Bere kabuz disfrutatzen dakiena

  • Puto amoak matematiketan::5!

    Autoekoizpena, 2013


Ermua ez da Gipuzkoa, baina ezta Bizkaia ere, esango nuke. Luzaroan heavyen herria zela esan bada ere, ez da apenas heavyrik aurkitzen. Agian, asko jota, disko honek gordeta duen palindromoen pista satanikoa da horren arrasto bakarra. Izan ere, Puto Amoak Matematiketan edo PAM taldea osatzen duten lagunek ez dute konfesatzeko –ezta ezkutatzeko– moduko iragan heavyrik. Inongo mugako herri horretan halako zeresana izan zuten Julio Kageta, Kubanakhan, The Pepe´s eta Dantzut taldeetan ibilitakoak dira hauek. Eta, gerora, aspaldi Puto Amoak Matematiketan sortu zuten, rockaren eta matematiken arteko ezinezko ezkontza gauzatuz… A ze erronka! Zer aspergarria den rocka, eta zenbat duten deskubritzeko matematikek…
Luzaroan lozorroan egon ohi da eta tarteka kantuak sortzearen aitzakiaz berpizten da zenbakien itsas-piztia hau. Oraingoan ere zenbakiek, palindromoek eta puzzleek liluratuta, etorri dira (h)onera. Eta ni liluratzen nau jakiteak oraindik taldeaz, musika egiteaz eta horren guztiaren inguruko gauza txiki-handiez hainbeste disfrutatzen duten taldeak badirela jakiteak. Hala ere, beraiei bost beste guztia. Bost faktoriala! Seguruenik horregatik, beraien bosgarren lan luzea bi kantuz osatutako binilo singleari itsatsita jarri dute eskuragarri CD formatuan. Taldeak badu beste ezaugarri bat niretzat oso deigarria dena eta bere alde nabarmen egiten duena: Euskal Herriko talde gehienen kontran, hemen taldekide guztiek abesten dute. Txalotzekoa!
Matematiketan Puto Amoak direla aspaldi erakutsi ziguten eta zenbakien arima jendartean erakusteko egindako bide luze eta dibertigarri honetan orain arteko lan interesgarriena osatu dute. Lokalean urtebetez idatzi, jolastu, sortu eta moztu-itsatsiz puzzle ederra sortu dute, iraganeko euskal taldeen usaina, pop-rockaren erabateko errebindikazioa, intentsitatearen joko ia amaigabea eta askatasuna barra-barra dariona.
Egiazko hitz existentzialista hauek janzteko tonaka disko entzuten dituzten lau lagunok askatasun osoz jokatu dute, eta gorputzak eskatzen zielako omendu dituzte oharkabean (nire ustean) Itoiz, Ama Say, Julio Kageta bera, Political Asylum, Fugazi, Münsterland zein Safety Pins, beste askoren artean. Rockaren baitako estiloen paleta ia osoa igaro baitute lan hau egiteko. Gainera, Carlos Balseirok eta Markos Gimenok espresuki abesteko dituzten estilo bereizgarriek emaitza gehiago aberastu dute. Pablo Cabeza hilezkorrak Anger taldeari buruz orain gutxi aipatutakoaren hein berean, Puto Amoak Matematiketan gaur egun dagoen talde-uholdeen artean galduta jendeak deskubrituko ez duen beste altxorretako bat da. Baina haiei horrek ez die axola.

Kanal honetatik interesatuko zaizu: Diskoak
2022-11-27 | Iker Barandiaran
Bizi(g)arria

Harritu nau –zentzu onean– proiektu berri honek. Adiera edo zentzu asko ditu hitzak eta Bergaran Aitor Aldanondok harri baten inguruan sortutako honek baditu hainbat. Urteetan hartutakoa –bizitakoa– nolabait atera nahi izan du lan honetan.

Ibilbide... [+]


2022-11-20 | Xalba Ramirez
Zintzo izatearen fantasia

Eñaut Elorrietaren inguruko dokumental bat egin zutela-eta, Tabakalerara gonbidatu ninduten orain bizpahiru aste. Gustuz hartu nuen lagunarteko estreinaldirako gonbita, baina zinema aretora hurbiltzean jende asko hasi nintzen topatzen; hor Paul eta Itziar, hor Sarri, hor... [+]


2022-11-06 | Iker Barandiaran
Katuek baino ertz gehiago

Batzuetan elementu asko elkartu behar dira aurreikusi ez duzun emaitza bat ateratzeko. Hori gertatu da nolabait Gernika eta Bermeo artean sortutako Feline taldearekin. Primeros Auxilios punk taldeko Iñaki Baini-k etxean elektronikarekin jolasteari ekin eta maketa batzuk... [+]


2022-10-30 | Xalba Ramirez
Gustuko lautadan nekerik ez

"Hemen, errebelazio bat bezala, espazioa eta denbora argiago ikusten dira". Miren Narbaiza bueltan da berriz, eta eskerrak. Eszenak eman duen kantugilerik berezienetako bat da Narbaiza. Kanta berriak nola gobernatzen dituen ikustea besterik ez dago.

Zeren, sortzaile... [+]


2022-10-16 | Iker Barandiaran
Bi altxor eta sorleku bakarra: Buenawixta

Asko poztu nintzen Artza anaiek diskoetxe berria abiaraztearekin bat Barrakos-en maketa –non erosiko nuen, Boga tabernan?– berreskuratu eta biniloan ateratzeko asmoa zutela jakitean. Izan ere, aipatutako maketa –1990koa– gure musika historian oharkabean... [+]


Eguneraketa berriak daude