Klase borroka ez da hil

Hainbat frontetatik –instituzionala, mediatikoa eta ideologikoa, denak kapitalismoaren zerbitzura– sinetsarazi nahi digute klase borroka hil dela, iraganeko zerbait dela, XIX. mendekoa edo, obreroak euren nagusien esklabo zirenekoa. Bada ez. Klase borroka ez da hil. Bizirik eta indartsuago dago. Aste honetan Maiatzaren Lehena ospatuko da mundu osoan. Hain justu, egun horretan gogoratzen da 1886an hainbat langile hil zituztela zortzi orduak defendatzeagatik, Amerikako Estatu Batuetako ugazabek lan egun luze eta nekagarriak inposatzen zituzten garaian.

128 urte geroago, egoera aldatu da, baina zenbait gauzatan okerrera. Orain, lan egin ahal izatea aldarrikatzen da. Sei milioi lagun inguru daude langabezian Espainiako Estatuan; 225.000 baino gehiago Euskal Herrian. Gazteen artean langabezia tasa %50etik gorakoa da. Emakumeek berdintasun faltaren ondorioak jasaten dituzte. Sortzen den enplegua prekarioa da, soldatak gero eta baxuagoak dira eta eskubide laboralak galdu dira. Behin-behinekotasuna eta azpikontratatzea ohikoak dira. Ondorioz, lan baldintzak eta segurtasuna gero eta kaskarragoak dira. Apirilaren 28an Laneko Segurtasun eta Osasunaren Nazioarteko Eguna izan da; langile klasearen osasuna eta bizitza lehenetsiko duen eredu soziala aldarrikatu da.

Egoera hori sistema kapitalistak sortu du, bere gobernuen laguntza ordainezinari esker, politika antisozialen kudeatzaile soil baitira. Eta errealitate horrek kokatzen gaitu klase borrokaren erdian. Ez, ez da hil. Sindikatuek, alderdi politikoek eta gizarte erakundeek ez lukete ikuspegi hori galdu behar.


Kanal honetatik interesatuko zaizu: Langile borroka
Nafarroako ikastoletako eta itunpeko ikastetxeetako langileek negoziatzen hasteko eskatu diote gobernuari

Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]


Emakumeek baserria defendatu zutenekoa

1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]


Osakidetzaren irtenbide bakarra lanaldia luzatzea dela kritikatu dute ELA, LAB eta CCOOk

Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.


Sinadura greban dauden ‘El Diario Vasco’-ko langileek grebara joko dute orain, soldata igoera eskatzeko

Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]


Errenteriako Iztieta osasun zentroko “egoera prekarioa” salatu du ELAk

Hemezortzi mediku beharrean hamabi daude eta sei erizainek hamabiren lana egiten dute. “Lan gainkarga eta agenda neurrigabea handitu” egin dira, sindikatuak ohartarazi duenez, eta murrizketa gehiago etor daitezke etorkizunean.


Eguneraketa berriak daude