ARGIA berriztagarria izango dugu hemendik aurrera
ARGIA GoiEnerreko bazkide egin da. Mundu pixka bateko irakurlea izango zara zu ziurrenik, dagoeneko ezagun izango duzu GoiEner, eta ez nator zuri sermoirik botatzera. Baina nik kuriositatez deitu egin dut webgunean eskaintzen duten telefonora, energiaren kontu hauek argitzeko. Santiago Ochoa de Eribe GoiEnerreko zuzendariak erantzun dizkit galderak.
Energia elektrikoa oinarrizko ondasuna da eta zuen helburua herritarrek honen kontrola berreskuratu eta kontsumo arduratsu bat izatea da. Nola lortzen da?
Alde batetik energiaren merkaturatzea dago, eta bestetik ekoizpena. Merkaturatze kooperatiba bat sortu genuen aurreneko bideari heltzeko, eta bazkideak ditugu oinarri; gaur gaurkoz 6.000 inguru. Aholkularitza ere eskaintzen diegu bazkideei, helburua kontsumo arduratsua denez, beharrezkoa dutena kontsumitzeko erregulatu dezaten potentzia. Baina kontua ez da faktura bat soilik, filosofia da jarduera ekonomiko hutsetik aldendu eta gizartearen eta ingurumenaren beharrei begira lan egitea. Energia ekoizpena herritarron eskura jartzea da bigarren bidea, eta martxan jartzen ari gara hau. Ekoizpena gure esku badago lortuko baitugu energiaren benetako kostea zein den ezagututa prezioaren negoziaketan subjektu aktibo izatea.
Nola lortzen duzue saltzeko energia?
Salerosketarako merkatu bat dago eta guk han erosten dugu gure bazkideek beharko duten energia. Guk erosten dugun guztia berriztagarria izanik ere, etxeetaraino heltzeko sarean beste energiekin nahasten da. Dena dela, merkatuaren bitartekaritzarik gabeko bideak bilatzen ari gara eta ekoizleekin zuzenean harremanak egin nahi ditugu.
Esan duzu gure etxeetara ez dela %100 energia berriztagarria iristen. Orduan zein da zuen desberdintasuna?
Kontsumitzaileak jasotzen duen produktuan ez dago desberdintasun handirik. Tira, geroz eta bazkide gehiago izan geroz eta energia berriztagarri gehiago sartuko da sarean, beraz, portzentaje altuagoa izango da, baina filosofiak eta helburuek egiten gaituzte desberdin. Enpresa ikuspegitik kontraesana badirudi ere, guk geroz eta energia gutxiago kontsumitzea dugu helburu, energia ulertzeko beste modu bat dugu jasangarriagoa dena. Eta aldi berean bazkide gehiagoren bila goaz, kontsumitzen den hori berriztagarria izan dadin.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
'Eguzkiaren gaineko zerga' kendu zuen urrian Madrilgo gobernuak, eta autokontsumorako bidea errazteko hainbat neurri hartu dira azken hilabete hauetan. Autokontsumoak dakartzan onurez hitz egin dugu Goiener kooperatibako Xabier Loiarte teknikariarekin.
Iener, energia berriztagarriak garatzen dituen enpresak, informazioa bilkura bat antolatu zuen Aiziritzen joan den astean. Preseski astelehen hontan lanean hasi baitira herriko kirol gelako teilatuan eguzki plaken instalatzen.
Urriaren 11z geroztik, energia berriztagarrien sektorean barneraturik dagoen Goiener kooperatiba Oñatiko Ur Jauziak enpresaren bazkide da ofizialki. 2015. urtean Energiaren Euskal Erakundeak enpresatik irteteko asmoa erakutsi ostean, Oñatiko Udalak bilatzen zuen bazkide tekniko berria da. Udalerriko etxeetara ailegatzen den energiaren ziklo osoa euren esku izateko urrats garrantzitsua da.
Europar Batasunean berotegi-efektua sortzen duten gasen igorpenak mende erdialderako desagerraraztea proposatu du Europako Batzordeak. Horretarako, erregai fosilak alde batera utzi beharko dira.
Energia guztiz berriztagarria izatea zehazten zen lehiaketako klausula ezabatzera behartu du Gasteizko Udala EAE-ko Kontratuen Inguruko Errekurtsoen Administrazio Organoak, Iberdrola eta Endesa lizitaziora aurkeztu ahal izateko.
Energia berriztagarrien kontsumo arduratsuan, energiaren ekoizpenaren deszentralizazioan eta jasangarritasun energetikoaren kontzientziazioan dihardu lanean besteak beste GoiEnerrek.
Duela 120 urtetik Oñatik energia produzitu, kudeatu eta zabaltzen du. 2000. urtetik Oñargi S.L. erakunde publikoak du Olate, Lamiategi, Tokillo, Arantzazu, Saratxo eta Zapatako ur-jauziek ekoizten duten energia banatzeko eskumena eta Goienerrek Oñatiko Ur Jauziak enpresaren akzioen %10a erosi zuen pasa den uztailean.
I-ENER, 450 akziodun kondatzen dituen energia ekoizle sozietateak %100 berriztagarria den argindarra eta SCIC (Société coopérative d’Intérêt Collectif) (*) forma ukanen duen egitura baten bidez bere aktibitatea bultzatuko duen ENARGIA (www.enargia.eus) izeneko tokiko argindar hornitzaile bat sortuko du.
Klima aldaketari aurre egin nahian, energia lortzeko egurra erretzearen alde egiten du Europar Batasunaren Energia Berriztagarrien Zuzentarauak. Bestelako neurririk gabe, ordea, egurraren demandak basoak hustuko dituela eta karbono dioxidoaren isuria handitu dezakeela ohartarazi dute zientzialariek. “Hondamendiaren hasiera da”.
