Gure Esku Dago

Helburua beteta

  • Erabakitzeko eskubidearen aldeko giza kate erraldoia osatzeko 60.000 lagunek eman dute izena jadanik. Baina helburua aurrez bete dutela dio Gure Esku Dagok: herrietan sorturiko ekimenek ideia askotako jende andana biltzea lortu dute.

Urko Apaolaza Avila @urkoapaolaza
2014ko ekainaren 08a
150 batzorde pasatxo sortu dira herrietan eta milaka lagunek hartu dute parte sustapen ekitaldietan. Irudian, Amurrio.
150 batzorde pasatxo sortu dira herrietan eta milaka lagunek hartu dute parte sustapen ekitaldietan. Irudian, Amurrio.

Durango eta Iruñea elkartuko dituen giza katea egiteko atzera kontaketa hasi da dagoeneko. Gure Esku Dagoko antolatzaileek azken xehetasunak eta informazioa eman zituzten joan den astean. Agian, daturik esanguratsuena honakoa da: ekainaren 8an 123 kilometroak betetzeko adina jendek izena eman du. Ibilbidea osatzeko 50.000 lagunetik gora behar direla kalkulatu dute sustatzaileek –kilometro bakoitzeko 400-500 pertsona–, bada kopuru hori aisa gainditu da: 60.000k eman dute izena.

Baina jendetza biltzea bezain garrantzitsutzat jo dute “hausturarik gabeko kate sendoa” osatzea. “Berriz ere eskatzen dugu bakoitza egokitu zaion tokira joateko, hori izango baita arrakastaren gakoa”. Horretarako, hainbat gomendio dakartzan liburuxka argitaratu dute. Metroa aurretik erosi eta ahal den neurrian autobusez bidaiatzeko eskatu dute.

700 autobus bete dira, kasu batzuetan aurreikuspenak erabat gaindituta: “31 autobus beteta eta beste 10 betetzeko bidean, izugarria izango da!” zioen Getxo eta Algortako Gure Esku Dagok txio bidez. “Laugarren busa betetzeko zorian, inoiz ikusi gabea, ezin duzu kale egin!”. Donostiako Amara Berriko beste erabiltzaile batek. Autobusentzako hiru aparkaleku erraldoi atonduko dituzte Kanpazar, Lizarrusti eta Deskargan bilduko direnentzat.

Giza katea Durangotik Iruñerako norabidean ezkerreko aldean egingo da eta toki askotan errepidea ez da autoentzat moztuta egongo. Horregatik segurtasun arauak errespetatzeko eskatu dute. 

2.500 lagun boluntario arduratuko dira giza katea antolatzeaz, kilometro bakoitzeko hamar lagun –arduraduna, bost laguntzaile eta informazio puntuan beste lau–.

10:00ak inguruan hasiko da jendea biltzen eta giza katea prestatuko da “modu animatu eta ordenatuan”. 12:00etan kateari hasiera emateko soinu ozen bat entzungo da, izan txalaparta, adar, kanpai edo beste soinuren bat. Amaitu ondoren egun osoko jaialdiak antolatu dituzte Durangon, Bergaran, Etxarri Aranatzen, Iruñean eta Lazkaon. Azkeneko honetan, esaterako, 10.000 lagun bildu litezkeela uste da eta 1.000 lagunentzako bazkaria jarriko dute.

Desberdinen arteko bilgune

Ekainaren 8ko data hurbildu ahala ekintzak ugaritu dira. Asteburu honetan muga herrietan giza kate “ttipiak” osatu dituzte. “Ekimenak balioko du baldin eta asmatzen bada eguneroko milaka muga desberdin, ikusgarri eta ikusezinak, gainditzen” zioen Amets Arzallus bertsolariak Kazeta.info atarian.

Ipar Euskal Herriko Gure Esku Dagoren arduradunek nabarmendu dute lurralde horretan elkarlanerako esperientzia ugari izan direla azken urteetan eta horiekiko errespetuz ari direla lanean. Lapurdi, Nafarroa Beherea eta Zuberoako herritarrak giza katearen 111 eta 112 kilometroetan bilduko dira.

Desberdinen arteko bilgune izaten ari da Gure Esku Dago dinamika. Azpeitian eta Altsasun hainbat alderditakoak diren alkate ohi guztiek eman diote babesa; Oiartzunen  ere 1975etik gaur arte udalean izan diren 50 zinegotzi bildu ziren argazki historiko batean, honako alderdietakoak: ezker abertzalea, PSE, EAJ, EA, Hamaikabat, Ezker Anitza, Aralar eta EH Bildu. Hamaika telebistako Pausoan telebista saioan Iñaki Zarraoa Getxoko alkate ohiak honako hausnarketa egin zuen: “Gure Esku Dagok abantaila bat izango du: gehiago ezagutu dugu elkar. Hemen bizikidetza konpondu behar dugula esaten dugu, bada ekimen honek ere egingo du bere lana horretan”.

Carlos Urquijoren parte-hartzea

Denak ez dira iritzi berekoak. Carlos Urquijo Espainiako Gobernuaren ordezkariarentzat erabakitzeko eskubidea “eufemismo” bat da, independentziaren aldarrikapena ezkutatzen duena. Gipuzkoako Aldundiak egitasmoa diruz laguntzeko hartutako erabakia auzitara eraman du. Urquijoren ekarpen partikular horrek eta Etxarri Aranazko hiru lagunek Guardia Zibilaren aurrean deklaratu behar izanak independentziari buruzko erreferendumagatik, oilo ipurdia jarri dio bati baino gehiagori.

