Haize eta sokazko berokiarekin jantzitako pop-rocka

  • Malenkonia ::Hegazkadak dakar ekaitza

    Autoekoizpena

    iraupena ::47´11´´

    prezioa ::10€

Hegazkadak dakar ekaitza
Hegazkadak dakar ekaitza
Oñatiko taldearen itzulera sorpresa handia izan da askorentzat. Hain zuzen ere, 2006an Danbaka Debagoieneko Musika Lehiaketako finalean lehiatu zirenetik ez genuen haien berririk. Kontua da, seikotea luzaroan lokalean ibili dela kantu berriak eta horien instrumentazioa prestatzen, eta orain bueltan datoz disko eta guzti. Pop-rocka da oñatiarren eremua eta dotorea gainera. Hala, ohiko gitarra, baxu eta bateriaz gain, teklatuak, biolina, saxoa eta tronpeta ere erabiltzen dituzte. Melodiaz eta –jakina– malenkoniaz bustitako piezetan, lelo itsaskorrez gain, pasarte orkestralak, folk ukitua, mugaldeko kutsua eta intentsitate-jokoak aurki ditzakegu. Hitzei dagokienez, euskaraz idatzitako testuetan gauza xumeen eta sentimenduen gaineko ardura eta hausnarketa jasotzen dira, besteak beste.
Malenkonia
Taldeak hiltze prozesu moduko bat jasan du, berriro ere indarberrituta jaiotzeko

Zer nahiko zenukete lortu zuen “hegazkadekin”?


Abestiak entzutean oroitzapenen bat burura ekarri, zerbaiten inguruan gogoeta egin, amets egitera ausartu... Hartzailaren belarrietan eta buruan “zerbait” hori sortu nahi dugu.

“Jaiotzeraino hil”?


Bai, bizitza hala da, bi muturren arteko talka, norgehiagoka. Jaio egiten gara hiltzeko, eta hil berriro jaiotzeko. Gure taldeak ere hiltze prozesu moduko bat jasan du, berriro ere indarberrituta jaiotzeko.

Melodiak gauza txikia eta xumea izan behar du?


Entzuteko erraztasuna izan behar du. Jendearengana iristea du helburu musikak, entzulearengan zerbait sorrarazi, sentimendu bat askatu... Eta melodiak, gurean, bere xume eta txikitasunean, berebiziko pisua du.

Harrizko gau luzea. Zer pasa zen Danbakako finalaren ostean, hainbeste denbora isilpean egoteko?


Finalera iristeak taldeari bultzada nabarmena eman zion, Malenkonia jendearen belarrietara iritsi eta kontzertu batzuk lortu genituen. Hala ere, lehiaketa amaitu zenetik gure nahia estudioan sartu eta iraupen luzeko lan bat egitea zen. Lana konstante egin dugu, kanta zaharrak hobetu, eta berriak konposatu.

Zuen kasuan erredundantzia dirudi, baina abestiek beti dute malenkonia kutsua. Helburu hori daukazue?


Ez da helburua, baina gure berezitasun bat delakoan gaude, gustatzen zaigun musika, eta egiten saiatzen garenaren ezaugarrietako bat da, nortasuna ematen dio. Lehen malenkoniatsuagoak ziren, orain kantek alaiagoak dirudite, baina badira nostalgiari eta tristurari abesten dizkiegunak ere.

“Begiradak ere dira harrizkoak”. Oñatin eta Debagoienean, pop-rocka egiten duen ia talde bakarra zarete.


Bai, eta ez dakigu zergatik, nahiz eta talde askorekin ondo konpondu. Antzeko musika egiten duten talde gehiago egotea nahiko genuke, baina musikari bakoitzak bihotzak edo buruak dion lekura jotzen du.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude