Txosnak Euskal Herriko ondare inmaterial izendatzeko sinadura bilketa bat abiatu dute
Euskal Herriko hainbat txosna eta jai batzordek deituta, elkarretaratzea egin dute larunbatean Bilboko Miribilla auzoan. Azpimarratu dute txosnak ez direla "edariak zerbitzatzeko barra hutsak", jai herrikoien "bihotza" baizik. Horregatik, Txosnak. Gureak, denonak dinamika aurkeztu dute.
Duela bizpahiru aste eginiko prentsaurrekoan, Bilboko, Gasteizko eta Donostiako herri jaietako ordezkariek ohartarazi zuten txosnak "arriskuan" zeudela, eta espazio publikoa erabiltzeko bidean geroz eta oztopo gehiago jartzen dizkietela. Horregatik, Euskal Herriko hainbat txosna eta jai batzordek deituta, elkarretaratzea egin zuten larunbatean Bilboko Miribilla auzoan, eta Txosnak. Gureak, denonak dinamika aurkeztu: txosnek etorkizuna bermatuta izan dezaten eta "jai eredu herrikoia" mantentzeko asmoz, sinadura bilketa bat abian jarri dute txosnak Euskal Herriko ondare inmaterial izendatzeko.
Nagore Ugartek eta Iker Martinek irakurritako adierazpenean, azpimarratu dute txosnak ez direla "edariak zerbitzatzeko barra hutsak": "Jai herrikoien bihotza, elkartzeko eta elkar zaintzeko guneak, herriak bere nortasuna ospatzen duen lekua; tresna politiko, sozial eta kulturalak dira". Gogorarazi dute txosnek "jende askoren borondatezko lanarekin" jarduten dutela, eta "gune ireki, parte hartzaile eta herrikoiak" sortzen direla horietan. Horregatik, agerraldian adierazi dute "ezinbestekoa" dela txosnak babestea, "festa soila" baino gehiago baitira.
Euskal Herriko 700 txosnak eta 200 jai batzordek baino gehiagok bat egin dute dinamikarekin, eta herritarrak bi modutan atxiki ahal daitezke horretara: Euskal Herriko jai guztietan egongo diren sinadura orrien bidez, eta ireki berri duten www.txosnak.eus webgunearen bitartez. "Herriz herri, jairik jai, txosnaz txosna eta kuadrillaz kuadrilla" sinadurak biltzen ariko dira, eta ondoren Eusko Jaurlaritzari helaraziko dizkiote.
Txosnak pribatizatzeko asmoa
Martinek salatu du administrazioek geroz eta oztopo gehiago jartzen dizkietela txosnei. 2020an aurkeztu zuten Ticket Bai fakturazio sistema Eusko Jaurlaritzak eta EAEko Foru Aldundiek. "Ustelkeria" eta "segurtasuna" arrazoi gisa, fakturazio sistema hori aplikatzen zaion pertsona edo elkarte fisiko orok zenbait administrazio kudeaketa egin behar ditu: diru sarreren digitalizazioaz gain, jarduera ekonomikoetan alta ematea –eta baja ondoren, noski– eta zergen aitorpena egitea. Hain zuzen, txosnek "irabazi asmoekin funtzionatzen" dutela argudiatuta, azken urteetan instituzioak Ticket Bai txosnetan aplikatzera behartzen ari dira hiri eta herri ugaritako jai batzordeak.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Bilboko Konpartsen Federazioak 2025eko Aste Nagusirako prestatu duen egitaraua aurkeztu du Arriaga Plazan. Federazioak, konpartsek eta Jai Batzorde Mistoak 600 jarduera baino gehiago prestatu dituzte, "gustu guztientzako ekintzez betetako Aste Nagusiaz gozatzeko".
Gasteizen igandean eginiko agerraldian, Txosnak. Gureak, denonak dinamikako kideek gaitzetsi dute txosnak ez direla enpresen gisara tratatu behar: "Gure ospakizunak edukiz hustu nahi dituztenen kontra, konpromisoaren, aniztasunaren eta autogestioaren alde egiten... [+]
Beste urte batez Los 40 Summer Live jaialdia ospatuko dute Zarautzen, eta horren kontra agertu dira herriko hainbat eragile, haien ustez, garrantzi handiagoa ematen zaiolako ekitaldi horri herriko jaiei baino: "Argi erakusten du gure herrian zeinentzat dauden erraztasunak... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Madalenetan murgilduta gaudela irakurriko duzue askok artikulu hau, bestela ere pentsatu gure etorkizuneko egunerokoan, jai giro herrikoiak aurrez irudikatzen duen herria baita urte osorako desio dugun herri eredua, deskantsu pixka bat gehiagorekin, noski. Badira urte batzuk... [+]
Alde Zaharreko Ekimeneko Ana Sagastirekin hitz egin du Euskalerria Irratiak, bertako bizilagunek sanferminak nola bizi dituzten ezagutzeko. Bederatzi egunez eta 24 orduz soinua gehiegizkoa eta pixa usaina erabatekoa dela esan du. Jaia eta egunerokotasuna uztartzeko... [+]
Bilboko Konpartsak osatzen duten 27 taldeetatik hamahiruk erabaki dute AEBetako Coca-Cola multinazionalaren produktu guztiak kenduko dituztela haien txosnetatik, Israel palestinarren aurka egiten ari den genozidioaren konplize izatea leporatuta.
Abuztuaren 9tik 17ra izango da Piraten Aste Nagusia, eta aurten "Auzolanari tiraka!" ariko direla adierazi dute. Abordatzea abuztuaren 11n izango da, eta Piraten Egun "berezia", hilaren 15ean.
Bederatzi egun eta gau luzeren ostean, Iruñeak normaltasunera itzuli nahi du Sanferminak ixten dituen azken ekitaldiarekin: Villavesako entzierroa, non gaizki tratatzen den gauza bakarra parte hartzaileen gibela eta osasuna baita. Ekitaldi herrikoi honen ondoren hasten da... [+]
Performance umoristiko batean gurutze batekin masturbatzen ari zarela irudikatzea delitua izan daiteke Espainiako Legearen arabera. Baina normaltzat hartu behar ei dugu, inoiz existitu ez zen norbait omentzea egurrezko panpina bihurtuta, “munduko jairik onenetako”... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]