Aurtengo maiatzean Ouya izeneko kontsola merkaturatzeko asmoa dute. Internautek finantzatutako makina izango da, eta jolasak saretik doan eskuratzea egongo da.

2012ko uztailean, egitasmoen finantzaziorako Kickstarter gunean, Julie Uhrman Ouyaren sortzaileak ideia aurkeztu eta 950.000 dolar behar zituztela adierazi zuen. 24 ordu eskasetan 2,5 milioi bildu zituzten. Azkenean, 8,5 milioi guztira.

Android sisteman arituko den kontsola Rubik kuboaren tamainakoa izango da. Ouya zerbitzarietara konektatuko da eta emaitza etxeko telebistako monitorean ikusiko da, streaming bidezko bideoa izango bailitzan; beraz, Interneteko konexio azkarra beharko da sistema ongi aritzeko. Jolasak egun PCetan erabiltzen den “Free to Play” motakoak izango dira, hau da, oinarrizko jolasa doakoa izango da eta pertsonaia edo ezaugarri erantsiak baino ez dira ordainduko.

Kontsola jada salgai dago eta Internet bidez erreserba daiteke 99 dolar ordainduz