Joankin eta etorkin

Bidaiariak dira bai, haziak. Bidaiatzea aisiarekin eta plazerarekin uztartzen baditugu, bidaiariak ez, joankin eta etorkin baizik. Sail berriak kolonizatu behar horretan, batzuk joan eta beste batzuk etortzeko garraiobide anitz darabilte landareek fruitu artean.
Palmondoa hedatzen laguntzen duen aingira elektrikoa bezala, animalia ugari da asko uste gabeko garraiolari merke. Animaliok honela erabiltzen dituzten landareek fruta ikusgarriak, gozoak edota usaintsuak hazten dituzte. Arreta handirik gabe erreparatuta ere, erraz antzemateko moduko frutak. Itsuenak ere sudurrez adituko ditu. Eta gozoak, zalantza izpirik gabe hozkaka edo mokoka ekiteko modukoak. Gero kaketan edo zirinetan bilduta han hemen utziko ditugu fruta barruan ziren haziak. Ernatzen direnerako bakoitza bere simaur dosi politarekin.

Animalia eta landarea elkarren premian bizi dira eta batera eboluzionatzerainoko hartu eta emana gara ditzakete. Mutualismoa esaten zaio ezkontza horri. Espainiako Doñana Parke Naturalean ari den Pedro Jordano ikertzailea, baso naturalen berreskurapenean landare eta animalia mutualistek duten garrantzia aztertzen ari da buru-belarri. Science aldizkariak jaso berria du AEBetako Zientzia Akademiaren hedabidean agertutako haren lanaren emaitzetako bat. Atzerabide larrian diren Prunus mahaleb, oilaranak, ikuskatu ditu eta DNAri segika landare bakoitzaren ama nor den jakitera iritsi da. Harrigarria bada ere, amarengandik hamazazpi kilometrora ernatu diren hazietatik sortutako oilaranak topatu ditu. Azeria, lepazuria, garraztarroa edo dena delako fruitu-jale handiren baten aho-mokotik uzkirainoko metro gutxi batzuetako bidea hamazazpi kilometrotan barrena egin ditu oilaranaren hezurrak.

Masusta janaldi bikaina eginda Boston aldera abiatuko naiz ni bihar.

Azkenak
Ukrainak Europar Batasuneko armamentuarekin Errusiako lurraldeari eraso egitea babestu du Borrellek

Borrellen hitzak azken asteotako eskalada elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua Errusiako lurraldearen aurka erabiltzeko baimena ematen dioten... [+]


Herriari bizitza ematen dion Zigako eskolak itxi egin beharko du ume faltagatik

Lehen Hezkuntzako adin ezberdinetako zortzi ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume... [+]


2024-05-28 | ARGIA
Hil egin da iragan astean Bergaran zauritutako langilea

Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.


Eguneraketa berriak daude