen duen oraindik nahi baino gehiago saldu behar izaten dutela ontziratuta.
Ibilbide motza, erantzun handia
Biogunean erosketa egiteko aukera dute elkarteko bazkideek nahiz bazkide ez direnek. Desberdintasunak badira, hala ere: bazkideek %6 merkeago eskuratuko dituzte dendako produktuak, eta erosketa kolektiboetan –hala nola olioa eta kontserbak– parte hartzeko aukera ere izanen dute. “Bazkide izateko bi modu ditugu: 60 euroko kuota osoa ordaintzea proiektuan beste moduren batean parte hartu beharrik izan gabe, edo 35 eurokoa ordaintzea urtean zehar beste boluntario lan batzuk ere eginez”. Hasieran 30 bazkide ziren, denda ireki eta astebetera jada 55 ziren. Badoaz bidea egiten, beraz.
Interesa duen edonor elkartearekin harremanetan jar daiteke artatxikibiogunea@gmail.com helbidera idatziz edo zuzenean Intxaurrondo kaleko 54. zenbakiko dendara hurbilduz. Oraindik biogunean martxa hartzen ari dira, eta horretan zentratuta badaude ere, kideen asmoa bestelako ekimenak antolatzen hastea ere bada. Ongi etorriak izan daitezela, bada, eta urte askotarako!
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
2024ko irailetik martxan dute Urduñan Belardi hiltegia eta haragi-eraldaketarako gunea. Elikadura burujabetzaren bueltan herrian urte askoan egin duten prozesuaren ondorio da proiektua, Bedarbide abeltzainen elkarteak bultzatu duena. “Sektorean egindako ikerketatik,... [+]
Pirinioetan dago ezpel basatien munduko eremurik handiena, eta hain zuzen Nafarroako Pirinioan, Abaurregainan, sortu zuten 2020an Ezpelzaintza 2050 egitasmoa. Cydalima perspectalis sitsa hondamendi handia eragiten ari da ezpeldietan azken urteotan, eta espeziea babesteko eta... [+]
Duela urtebete pasa gauzatu zuten Ortulaguntza proiektua Debagoienan. Langile bat kontratatu dute bailarako nekazaritza proiektu txikietan txandaka lanean aritzeko, hartara ekoizleei lan karga arintzeko eta baldintzak duintzeko. “Sektorea zaurgarri zegoela eta errelebo... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Proventza eskualdean, Alpeen hegoaldean abiatu zuten Lili Saint-Laurent euskaldunak eta Mathias Guibert proventzarrak abeltzaintza proiektua duela hamar urte pasatxo. “Ardi, ahuntz, behi, txerri eta pottokekin plantatu ginen etxalde dibertsifikatua landuz, baina laborantza... [+]
2021 inguruan hasi zen Itziar Presa Blasco gernikarra konbutxaren munduan murgiltzen. “Magisteritza ikasi nuen nik, eta hezkuntzan aritu nintzen urteetan lanean, baina semeak jaio zirenean etxean geratzeko aukera izan nuen, eta ordu arteko guztia, nolabait, apurtu egin... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
Duela lau urte abiatu zuten Azpeitian Enkarguk proiektua, Udalaren, Urkome Landa Garapen Elkartearen eta Azpeitiako eta Gipuzkoako merkatari txikien elkarteen artean. “Orain proiektua bigarren fasera eraman dugu, eta Azkoitian sortu dugu antzeko egitasmoa, bere izenarekin:... [+]
Donostiako Amara auzoko Izko ileapaindegi ekologikoak 40 urte bete berri ditu. Familia-enpresa txikia da, eta hasieratik izan zuten sortzaileek ile-apainketan erabiltzen ziren produktuekiko kezka. “Erabiltzaileen azalarentzat oso bortzitzak dira produktu gehienak, baina... [+]
Ubidekoak (Bizkaia) dira Imanol Iturriotz eta Aritz Bengoa gazteak. “Lagunak gara txikitatik, eta beti izan dugu buruan abeltzaintza proiektu bat martxan jartzeko ideia”, azaldu du Iturriotzek. Nekazaritzari lotutako ikasketak izan ez arren, baserri munduarekin eta... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]
Emakume bakoitzaren errelatotik abiatuta, lurrari eta elikadurari buruzko jakituria kolektibizatu eta sukaldeko iruditegia irauli nahi ditu Ziminttere proiektuak, mahai baten bueltan, sukaldean bertan eta elikagaiak eskutan darabiltzaten bitartean.