Amorrua dotoreziaz

  • Front Malabar :: Front Malabar

    Autoekoizpena

    Iraupena :: 18´13´´

    12.20 euro.

Talde gazte hau osatzen duten hiru musikariak Gipuzkoa eta Bizkaiko herri desberdinetakoak dira eta Internet bidez izan zuten elkarren berri. Bachelors, Malaña, Kumulo de Limbo eta beste hainbat taldetan aritutakoak dira. Iraganeko eta gaur egungo doinuak batuta, musika indartsua eta iluna egiteko nahiaz elkartu ziren, barrenak husteko asmoz. Ingelesez abestutako sei pieza hauetan Detroiteko high-energya oso presente dago, baita punk-rocka eta psikodelia, fuzz eta guzti. Punk-rockaren amorrua dute, baina bestelako dotorezia eta ukituarekin; bada Los Clavos gogoratzen duen kantarik, baina antzeman daitezkeen eraginak zabalagoak dira. Hala ere, kantak zuzenak dira, tontokeriarik gabekoak, helburu jakina dutenak: amorru sofistikatua eta iluntasun kutsua.
Joxema Cabezas eta Borja Sabas - Front Malabar
«Hirukote izanda, indarra transmititzeko motibazioa asko landu behar dira»

Zer esanahi dauka Front Malabar izenak ?

Joxema Cabezas: George Orwellen 1984 liburutik hartu nuen. Liburu horretan gazteak Malabar frontera bidaltzen zituzten, biztanleria telebista bidez kontrolatzeko. Bizi ditugun garaietatik hurbil dago. Lokalera eraman eta aukeratu genuen.

Power hirukotea da zuen ustez formatu egokiena?

J. Cabezas: Formatu zuzenena da, baina seguruenik baita gehien landu behar dena ere. Ez da erraza hiru bakarrik izanda behar beste indar transmititzea, baina trikimailua da intentsitatea eta jotzeko motibazioa ondo lantzea. Nahi genuen soinua lortu dugu eta ez dugu beste inor behar, oso gustura gaude horrela.

Iraganeko kutsua duen eta aldi berean indartsua den emaitzaren bila aritu zarete?

Borja Sabas: Ez dugu aldez aurretik ezer erabaki. Hiru instrumentuak indartsuak izatea gustuko dut, eta aurretik melodia batzuk aterata nituen. Hiruron arteko batuketa izan da lortu duguna.

J. Cabezas: Hirurok musika indartsua gustuko dugu. Aitorrek Detroiteko musika maite du eta guri ezagutarazi digu. Gerora, The Stooges, The Who, The Ettes, The White Stripes eta Wolfmother moduko taldeekin bat egiten dugula konturatu ginen.

Psikodelia dagoeneko ia ahaztutako estiloa da; zuen kantetan, berriz, hor dago ahotsen trataeran.

B. Sabas: Bai. Baliteke psikodelia pixka bat egotea. Nire ahotsa ez zait asko gustatzen eta efektu bat sartu nion; emaitza ona dela uste dugu. Nik psikodelia baino gehiago, ostia txarra, sentimendua eta itsaskorrak diren kantak direla uste dut.

Diskoaren azalak erakusten du gaur egun miseriak ere ikuskizun bihurtu ditugula.

J. Cabezas: Bai, gainera, uneoro esaten digute beharra ez izan arren kontsumitu behar dugula; berdin dio herrialde txiroei egiten diegun mina. Zorionez, gero eta jende gehiago iratzartzen ari da eta gauzak aldatzen saiatzen da, autokudeaketa eta elkartasuna moduko baloreak indartuz.


Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude