Tobin tasa berriz ere egunkarietan. Gobernuek, Tobin tasa edo Finantza Transakzioen Tasa (FTT) ezarriko dutela eta krisia arintzeko erabiliko dutela sinetsarazi nahi digute. Nazioarteko goi-bileretan aspalditik ari dira zerga horretaz hitz egiten, baina beti atzeratzen da ezarpena. Hala ere, kontuan eduki behar da James Tobin, 1971n Bakearen Nobel sariduna eta zergaren sustatzailea, ez dela Emilio Botín, ezta Francisco González ere, Banco Santander eta BBVAko presidenteak, hurrenez hurren. Tobinek kapital fluxua kargatu nahi zuen, prozesua mantsotzeko, gutxiago espekulatzeko, eta trukerako neurriek hainbesteko fluktuaziorik ez izateko. Orain proposatzen den zergak transakzio gordinak kargatu nahi ditu, edozein konpentsazioren aurretik, eta finantza transakzioetan jartzen du arreta. Proposatutako zerga-neurriak %0,1 dira akzio eta bonuentzat, eta %0,01ekoak produktu eratorrientzat. Europar Batasunak, aldiz, aukera justuena eta sozialena alboratu du: Finantza Aktibitateen Tasa (FAT). Zerga honek finantza sektorearen balio erantsia kargatzea du helburu –etekinak eta soldatak gehitzean lortzen den kopurua, bankuetako zuzendariei eta funtsen kudeatzaileei ematen zaizkien bonuak barne–.
Beldurra zabaltzen ari da, lasai asko gerta baitaiteke zergaren karga fiskalak bezeroei eragitea, zeharka bada ere, komisioen bidez, esaterako. Zeinek kontrolatzen du hori? Sharo Bowles eragin handiko europarlamentariak esan du FTTak, bozkatua izan den gisan, antza gehiago duela Nottinghameko sheriffarekin Robin Hoodekin baino. Gehiago bilduko dela segurua da, baina sinetsarazi nahi izatea bankuek eta espekulatzaileek kostu hori bere egingo dutela, engainatzea da. Botín eta González ez dira Tobin. Bistan da.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Bi alderdiek azaldu dutenez "elkarrizketak" abiatu dituzte zerga sistemaren inguruko erreforma egiteko. Helburuetako bat "progresibitatea handitzea" izango dela diote, baina prozesua udal eta foru hauteskundeen ondoren amaituko dela ohartarazi dute.