Nepaldarren Euskal Herriko komunitatearen txanda

  • Milaka hildako utzi dituen lurrikarak Euskal Herrian bizi diren nepaldarrak aktibatu ditu. Hainbat herritan kalera atera dira herritarren atxikimendu eta babes ekonomiko bila. Eibar, Mendaro eta Elgoibarren lanean ibili direnekin mintzatu gara.

Nepaldarren komunitatea bere herrialdea laguntzeko lanean ari da. Bizilagunen elkartasuna eskertu dute.
Nepaldarren komunitatea bere herrialdea laguntzeko lanean ari da. Bizilagunen elkartasuna eskertu dute.

Bere jaioterri Nepalen lurrikara izan zela jakin zuen 8:00ak bueltan Binod Barailik. Eibarren bizi da emazte eta semearekin orain urtebetetik. “Nepalen ohikoak izaten dira lur mugimenduak, eta betiko txiki horietako bat izan zela pentsatu nuen”, dio ahots apalez. Richter eskalan 7,8-ko maila zuen ordea, eta apirilaren 25 hartako desastre naturalak 8.600 lagunetik gora hil zituen, 23.000 zauritutik gora utziz. Nepal munduko herrialderik garaiena da, laguntza bideratzeko zailtasun handiak dituena, eta aurretik ere, herritar asko pobrezian bizi den lekua. Herrialdea lur jota utzi zuen.

Euskal Herrian Nepaldik etorritako komunitatea bizi da. Orotara zenbat diren ez badakite ere, Eibar, Elgoibar eta Mendaron, adibidez, 70 bat nepaldar bizi dira. Barailik kontatzen duenez, hasiera batean, inork ezin zuen herrialdeko lagun eta senideekin harremanetan jarri, ziurrenik azpiegiturak hondatuta zeudelako. Facebook bidez ikusi zituzten jaioterriko irudiak, jendea ospitaleetan nola zegoen, oinarrizko laguntza eskatzen ari zirela herritarrak gobernua bera ere iristen ez zen guneetatik. Etxean negarrez egon zela dio. Barailik lagun bat galdu zuen.

Lehen uneko beldurrak eta saminak nola hala gaindituta, zerbait egin behar zutela pentsatu zuten. Nepal herrialde txiroa da, eta Binod oso kritikoa da gobernuarekin. “Aurretik arazo mordoa bageneuzkan, gobernu txarra barne, orain gehitu egoera horri milaka pertsona hil dituen lurrikara ikaragarri bat”.

“Orain arte ez geunden antolatuta, eta hemendik aurrera lanean jarraituko dugu”, dio boluntario lanak betetzen duela dioenean. Hainbat udalek emandako laguntzaz gain, herriko plazetan bizilagunen laguntza jasotzen ibili dira, ahalik eta azkarren Gurutze Gorriaren kontu korrontean sartuz (Euskadiko Kutxa: ES90 3035 0050 7105 0004 6056). Eibarko Immigraziorako Udal teknikariaren laguntza bereziki nabarmendu du Binodek.

Eibar, Mendaro eta Elgoibarko komertzioz komertzio eta etxez etxe ibili da aipatu   komunitatea. Ipuruako partiduan ere diru bilketa egin zuten eta aurrerantzean ere laguntzen jarraituko dutela argi dute.

Herritarren elkartasuna nabarmendu du, eta bizilagunei esker moduan, artikulua ilustratzeko hautaturiko otoitza egin zuten, beren herrialdearen izena kandelekin idatziz.


Kanal honetatik interesatuko zaizu: Gizartea
2024-03-31 | Diana Franco
Teknologia
Gorputzaren memoria

Mekanografia ikasi baduzu, gitarra jotzen, josten edo eskuz idazten, ulertzen duzu zure gorputzak zelan memorizatzen dituen zenbait jarduera. Gorputza eta adimena modu miresgarrian daude harremanduta, bat dira. Gizakiok sortu dugun teknologia eta honek gure gorputzarekin duen... [+]


Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


Eguneraketa berriak daude