Gure Esku Dagok behin baino gehiagotan azaldu du ez dela mugimendu independentista, eskubideez ari dela. Astekari honen azkeneko Larrun zenbakian, Iñaki Lasagabaster EHUko Administrazio Zuzenbideko katedradunak ezin hobeto deskribatzen du auzia: “Erabaki eskubideak ez du zerikusirik estatuen arteko itun batekin, autodeterminazioarekin gertatzen den bezala, demokraziaren ideia berarekin baizik. Hemen bizi garenok gure arteko bizikidetza arautzeko gure arauak egin ezin baditugu, ezin esan dezakegu demokrazian bizi garenik”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Gure Esku Dago

Gure Esku Dago kanaletik interesatuko zaizu...
2019-03-13 | Uriola.eus
Angel Oiarbidek eta Zelai Nikolasek Gure Esku Dagoren bozeramaile izateari utziko diote

Angel Oiarbidek eta Zelai Nikolasek Gure Esku Dagoren bozeramaile izateari utziko diote, ia sei urte eta gero. Dinamikaren Zuzendaritza Kontseiluko kide izango dira aurrerantzean. Martxoaren 20an, bi bozeramaileek “azken solasaldia” eskainiko dute Bilboko Kafe Antzokian.


2019-02-18 | ARGIA
Milaka herritarrek elkartasuna adierazi diete Donostian auzipetu katalanei

Kataluniako plazatik atera ziren igande eguerdian “Konponbidea. Demokracia. Llibertat” goiburupean eta Boulebarderaino egindako ibilbidea horiz bete zuten. Gure Esku Dagok antolatu zuen manifestazioa.  


2019-02-08 | ARGIA
Gure Esku Dagok mobilizazioak antolatu ditu, Madrilen epaituko dituzten independentista katalanen alde "kaleak horiz janzteko"

Erabakitze eskubidearen aldeko dinamikak manifestazioa egingo du Donostian, otsailaren 17an, eguerdiko 12:00etan.


Dagoeneko 220.000 herritarrek erabaki dute GEDko kontsultetan

Donostian, Irunen eta Enkarterrietan atzo erabaki zen euskal estatu burujabe eta independente batean bizitzea, Gure Esku Dago dinamikak antolatutako herri galdeketetan. Orotara, 28.704 lagunek erabaki dute. Emakumeak izan ziren lehenak bozkatzen bost herrietako hautesleku guztietan.  


2018-10-31 | I˝igo Igartua
Quim Torra Kataluniako presidentea Donostiako Kursaalen izango da azaroaren 14an

Gure Esku Dago plataformak antolatu du ekitaldia, azaroaren 18an Donostian egingo den eta 150.000 herritar inguruk iritzia emateko aukera izango duten herri galdeketaren aurrekari gisa.


Gure Esku Dagok azaroaren 18ko Donostiako galdeketaren abestia aurkeztu du

Donostiako Gure Esku Dagok hiriko hamaika musikari eta artista bildu ditu galdeketa sustatzeko egin duten kantuan. Azaroaren 18an izango da galdeketa eta galdera honi erantzun beharko diote herritarrek: "Nahi al duzu euskal herritarrok gure etorkizun politikoa geure kabuz eta aske erabakitzea?".


2018-09-27 | ARGIA
Puigdemontek bideoz hartuko du parte Gure Esku Dagok larunbaterako antolatu duen ekitaldian

“Espainiako estatuaren errepresioa salatuz, urriaren 1aren izaera demokratiko, baketsu eta eredugarria” gogoratuko dute irailaren 29an Gernikan. Gure Esku Dagoko bozeramaile Angel Oiarbidek azaldutakoaren arabera, hainbat ordezkari politiko eta kulturalek hartuko dute parte ekitaldian, tartean, bideo bidez, Carles Puigdemontek.


Gure Esku Dagok ezagutzera eman du donostiarrek erantzun beharreko galdera

“Nahi al duzu euskal herritarrok gure etorkizun politikoa geure kabuz eta aske erabakitzea?” izango da azaroaren 18an erantzun beharreko galdera.


2018-09-18 | ARGIA
Gure Esku Dagok "askatasuna erabakitzea da" mezua zabalduko du nazioartera irailaren 29ko ekitaldi artistiko-politikoan

Gernikan izango da ekitaldia, irailaren 29an, alegia, Kataluniako urriaren 1eko erreferendumaren urteurrena baino bi egun lehenago. Bi helburu ditu ekitaldiak, batetik, Euskal Herriko eta Kataluniako eragile politiko eta sozialak eta herritarrak Gernikan batzea, eta bestetik, erabakitzeko eskubidearen aldarria nazioartera zabaltzea.


Gure Esku Dagok erabakitzeko eskubidea aldarrikatu nahi du Espainiako Vuelta Euskal Herritik igarotzean

Hilaren 12an (asteazkena) igaroko da etapa Euskal Herritik. Getxon hasi eta Oiz mendian bukatuko da.


ASTEKARIA
Azkenak
EGILEA
Eguneraketa berriak daude