aurre egingo dieten hedabide independenteak
Vendettakoek oso argi daukate zer egin nahi duten eta nola egin nahi duten. Bizitasun eta grina handiz aritzen dira, eta bihotzez jotzen dutela nabarmena da. Hala, urratsez urrats, taldea beti aurrera doa, etengabe, energia eta freskotasuna galdu gabe, eta erritmoak, melodiak eta mezuak ongi landuta.
Jaiak eta aldarriak bat egiten dute Vendettaren kantuetan. Oso modu atseginean transmititzen dute hori guztia, eta haien erritmoek, melodiek, mezuek eta alaitasunak erraz harrapatzen gaituzte. Musikari handiak dira, eta gainera, aipagarria da taldekideek erakusten duten umorea, txantxa egiteko gogoa, etorria, gatza eta piperra.
Ska estiloa oinarritzat hartuta, rockaren, reggaearen eta Karibeko beste hainbat doinuren ukituak sumatzen ahal dira haien kantuetan. Hitzetan, besteak beste, mundu eta bizimodu zikin honetan ikus daitezkeen kaleko istorio gazi-gozo batzuk kontatzen dituzte. Kritika, salaketa eta aldarria egiten dute, modu zuzenean, umorez edo ironiaz, baina “ikuspuntu positibo batetik”, haiek esaten duten bezala. Hau da, irribarrea aurpegitik kendu gabe, eta dantza egitera animatuz.
Luisillo Kalandraka (baxua, kontrabaxua eta ahotsa), Javier Etxeberria (gitarra eta ahotsa), Ruben Anton (tronpeta eta ahotsa) eta Enrikko Rubiños (bateria eta perkusioa) Skalariak taldean aritzen ziren, eta 2009. urtearen hasieran, Pello Reparazekin (tronboia eta ahotsa), Vendetta taldea osatu zuten.
Urteotan, taldeak oihartzun handia lortu du. Hiru disko kaleratu ditu eta ehunka jendaurreko emanaldi egin ditu, han eta hemen. Euskal Herrian ez ezik, Europan barrena hainbat bira egin dituzte —Suitzan, Alemanian eta Ingalaterran jo dute, besteak beste— eta Saharako errefuxiatuen kanpamentuetan ere jo izan dute.
Grabatu zituzten lehenengo kantuak Aurtengo gorakada 10 bildumara eta beste bilduma batzuetara bildu zituzten, Vendetta (2009) lehenengo diskoa kaleratu aurretik. Ska estiloa ardatz nagusia izanik, rockaren eta Karibeko beste hainbat doinuren aireak sumatzen ahal dira disko horretako kantuetan.
Puro Infierno (2011) izan zen hurrengo diskoa eta urrats bat aurrera egin zuten. Ska estiloak oinarria izaten jarraitzen du, baina beste erritmo batzuk ere jorratzen dituzte. Disko horren bitartez taldea sendotu egin zen, eta Begietara Begira eta Buonasera kantuak, esaterako, aski ezagun bihurtu dira jadanik. Taldearen emanaldietara jende ugari joaten hasi zen ordutik, gazteak eta ez hain gazteak.
Azkenik iragan urte amaieran plazaratu duten Fuimos, somos y seremos diskoarekin, taldeak beste urrats bat eman du aurrera. Skaren enborretik abiatuta, rockaren, reggaeren eta beste zenbait musika estiloren adar batzuk jorratu dituzte. Ziur naiz taldearen zale kopurua areagotu egingo dela disko honen bitartez. Disko osoa baita, gorabeherarik gabekoa, eta intentsitate aldetik goian dago hasieratik amaierara arte. Diskoaren lehenengo kantua entzuten hasi, eta konturatu orduko diskoa amaitu egin da, disko osoa erraz entzuten baita. Kantu politak dira, oso gustura entzuten ditugunak.
Iker Piedrafita ekoizlearen lana azpimarratzeko modukoa da, ekoizpena itzela baita. Ahotsak eta gainerako musika tresnak ondo landuak daude, baita kantuen moldaketak ere, eta soinua trinkoa eta indartsua da. Taldekideekin batera, hainbat kolaboratzaile aritu dira grabazio saioetan: Selva Baron (ahotsa), Dani Velasco (biolina), Maria Fernandez (biola), Elorri Arkotxa (txeloa) eta Iker Piedrafita bera (teklatua eta ahotsa). Denen artean lan borobila osatu dute, disko eder bat.
Atsegin handiz entzuten ditugu Vendettaren diskoak, eta pozik joaten gara haien emanaldietara. Jakin badakigulako ederki pasatuko dugula, eta irribarrea aurpegitik kendu gabe dantza batean egongo garela. Vendettaren kantuek bizipoza eta bizitzeko indarra transmititzen baitigute.
