Egoera ekonomiko eta politikoari ez bazaio lehenbailehen buelta ematen, gure gazteria bazterkeria sozialean bizitzera beharturik aurkituko da. Eta nolako jendartea sortu dezakegu, horren zati garrantzitsuena, etorkizuna eraikitzeko ardura duen gazteria, sozialki bazterturik baldin badago? Benetan, egoera larria eta kezkagarria da honakoa. Ekonomia Lankidetzarako eta Garapenerako Erakundeak (ELGE) gogorarazi digu egoeraren larritasuna, mahai gainean datu estatistikoak jarrita.
Erakunde horren txosten baten arabera, Espainiako Estatuan 16 eta 29 urte artean dituzten gazteen erdiak –Hego Euskal Herriaz ari da– ez dauka gaitasunik ordenagailuak lanerako erabiltzeko. Espainia azken aurreko postuan dago –Italiaren aurretik baino ez– Korea txapeldun den arlo horretan. ELGE osatzen duten munduko 34 herrialde garatuenetan, 35 milioi gazte daude ez ikasi ez lan egiten dutenak. Horrek esan nahi du ez daudela prest herrialde horietako hezkuntza sistema, gizarte edo mundu laboralean parte hartzeko. Izan ere, nola ikasiko dute lan arlora aplikaturiko informatika, lanik ez badute? Eta okerrago dena, izateko itxaropenik ez badute?
Egungo sisteman barneratze sozialerako tresna nagusia lana da; garapen pertsonala lan-munduan sartzearekin lotu izan da. Hala, lanik ez edukitzeak heriotza zibilera daramatza gure gazteak. Bazterkeria sozialak ondorio ugari ditu: delinkuentzia, droga, suizidioak, eta bere gazteak zatikatu eta hiltzen dituen jendarte gaixo bat sortzea.
Gobernuen erantzukizuna funtsezkoa da –izan Madril, Gasteiz edo Iruñekoa–, baita eragile politiko, ekonomiko eta sozialena ere. Gazteen langabeziaren odolustea geratu beharra dago eta indar gehiago bideratu behar da enplegu duina sortzera. Bestalde, gure sare industriala kontuan edukiko duen hezkuntza sistema eta politika sozialak behar ditugu: lanbide heziketaren alde egin behar da bai ala bai.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
2016ko martxoan hasi zen. Ia bi urtez luzatuko zen borroka, 378 egun greban. Bizkaiko zaharren egoitzetako langileak kokoteraino zeuden. Ia langile guztiak emakumeak ziren, zaintza lanak egiten dituzten gerokultoreak, lan baldintza kaskarretan. Ustekaberik ez, zaintza beti bezala emakumeen ardurapean, ordainik gabe edo gaizki ordainduta. Bosgarren hitzarmena sinatzea garaipena izan zen, baina borroka hark lan baldintzak hobetzea baino dezentez gehiago lortu zuen: emakumeak ahaldundu ziren,... [+]
ELA sindikatuak Argia komunikazio proiektuari liburua elkarlanean argitaratzea proposatu zion 2017ko hondarrean. Bizkaiko egoitza pribatuetako langileek 378 egun greban egin zituzten. Ia bi urtez luzatu zen borroka luze eta gogorra, eta irabazi egin zuten. Sindikatuak Argiako kazetariren batek idaztea nahi zuen. Erredakzioan niri eskaini zidaten gozokia eta nik oparia gustura asko hartu.
"Berdea da more berria. Bizkaiko egoitzetako grebalarien testigantzak” liburua ELA sindikatuaren Manu Robles-Arangiz Institutuak eta ARGIAk elkarlanean egin dugu. Onintza Irureta Azkune da egilea eta hitzaurrea Irantzu Varela Urrestizalak idatzi du. Otsailaren 20an, Bilboko Bira Kultur Gunean aurkeztuko dugu, 19:00etan.
Ernai erakundeak Gasteizko EHUren campuseko Errektoreordetzaren aurkako ekintza burutu du, salatzeko unibertsitateak Gasteizko Lauko Finalean doan lan egitera animatu dituela ikasleak. Ekintzaren bidez, larunbatean prekarietatearen kontra Bilbon egingo den manifestaziorako deia egin du Ernaik.
Bi hilabete daramatza itxita Tabakalerako Ubik sorkuntza-liburutegiak, bertan lan egiten duten bitartekariek lan-baldintzak hobetzeko greba hasi zutenetik. Ez dirudi arazoa soluzionatzeko bidean dagoenik: asteazken honetan elkartu dira langileak eta zerbitzuaren esleipena daukan enpresa. Azken honek grebalariei proposatu die datozen lau urteetan mobilizaziorik ez egiteko, soldata igoera baten truke.
Ernaiko zenbait kidek arropa erantzita multinazionalen edertasun-kanonaren kontrako ekintza egin dute Bilbon.
Nafarroako enplegu publikoaren egoera larria salatu du ELA sindikatuak. “Prekarioa naiz. Noiz arte?” kanpaina abian jarri dute enplegu publikoa kontsolidatzeko eskaria egiteko. Urteroko kontratuak, hilabetekoak, astekoak edo ta egun batekoak salatu dituzte. Ezegonkortasun nabaria, enpresa pribatuari onartuko ez zitzaiona.
Greban eta protestan dira etxez etxeko langileak. Sektore prekario eta feminizatuaren aje gehienak dituzte: lan fisiko gogorra ez da aintzat hartzen; erakundeei merkeago ateratzen zaie senideei prestazio ekonomikoak ematea edo emakume atzerritarrak sektorean aritzea; ez dute igandetako plusik. Eraikuntzako enpresak sartu dira sektorean, menpekotasuna duten pertsonak artatzea zer den ez dakiten azpikontratak.
Haurreskolak partzuergoko kudeaketa langileen "lan baldintza prekario eta onartezinen" aurkako greba deitu dute STEILAS eta ELA sindikatuek. Asteartean Eibarko kaleetatik mobilizatu ziren, eta asteazkenean elkarretaratzea egin dute Eusko Jaurlaritzaren egoitzaren atarian.
Lau hilabetez laguntzak eskatzeko aukera itxita izan ostean, eskariei bide eman die Barakaldoko Udalak. 1.400 familia inguruk eskatu dute hitzordua lehen egunean.
