Digestio hobeak botikarik erabili gabe

Sabeleko hantura, haizeak edo bihotzerrea biztanleen %40k jasaten dute, Patologia Digestiboko Elkartearen iritziz. Molestia horiek direla-eta medikuari kontsultatu gabe antiazidoetara jotzea ez da batere konponbide ona, botika horien abusuak eragin sekundarioak edo albo-ondorioak ekar ditzake eta.

Urdaileko molestiak gogor samarrak baldin badira, onena espezialista batengana joatea izango da, noski, horren atzean egon daitezkeen arazo larriak baztertzeko. Baina, edonola, molestia horiek arintzen hasteko jan-neurri egokia egitea eta aztura osasungarriak jarraitzea baino bide hoberik ez dago.

Ohitura egokiak

- Murriztu gantzak eta gatza, eta erabili espeziak otorduak maneatzeko. Gantz edo koipeak digeritzeko astun samarrak izaten dira, eta gatzak idorreria eragiten du. Kanela, jengibrea, currya edo kuminoa bezalako espeziek, aldiz, astuntasuna eta hantura arintzen dituzte.

- Har itzazu hogei bat minutu otordu bakoitza egiteko, baina ondo murtxikatuz beti. Azkar eta urduritasunez jatea da sabelean haizeak sortzeko arrazoi nagusia.

- Masaje arinak sabelean bost minutuz, otordu nagusien ostean. Era horretan, digestioa eta hesteen hustuketa erraztuko dira, eta zure libratzeko azturek ere hobera egingo dute.

- Saia zaitez arnasketak zure sabela ere mobiliza edo mugi dezan. Horrela oxigeno gehiago iritsiko da urdailera, eta hobeto egingo du lan.
 
- Yogak digestio-aparatura doan odol-kopurua gehitzen du, eta horrek digestioa bizkortu eta erraztuko du.

Bihotzerrea arintzeko aholkuak

Otorduak

Janari minak, otordu oparoek eta koipeek errefluxua, eta horrekin bihotzerrea, eragin dezakete.

- Zuntz gehiago hartzeak, eta gisatuei landare digestiboak (ezkaia, erromeroa,…) gehitzeak bihotzerrea saihesten laguntzen du.

Edariak

Baztertu edari gasdunak, alkohola edo kafeina dutenak.

- Kamamila bezalako infusioek bihotzerrea arintzen dute zenbait kasutan.

Txikle apur bat

Otorduen ostean batez ere.

- Zure listu-jarioa bikoiztu egingo duzu horrela. Eta listua ezinbestekoa da janarien azidoak neutralizatu eta hestegorrira pasatzen laguntzeko.

Lotarakoan

Utzi ordu batzuk afariaren eta oheratzeko orduaren artean.

- Lo zauden bitartean bihotzerrea sentitzen baduzu, altxa gehixeago burua burko pare bat erabiliz, eta etzan zaitez zure ezkerreko alboaren gainean.


Kanal honetatik interesatuko zaizu: Medikuntza
Eskola nola bihurtu espazio psikologiko seguru

Haur eta gazteen egoera emozional eta psikologiko txarra dela-eta, irakasleak gaindituta daudela eta ikastetxe bakoitzean psikologo bat ezarri beharko litzatekeela aldarrikatzen du mugimendu batek. Hari horri tiraka, jakin nahi izan dugu zein den pandemiak eskoletan utzi duen... [+]


Biolentzia psikiatrikoa salatuko dute Bilbon, Espainiako Estatu osoko Harro Zoro Erradikalek

EAEk du elektroshockaren praktika tasarik altuena Espainiako Estatuan; Nafarroan berriz, pazienteen euste mekanikoa ohikoa da ospitale psikiatrikoko unitateetan. Psikiatrikoetako indarkeria eta gehiegizko medikazioa salatzeko, Estatuko Harro Zoro Erradikalen manifestazioa Bilbon... [+]


Psikologo gutxiago indarkeria matxisten biktimak artatzeko

Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.


Eguneraketa berriak daude