Aldundiak aurtengo Gipuzkoako Urrezko Domina emango dio abenduan Lourdes Iriondo Mujikari (Donostia, 1937-Urnieta, 2005) bere heriotzaren 20. urteurrenean. Aintzatespen horrekin, euskaren biziberritzean eta euskal kulturaren suspertzean Iriondok egindako “lan mamitsu eta... [+]
Etxea
Nhil
Autoekoizpena, 2025
------------------------------------------------------------
Etxea du izena Nhil taldearen hirugarren diskoak. Taldekideek azaldu dutenez, “etxea” baita taldea haientzat, eta entzulearentzat ere hala izatea nahi dute. Zazpi... [+]
'GUREA KULTURA' JAIALDIA
Taldea: Sal del Coche
Non: Zestoan
Noiz: Irailaren 7an
--------------------------------------------------------
Kronika hau egitera Donostiara joan behar nuen, baina sarrerak garestiegiak iruditu zitzaizkidan behinola zezenketak... [+]
RTVE irrati-telebista kate espainiarreko Administrazio Kontseiluak astearte honetan onartu du erabakia. Jaialdiaren antolaketan pisu handia duen “Big Five” deituriko herrialdeen artean, Espainia da lehena iragarri duena Eurovision utziko duela Israelek parte hartuz... [+]
Badut lagun bat pop-aren bueltan Euskal Herrian emakume eta gazteek martxan jartzen dituzten proiektu berriei erreparatzen diona. Hark ezagutarazi dit onomatopeiadun talde bizkaitar hau. Hiruzpalau kantu sarean, eta uda ostean lan luzeago bat kaleratzeko asmoa.
KAK! taldea... [+]
Guztiok entzun nahi dugu musika: asko, merke, euskaraz eta gaizki sentitu gabe. Baina Spotify utziko badugu Israelen konplize izateagatik, agian beste enpresa eta tresnen inguruan ere hausnartu beharko dugu. Edo gure morala kontratatzen ditugun zerbitzuen arabera neurtzen hasiko... [+]
Xak eta Ekiza
Non: Ondargain txiringitoan (Deba)
Noiz: abuztuaren 27an.
-------------------------------------------------------
Euri langarraren eta lanbro-lainoen artean pasatu dugu Gipuzkoako muga, kostaldean zehar doan errepidetik itsaso zakarrari beha. Bandera... [+]
Les Concert des nations, La Capella nacional de Catalunya orkestra sinfonikoa
Zuzendaria: Jordi Savall
Abesbatzen prestaketa: Lluís vilamajó
Egitaraua: Mendelssohnen lanak
Non: Kursaal auditorioan (Donostiako Musika Hamabostaldia)
Noiz: abuztuaren... [+]
Fitxa: Musika Hamabostaldia. Kursaal Zikloa. Gewandhausorchester Leipzig.
Zuzendaria: Andris Nelsons. Donostiako Orfeoia.
Koru zuzendaria: Esteban Urzelai.
Bakarlariak: Julia Kleiter (sopranoa), Christian Gerhaher (baritonoa).
Egitaraua: Mendelssohn eta Brahmsen lanak.
Fitxa: Musika Hamabostaldia. Gewandhausorchester Leipzig.
Zuzendaria: Andris Nelsons.
Bakarlaria: Isabelle Faust (biolina).
Egitaraua: Pärt, Dvorak eta Sibeliusen lanak.
Lekua: Kursaal Auditorioa.
Data: abuztuaren... [+]
Bilboko Udalak ostegunean adierazi du Abandoibarrako kontzertua bertan behera geratu eta gero, Plaza Biribileko agertokia eskaini ziela hiru artistei, baina ezezkoa eman zutela. Abeslariek bertsio hori ukatu eta zehaztu dute: bakarrik Kai Nakari eskaini zioten.
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Fitxa: Musika Hamabostaldia. Kursaal Zikloa. Le Concert des Nations. La capella Nacional de Catalunya.
Zuzendaria: Jordi Savall.
Abesbatzaren prestaketa: Lluís Vilamajó.
Egitaraua: Mendelssohnen lanak.
Lekua: Kursaal Auditorioa.
Data: abuztuaren... [+]
Fitxa: Musika Hamabostaldia. Kursaal Zikloa. Espainiako Orkestra Nazionala.
Zuzendaria: David Afkham.
Egitaraua: Wagnerren ‘Der Ring ohne Worte’ (Lorin Maazelen moldaketa). Lekua: Kursaal Auditorioa.
Data: abuztuaren 22a.
---------------------------
Oraingo... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
