Indarkeria matxistatzat jo dute Uharteko emakumearen hilketa
Aurten indarkeria matxistak Euskal Herrian hil duen bosgarren emakumea da. Senarrak larunbatean emandako jipoiaren ondorioz hil da astelehenean Iruñeko ospitalean.
Berriak jakinarazi duenez, Espainiako Gobernuak indarkeria matxista kasutzat jo du Uharteko emakumearen hilketa. Emakumea larunbatean aurkitu zuten etxean zauriturik larrialdi zerbitzuek eta foruzaingoak, eta atzo senarra behin-beninean eta bermerik gabe espetxeratzeko agindua eman zuen epaileak, martxan zen ikerketaren arabera hiltzailea izan zitekeelakoan.
Nafarroako Gobernuak, gertakariaren aurrean, indarkeria matxista “erauzteko” konpromiso “irmoa” duela adierazi du. Herritarrekiko eta Erakundeekiko Harremanetako kontseilari Ana Olloren hitzetan “indarkeria matxista emakume eta gizonen arteko desparekotasunaren adierazgarri bortitzena da”, eta ohartarazi du aurtengo urtarrila eta uztaila artean 748 emakumek salatu dutela Nafarroako komisarietan indarkeria matxista pairatu izana. Egoitza judizialean jasotako salaketei gehituz gero, “eguneko lau salaketa baino gehiago” lirateke Nafarroan.
Mobilizazioak
Erailketa gaitzesteko, Uharteko Udalak eta mugimendu feministak mobilizazioak deitu dituzte asteazkenerako. Udalak elkarretaratzea egin du 13:00etan Uharteko Udal plazan, eta mugimendu feministak arratsaldeko 19:30ean egingo du, plaza berean.
Donostia, Gasteiz eta Bilbon ere mobilizazioak deitu ditu ostegunean Euskal Herriko Emakumeon Mundu Martxak. Donostian 19:30ean Bulebarrean elkartzera dei egin dute, Gasteizen 20:00etan Andra Mari Zuriaren plazan, eta Bilbon 20:00etan Arriagan.
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]