“Abortu bat ez da frakaso bat, alderantziz”

Luis Elberdin
Luis ElberdinDani Blanco
Bere lanean sinesten duenak ez du esaten duena sinestarazteko lanik.

Esadazu sexologoei hainbeste gustatzen zaizuen egia borobil eta progre horietako bat.


Sexu harremanetan zer gertatu behar den eta zer sentitu behar dugun inposatzen digun gizarte eredu batean bizi garenez, gidoi hori betetzen dugun marionetak baino ez gara.

Berriz ere sistemaren errua!?


Gobernua ez dago ohean, baina sistema bai. Auto-istripu bat dugularik errua besteari egoztea da joera naturala, baina sexuan ez. Zalantzan eredua jarri beharrean gure burua jartzen dugu.

Aizu, oraindik alarde mistoak onartzen ez diren herri batean bizi gara, e.


Bai, baina gaur egun emakumea da ohe gainean baldintzak jartzen dituena, eta hala behar du. Gizonezkook inposatutako lau muxu, bi laztan, sartzea, eta segundo berean korritzearen ereduak ez dauka zerikusirik anatomiarekin.

Ez da izango...


Gauza bat da bizi-proiektu baten baitan emakumeek gurekin intimitatea konpartitu nahi izatea, baina hori bezain egia da ez gaituztela ezertarako behar. Ez da kasualitatea banatzeko erabakia gehien-gehienetan emakumeak hartzea.

Ez da erraza XXI. mendeko gizona izatea!


Bukatu da gizonezkoak kontsultara, John Wayne saloon-era nola, armairu bat bezain harro sartzen ziren garaia. Orain oso xume, oso umil datoz, akojonatuta, eta bikotekidearen plazerarekin oso kezkatuta.

Eskolak bere lana egin balu, agian...


Denak gaude sexu-heziketaren garrantziarekin ados, baina gero... Ez dago azalekoaz haragoko ezer egiteko borondate politikorik. Sexuak ez du botorik ematen, nonbait.

Nola ezetz? Ez al dira abortuaren legea prestatzen ari?


25 urte geroago iraungita jaio zen lege bati adabakia jartzen ari dira. Zer egingo duten? Orain 25 urte Frantziar Estatuan zegoen legedia martxan jarri. Alegia, hamalaugarren astera arte abortua baimendu eta hortik aurrera turismo sexuala, Holandara edo Denverrera, abortatzera.

Zer dira, frantsesak oso aurrerakoiak ala espainolak oso atzerakoiak?


Gaur egun, Espainiako Estatuan, emakume batek haurdunaldia eten ahal izateko erdi erotuta edo senetik irtenda dagoela onartu behar duela esaten badizut, zer uste duzu?

Jendeak larrua jo eta gero irakurtzen duela zuek zabaldutako informazioa!


Tabako paketeetan erretzeak hiltzen duela jartzen du baina jendeak berdin-berdin erretzen du, ezta? Nahigabeko abortuak beti existitu eta existituko dira, baina abortu bat ez da frakaso bat, alderantziz.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude