Joan zen uda

Anjel Lertxundik eta Antton Valverdek sortua da 3 eleak: Lizardi, Lauaxeta, Lete emanaldia.
Anjel Lertxundik eta Antton Valverdek sortua da 3 eleak: Lizardi, Lauaxeta, Lete emanaldia.

Abuztua joango da bere olatu usainarekin, eta airea hasi orduko janzten hozkirriz eta hosto horitzen hasi berriz, zita bat izango duzu poesiarekin Donostian, Victoria Eugenia Clubean. Euskal Idazleen Elkarteak eta Donostiako Udalak antolaturiko Poesia Orduak beti kalitatezkoan programatu dituzte 3 eleak eta Tenpora.

Irailaren 3rako Anjel Lertxundik eta Antton Valverdek sorturiko 3 eleak: Lizardi, Lauaxeta, Lete emanaldia dago iragarrita. Hari musikal bat izango da, euskal literatura zeharkatzen duena, XX. mendeko hiru idazle handirekin. Valverdek sobran daki Lizardi eta Lauaxetaz. Esango nuke, neurri handi batean, bere ahotsean ezagutu ditugula. Eta gainera Leterekin pilotara jokatu zuen Oiartzun gris hartan, eta bertso zaharrak musikatu zituzten batera. Lertxundik poema bakoitza aurkeztuko digu, kokatu, ulertzen lagundu.

Irailaren 4an, ostera, Tenpora (zaldiak, denbora) dator, Harkaitz Cano eta Karlos Linazasororen hitzekin eta Hasier Oleaga (bateria), Itsaso Etxebeste (baxua), Juantxo Zeberio Etxetxipia (teklatuak) eta Elene Arandiaren (ahotsa) laguntzarekin. Gugandik bihozkada batera errezitatuko ei dute poetek, jo musikariek: “Denbora eta eguraldia, musika eta hitza, baraua eta oturuntza, guk zuretzat prestatu dugun tempo xamur xume bat, une batez barrurago bizi zaitezen, zeuk daramazun jainko ttikiaren baitan”. Denen artean soinu bat bilatu eta horixe aurkitzea izan da euren erronka, “hementxe, zugandik bihozkada batera.


Kanal honetatik interesatuko zaizu: Euskal literatura
Otsoa dator!

Gizakiak istorio kontatzaileak gara, hainbeste, ezen esan ere egin daitekeen narrazio gaitasuna dela gizaki egiten gaituen ezaugarrietako bat. Kontakizunak behar beharrezkoak zaizkigu geure burua eta errealitatea eraikitzeko, eta bereziki aipatzekoa da ipuin klasikoek horretan... [+]


Uxue Alberdi. Hamarkada bi idazten (I)
Aulkitik aulkira, euli-giro eta Jenisjoplin, kontrako eztarritik dendaostera

Uxue Alberdiren lanari begira jarriko gara oraingoan. Lehenengo artikulu honetan helduentzako idatzi dituen ipuinak, eleberriak, saiakera eta kronika hartuko ditugu kontuan. Bigarren artikulu batean ilustratutako anekdotez, istorioez, filosofia liburuez eta idatzizko bertsoez... [+]


2024-02-12 | Jakoba Errekondo
Indi gaztainondoaren gerrateak

Zuloan sartuta egotea ez duk txarrena –esan zion Manuk–, txarrena duk ez jakitea noiz aterako haizen, edo inoiz aterako haizen ere. Lander Garroren Gerra Txikia nobelan, non gerra bateko iheslarien gorabeherak azaltzen dituen, pertsonaien artean, Anna Frank dakarte... [+]


2024-02-06 | Estitxu Eizagirre
Gorka Setien idazlea hil da

Gorka Setien Berakoetxea poemagile hernaniarra hil da otsailaren 4tik 5erako gauean. Bost liburu idatzi zituen, irrati libreetako ahotsa izan zen eta gozo entzuten eta zaintzen zekien. 2019an autoedizioan argitaratu zuen bere poema liburu berriena, Naufragoen altzoa.


Eguneraketa berriak daude