aurre egingo dieten hedabide independenteak
1942an martxan jarria, Abanto-Zierbenan dagoen Heroslam enpresak Gizarte Ekonomiaren Txemi Cantera saria jaso zuen duela bi urte, egindako ibilbideagatik. 1972an SAL bihurtu zen, Euskal Herrian lehena eta Espainiako Estatuan bigarrena –Valentziako autobus konpainiaren atzetik–. Egun, aktiboan urte gehien daraman SALa da.
Alberto Gabikagoxeaskoa Heroslameko gerenteari langile beteranoek kontatu diotenez, garai haietan bi jarduera zituen enpresak: ebaketa-erremintak eta laminazio eta hariztatze-erremintak. 1983an azken honi heldu zioten buru-belarri. SAL bihurtu zenean ez zegoen legerik, ezta Asle moduko elkarterik, baina administrazio publikoen aldetik erraztasun handiak izan zituzten pauso hori emateko. Krisi garaia zen eta lantegiak ez ixteko alternatiba bihurtu ziren lan elkarteak.
48 langiletik 37 bazkideak dira. Horri abantaila ugari ikusten dizkio Gabikagoxeaskoak: “Inplikazioa dago, motibazio estra gauzak ondo egiteko”. Gerentea ez da bazkide, enpresa daraman kanpoko profesionala baizik. Gabikagoxeaskoa duela hiru urte iritsi zen Heroslamera; beste enpresa askotan esperientziaduna da, baina inon ez du ikusi halako parte-hartze eta gardentasunik: “Erabaki inportanteak eurekin adostu behar ditut. Adibidez, askotan egon da tentazioa deslokalizatzeko, Turkian-edo lantegi bat irekitzeko… Nik diotsut hori hemen ez duzula sekulan lortuko”. Bestalde, gardentasunak sindikatuekin lan hitzarmenak negoziatzea errazten du, bere esanetan.
Heroslamek ongi egin dio aurre krisiari, baina ez SAL bat izategatik, gerentearen hitzetan, baizik eta erabat internazionalizaturiko enpresa delako. Soldatarik ez dute jaitsi behar izan, baina moderazioa bai egon da. Zer eragin dauka SAL bat izateak nazioartera esportatzeko? “Bezeroak lehenengo momentuan behintzat ez du baloratu ere egiten, produktua, zerbitzua eta prezioa begiratzen ditu”. Ostera, konfiantza giroan, bezeroak estimatzen du langileen prestutasuna urgentziei erantzuteko: “Bisitan etorri eta ikusten dute kontseilu errektoreko presidentea tailerreko makinan lanean; harrituta geratzen dira eta oso positibotzat dute”.
SAL izateak belaunaldien arteko erreleboa ere sustatzen duela dio Gabikagoxeaskoak: “Hemen kontratu soziala deitzen dena daukagu eta akzioekin ezin da espekulatu”. Jubilatutako bazkidearen akzioak prezio finkoan erostea eskaintzen diote bazkide ez den langileari. Hala, erreleboa ziurtatzen dute. Dena den, Heroslameko gerentearen esanetan, aldi berean langile eta bazkide izateak sortzen ditu arazo batzuk: “Langile bezala dauden eskubideak eta bazkide bezala dauden betebeharrak bereizi egin behar dira eta horretarako pedagogia asko egin behar da”.
“Emakume zientzialarien argitan” solasaldi-zikloaren helburua emakume zientzialarien ibilbidea ezagutaraztea da, baita ikertzen duten arloari buruz daukaten ikuspegia gizarteratzea ere, kultura zientifikoa hedatzeko eta eztabaida kritikoa sustatzeko. Elhuyarrek eta... [+]
Gaixoaldi baten ondorioz, 65 urterekin hil da Daniel Larrea Mendizabal.
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
Kooperatibismo bat komunitateari begira: lurraldeetako beharrei erantzuteko ereduak zabaltzen jardunaldia izan zen ekainaren 19an eta 20an Usurbilen, Jakinek, Usurbilgo Udalak eta UEUk elkarlanean antolatuta. Praktika kooperatibo eraldatzaileen adibide gisa, besteak beste, [+]
Kooperatiben mugimenduak euskal nortasunaren sakoneko afektu bat esnatzen du gehienetan. Kontzeptuarekiko gertutasun, harrotasun, lurraldetasun bat. Eta bizirik dabil, kooperatibek gaurkotasun handia irabazi dutelako, ez da iraganeko historiako ekimen euskaldun bat... [+]
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
Horbel kooperatibaren proiektu bati esker, errefuxiatuen kanpamenduetan bizi diren Saharako hamabi haur hartuko dituzte bi hilabetez Goierriko udalerri horretan. Orkli kooperatibaren Orklidea ekimeneko dirulaguntza jaso du proiektuak.
Rescoop.eu federazioko Kontseilu Errektorean sartu da Goiener kooperatiba, eta "lorpen handitzat" jo du ardura berri hori. Iragan maiatzaren 22an Krakovian (Polonian) egindako Energia Komunitarioaren Foruman parte hartu ahal izan dute, eta une inportantea izan... [+]
Bi kooperatibek euren arteko elkarlanean "urrats sendoagoak" emango dituztela iragarri dute, energia eta telekomunikazio sistema "erresiliente" bat sortzeko. Deia egin diete herritarrei Itzali sistema, piztu alternatibak manifestuarekin bat egin dezaten.
Maiatzaren Lehenaren kari, bere gogoeta partekatu nahi izan du Olatukoop Ekonomia Sozial Eraldatzailea sustatzeko sareak. Langileen egunari lotuta, lanaren izaeraren eta zentzuaren inguruko gogoeta egin dute, lan burujabe eta desiragarriak denontzako garatzeak gure bizitzak eta... [+]
Nortasuna Sarean jardunaldien 10. edizioa egingo dute asteazken honetan Donostiako San Telmon, KomunikaziONA bideguruatzean izenburupean. Egungo komunikazio joerak aztertu eta "alternatiba osasuntsuagoak" topatzen saiatuko dira. Hainbat hizlari gonbidatu dituzte, euren... [+]
Gasteizko Eraman kooperatibak banaketa “era jasangarri eta etikoan” eginez bertako komertzioa bultzatzeko helburua du bere sorreratik, Arabako hiriburuan eta hango bizilagunengan pentsatuta. Hainbat ekimenetan parte hartzen du, horien artean ikasturte honetan egiten... [+]
Gure lurraldeetan eta bizitzetan sortzen diren behar, desio eta ekimenen inguruan gero eta gehiago entzuten dugu harreman eta proiektu publiko-komunitarioak landu beharraz, eta pozgarria da benetan, merkaturik gabeko gizarte antolaketarako ezinbesteko eredua baita. Baina... [+]
Badira 12 urte Ipar Euskal Herrian Euskoa martxan dela, Euskal Monetak sustatu eta sortua, tokiko ekonomia indartzeko, zirkuitu laburrak bultzatzeko eta euskararen erabilera sustatzeko.
Beñat Irasuegi Talaios kooperatibako eta Olatukopeko kideak Oñatin eskainitako hitzaldia, 'Tokiko administrazioa energia trantsizioaren aurrean' izenburupean egindako jardunaldien baitan.
