Emakumeak borrokan

Maravillas, harri bat EH Bilduren zapatan

Itziar Bardaji Goikoetxea @ItzBG
2019ko otsailaren 03a

Aldaketaren legealdia amaitzen ari da. Iruñean, gaztetxearen erronkaren kronologiak Geroa Bairen bildots mozorrodun otso izaeraz eta EH Bilduren kontraesanez hausnartzeko balio digu.

2016an, Geroa Baik bi gaztetxe hustutzea lortu zuen EH Bildu presionatuz. Maravillasen, desalojo kautelarraren saiakerak huts egin eta gero eta hauteskundeak hurbilegi ikusirik, Geroa Baik legez kanpoko hustutzea burutzea aukeratzen du, segurtasunaren auzia bigarren aldiz modu faltsuan erabiliz eta indarkeri polizialaren irudien konplexurik gabe. Barcina estilora eraikina eraitsi ezin duenez, Uxue Barkosek gaztetxea barnetik birrintzen du.

Bi astez Joseba Asiron mahai baten azpian ezkutatzen da eta ozta-ozta esaten du neurrigabeko okupazio polizialaren inguruko hitz pare bat. EH Bilduk beste amore -emate bat nahi du. Ahaztu nahi du autogestioa ez dela marko legalean sartzen eta ez du ikusi nahi Geroa Baik egiten duena. AHTren gola sartu diote, eta Unzu makro ostatuarena ere bai. “UPN okerrago da” mantrari heltzen zaio, Geroa Bairi marra gorririk jarri gabe.

Eta nik ez dakit nondik aterako dudan bozkatzera joateko motibazioa.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Nafarroako Gobernua

Iritzia kanaletik interesatuko zaizu...
ASTEKARIA
Azkenak
EGILEA
Eguneraketa berriak daude