Adiskidetzea
Aurki kenduko dituzte zuhaitz koniko erraldoiak, faroletako kable kiribilduak, Zorionak opa dizkiguten eraikinetik eraikinerako letra argitsuak. Gabonetako argiak izotzezko estalaktitak bezala urtzen dira urtarrileko eguzkitan, baretasunez eta isilpean. Laster Karmenak. Eta esan nezakeen “eskerrak amaitu diren Gabonak”, koinatu astunak, betekadak, irentsitako berbak, sentitutako nagia, genero roletan sakontzen duten familia nuklear aspergarriak. Esan nezakeen, esan eta kantatu izan dudan bezala abendu osoan. Baina Grintxa ere aspertu egiten da Grintx izaten, eta batez ere, aspertu egiten da bere senideak baino argiagoa, koherenteagoa, militanteagoa, modernoagoa –azken finean, hobea– dela aldarrikatzeaz.
Ohartu naizelako familiaren jarrerekin kritikoa izatea eta familia bera gutxiestea nahastu ditudala azken urteotan, eta uste dut ez naizela bakarra. Eta klasismo usaina hartu diot neure buruari kroketa eta langostino buruekin egindako lubakien atzetik nire senideak epaitu izan ditudan bitartean, nik, lehengusuekin batera, goi-mailako ikasketak dituen familiako lehenengo belaunaldiko kide naizen honek.
Ohartu naiz familiaren jarrerekin kritikoa izatea eta familia bera
gutxiestea nahastu ditudala azken urteotan, eta uste dut
ez naizela bakarra
Baliteke bati euskal kultura batere ez interesatzea, eta besteak Antena3-ko albistegiak ikusi eta sinestea, edota beste hori kristau praktikantea izatea, eta bere ondokoa oraindik dibortziatu ez izana bizitza perfektuaren irudia ez hausteagatik, eta, zelan ez, hangoak mutikoari baloia eta neskatoari panpina erosi dizkio zurean ere. Ados, zuk ez zenuke horrela egingo, kontra zaude. Baina harago begiratzen hasi, eta bata gai da aurrekontu mugatu batekin hogeirentzako janaria kozinatzeko inork ez bezala, eta baliteke feminismoa eta klase kontzientzia zuk baino barneratuago izatea zentzu askotan, eta ondokoak harritzen zaitu kontatzen dizunean gaztetan zelan ihes egin zuen etxetik, edo besteak zertzuk pasatu zituen alkoholaren zulotik irteteko, eta hangoak haurrei behar duten arreta eskaintzen die eta beraiekin jolasean ematen du egun osoa, baloiarekin eta panpinarekin, baina beraiekin.
Ez dut egin nahi familia batasunaren eta kritikotasunik ezaren aldeko apologiarik. Familia munduaren lagin txiki bat da mahai baten bueltan, eta noski zapaltzailea dena zentzu askotan, eta tradizionala gehienetan. Baina nekatu egin naiz estereotipoak kritikatzeaz, eta kritikatzen baditut, jakin nahi dut nondik begiratzen diedan, eta zein balio goratzen eta gutxiesten ditudan oharkabean.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
2024ko irailaren 11n, "Lortzear ote gaude?" izeneko artikulua argitaratu ziguten hainbat hedabidetan. Urtebete igaro da eta garbi esan dezakegu: EHUko gobernu aldaketak (Ferreira zen buru, Bengoetxea da orain) ez digu aurrerabiderik ekarri. Orduko zailtasunek zailtasun... [+]
Aurtengo ekainaren 25ean Eutanasiaren legeak laugarren urtemuga bete zuen. Nire iritziz, lege hori hainbat biztanleren lanari esker lortu da, eta, nolabait, pentsa dezakegu merezitako saria izan dela; izan ere, lege hori lortu bitartean pertsona askok erailketa salaketak,... [+]
2023ko uztailean jaso genuen berria antzuolarrok. Irimon bi aerosorgailu erraldoi jartzeko proiektu bat aurrera eramateko eskaera jaso zuela Udalak. Hasieran zalantzak eta galderak: nor zegoen proiektuaren atzean? Zein zen proiektuaren benetako helburua? Zein izango... [+]
Bizipen multzoa da gure historia. Esperientziek osatutako atal eta kapituluak. Errutina eta egunerokoa zipriztintzen dituzten gertaerak. Baina adin batera iritsita, bizi izandako momentu batzuk atzenduta geratzen dira, buruaren zokoren batean ostenduta. Ez ahaztuak,... [+]
Aste honetan, etxeko lanak jarriko dizkizuet. Hori gertatzen zaigu urte luzetan irakaskuntzan aritu garenoi: dena bihurtzen dugu arbel, etxeko lan eta ikas-egoera. Demagun euskal jai bat antolatu behar dugula herrian. Zer egitarau proposatuko dugu? Nola ospatu, dantzatu eta... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Ez dira gauza bera. Sistema demokratiko bat, edozein eskalan, parte-hartzailea ez bada ez da demokratikoa. Demos batek ez badu lehentasunik erabakiak hartzerakoan, demokrazia eredu hori hutsala da. Israelgo Estatuan hauteskundeak egiten dira, baina ariketa politiko horrek ez dio... [+]
Teknologien azken joerengatik galdezka aritu da mastodon.eus-eko erabiltzaile bat, ezagutzen zuenak ez baitzion zirrararik eragiten. Zer pentsatua eman digu zenbaiti, eta jaso dituen erantzunak oso ezberdinak izan dira.
Nik adierazi diot teknologiek gizakion arteko... [+]
Ez dut ikusi nahi gorputza arimaren kartzela gisa. Baina ezin dut saihestu gorputz atletikoak, gazteak, osasuntsuak, ulertzea luxuzko ibilgailuak balira bezala, jabeen eramaile arinak. Gazte (osasuntsu, atletiko) ez garenon gorputzek ere bere jabeok eramaten gaituzte, baina kasu... [+]
Ikasturtearen hasiera, lankideekin, laneko deskantsuan, kafe baten inguruan, atzean utzitako hilabeteen oroimenak mahairatuz. Deskantsua paraje desberdinetan egin izanagatik ez ditugu alboratu gizarte gisa ibiltzen dugun garaia. Distantzia hartu eta geldiunean gaudenean gai gara... [+]
Trumpen muga-zergen dantza da azken hilabeteetako berri nagusietako bat. Gerra komertziala eta ekonomikoa hedabideen eta analisten ahotan daude oraindik ere. Gehienetan, baina, herritarrei gauzak era oso sinplean azaltzen zaizkie, gutxi-asko esanez Etxe Zurian ero bat dagoela... [+]
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Akordatzen naiz Blanca Llum Vidal poeta maitasunaz hizketan entzun nuen lehendabiziko aldiaz. Bere esperientziaz aritu zen, besteak beste. Esan zuen bere ordura arteko bizitzan maitasuna beti amaitzen zela, baina maitasunak ez lukeela amaitu beharko sentituz bizi dela. Ez dela... [+]