Inuitak eta gure Ama Lurra
Akna neskato inuit gaztea dugu istorio honen protagonista eta narratzailea. Berak kontatuko digu nola bizi diren, zer egiten duten… eta bizi duten abentura bat, edo gertakari bat. Irudiz josita eta testu gutxiko liburu honetan Akna bere burua aurkezten hasten da: “Kaixo! Akna dut izena, eta gure zuloan arrantza egitea izugarri gogoko dut”. Eta irakurle-ikuslea (liburuko irudi guztietan bezala) bi orriak betetzen dituen irudiarekin aurkitzen da, bertan neskato bat izotz gainean etzanda, bertan eginiko zulo batean soka sarturik, eta izotzaren azpitik hainbat animalia uretan.
Irudi erabat errealistak direla ematen du, liburuaren azalean ikus daitekeen bezala, eta horrela, irakurleak berehala jasotzen ditu testuaren eta irudiaren mezuak. “Tulok eta Amaruk-ekin joan ohi naiz. Inuitak gara eta izotzez eta elurrez estalitako irla handi batean bizi gara, itsasotik hurbil. Munduko lekurik ederrena da”. diosku jarraian Aknak, eta hiru lagunak, izotz gainean etzanda (gu belar gainean egongo ginatekeen bezala) ageri zaizkigu.
Akna. Lurralde izoztuko arrantzaleak liburuan inuiten bizitza kontatzen zaigu, nola jolasten duten, gauean kontatzen dituzten istorioak, itsasora ateratzen direnenean egiten dutena… mundu idilikoa dirudi harik eta Aknak, amarekin txalupa batean doala, “piztitzar batekin” topo egin arte. Piztitzar hura itsasontzi ikaragarri handia da eta ez dago bakarrik, asko dira eta; gainera, itsasontzi handi horietan dabiltzan marinel txapeldunek itsasoko ura gorriz margotzen dute, hildako baleen odolez margotu hain zuzen.
Aknak eta gainerako inuitek harrituta ikusten dute marinelek eginiko triskantza eta orain ulertzen dute zergatik ez diren itzultzen baleak. Marinelek, baina, Ama Lurraren ordaina jasoko dute, eta Aknak eta bere lagunek baleen itzulera espero eta desio dute.
Ukitu ekologista eta goxoa duen obra da Peio Lopez-Iturrik eta Irati Merino Petralandak eskainitakoa; erraz irakurtzen dena eta, gure arbasoei kritika eginda, naturaren aldeko mezua bidaltzen duena. Liburuaren kontrazalean ageri den bezala: “Guk ingurunea zaintzen dugun eran zainduko gaituelako Ama Lurrak”.
Eresia. Hil-kanta aitari
Goiatz Labandibar
Elkar, 2025
------------------------------------------------------------------
Goiatz Labandibarrek azken urteotan Amez (2022), Bekatua (2023) eta Zoo (2024) idatzi ondoren, Eresia. Hil-kanta aitari (2025) argitaratu berri du... [+]
Anatomia bertikalak
Lierni Azkargorta
Balea Zuria, 2025
------------------------------------------------------------------
Lierni Azkargortak Anatomia Bertikalak liburuaren aurkezpen saioan esan eta Berria egunkariak jaso moduan irakurri ditut poema gehienak: ozen, ahoz... [+]
Lautadako mamua
Xabier Montoia
Elkar, 2024
112 orrialde
Eleberri labur honetan egileak XIX. mendeko Euskal Herrira garamatza, sekulako sona hartu zuen Juan Diaz de Garaio hiltzailea duela protagonista. Arabako landa guneko jendarte tradizional eta giro hotzean barneratzen... [+]
Kanbodiako enbaxada
Zadie Smith
Itzulpena: Garazi Ugalde
Igela, 2022
-----------------------------------------------------
Batek baino gehiagok askatu ezin duen ideia faltsua da Europa jende berdinez soilik dagoela eraikita. Eta ez bakarrik faxistek. Egiatan, gutako... [+]
Carmilla
J. T. Sheridan Le Fanu
Itzulpena: maialen berasategi
Erein, 2025
------------------------------------------------------------------------
Literatura unibertsala bilduman argitaratu berri dute J. T. Sheridan Le Fanu irlandarraren 1872ko Carmilla. Maialen... [+]
Agur Karibu
Marian Porcel
Elkar, 2025
SIMULAKRO BAT
Leire Ugadi
Elkar, 2025
---------------------------------------------------------------------
Hitzak hautsi egin dezake, kolpatu, arrakalatu eta apurtu. Simulakro bat (Elkar, 2025) izendatu du Leire Ugadik (Urduña, 1996) simulakro hutsetik harago... [+]
Zoriona, edo antzeko zerbait
Karmele Mitxelena
Elkar, 2024
------------------------------------------------------------------
Helduentzat bigarren liburua du Karmele Mitxelenak. Lehenengoa ipuin liburua izan zen, eta honetan ere nabari zaio ipuingile eskua; izan ere,... [+]
Lur jota Parisen eta Londresen
George Orwell
Igela, 2025
George Orwell Abereen etxaldea (Animal farm, 1945) eta 1984 (1949) eleberriengatik ezagutzen dugu, euskarara itzuliak biak. Baina horien aurretik Down... [+]
Antzinako berri-berriak
Kae Tempest
Igela, 2022
-----------------------------------------------------------------
This poem was written to read aloud / Poema hau ozen irakurtzeko idatzi zen.
Horrela hasten da Kae Tempesten Antzinako berri-berriak liburua, lehen... [+]
Txori Gorri. Andre siux baten idazlanak
Zitkala- Sa
Testu zaharrak, 2022
Zitkala-Sa hegoaldeko Dakoten erreserban (AEB) jaio zen 1876an. Eskolan asimilazioan oinarritutako hezkuntza jaso zuen, eta horren... [+]
TARTARO
Testuak: Xantal Barnetxe
Ilustrazioak: Leire Perret
Ikas, 2025
--------------------------------------------------------------------
Tartaro infernuaren antzeko tokia dugu antzinako Grezian, baita pertsonaia mitologikoa ere, Virgiliok aipatua aspaldian eta... [+]
Amaieratik hasi. Euskal feminismoa, aldaketarako paradigma
Naia Torrealdai Mandaluniz
Txalaparta, 2025
-----------------------------------------------------------
Naia Torrealdai Mandalunizek Amaieratik hasi. Euskal feminismoa, aldaketarako paradigma saiakera argitaratu... [+]
hezur berriak
Ane Labaka Mayoz
Susa, 2025
Tapakia
Maite gurrutxaga
Erein, 2025
-----------------------------------------------------------
Tapakia liburu honen azala ikusten badugu, bertan sagu pipertu bat ikus dezakegu lehortzen ari den tapaki zuri-zuri baten ondoan. Gero, normalean kasu gutxi egiten diegun... [+]
