ARGIA.eus

2022ko abenduaren 03a

CSI Egipto: Kleopatraren hilobiaren bila

Elizabeth Taylor, Kleopatraren paperean
Elizabeth Taylor, Kleopatraren paperean
2009ko ekainaren 07a
Egipto, K.a. 30.eko abuztua. Kleopatra VII.ak, antzinako Egiptoko azken erreginak, bere buruaz beste egin zuen. Iras eta Charmion neskameei frutaz betetako saski bat eramateko eta bertan aspis bat sartzeko eskatu omen zien. Eta aspisak helduta hil zen. Egiptoarren porrotaren ondorioz, antzinako zibilizazio handia Erromako probintzia soil bihurtu zen eta Oktaviok erregina Erromako kaleetan erakutsi nahi zuen garaipena ospatzeko. Umiliazioa jasan baino lehen hiltzea aukeratu omen zuen Kleopatrak. Oktavioren hainbat soldadu gertaeraren lekuko izan ziren eta sugeak ezkerreko besoan kosk egin ziola esan zuten.

Horixe izan zen bertsio ofiziala. Baina The Sunday Times Magazine aldizkariko 2004ko artikulu baten arabera, ustez lekuko izan ziren soldadu horiek Kleopatra hil egin zuten. Hortaz, suizidioaren bertsioa Oktavioren jokabide okerra estaltzeko maniobra baino ez zen izan, beti ere aldizkariaren arabera.

Zalantza horiek argitzeko grinagatik edota, besterik gabe, pertsonaia historiko ezagunenetariko batek pizten duen jakin-minagatik, Kleopatraren hilobia, 2.000 urtetan aurkitu ez dena, egiptologoen jomuga preziatuenetarikoa da. Azken hamarkadan, teknologia berriei esker, egiptologian aurrerapen handiak egin dira eta, besteak beste, Kleopatraren hilobia aurkitzeko zorian daudela adierazi du Zahi Hawass adituak.

Niloko azken erreginaren arrastoak Borg el-Arab inguruan (antzina Taposiris Magna) leudeke, Alexandriatik 50 bat kilometrora. Eremua radar bidez arakatzen ari dira eta, oraingoz, Kleopatraren busto bat, haren aurpegia duten hainbat txanpon eta hainbat ganberako tunel bat topatu dituzte.

Oktaviok erreginaren nahia bete bazuen, Kleopatra Marko Antoniorekin batera ehortzi zuten. Horrenbestez, aurki, historiako maitale bikote ospetsuenaren misterioak argitu litezke.
Kanal honetan artxibatua: Egiptologia

Egiptologia kanaletik interesatuko zaizu...
Rosetta harria etxera!

 Egiptoar arkeologo talde batek Rosetta harria Egiptora itzultzeko eskaera egin dio British Museumi.


2021-05-02 | Ander Perez
Maria Luz Mangado. Egiptologoa
"Zerbait aurkitu arte beti ibiltzen gara fikzioaren eta errealitatearen arteko marran"

Orain dela 3.400 urte inguru eraikitako hiri baten arrastoak aurkitu ditu arkeologo talde batek Luxorren, Egipton, Nilo ibaiaren ertzetako batean. Amenhotep III faraoiaren garaiko hiria da (k.a. 1390-1352), haren semeak, Akenaton faraoiak hiriburu berri bat sortzeko atzean utzi... [+]


Ramses II.aren bidaia Parisera

Le Bourget (Île-de-France), 1976ko irailaren 26a. Ramses II.a faraoiaren momia zeraman hegazkin militarrak lur hartu zuen.


Antzinako Egiptoko ogia dastatzen

Sorbonako Unibertsitateko Adeline Bats ikerlariak arkeologia esperimentaleko proiektu bat gauzatu berri du: ogia antzinako egiptoarrek bezala egitea lortu du, tresna, prozesu eta lehengai berberak erabiliz.


Egiptoar tratamendu ginekologikoa

Antzinako Egiptoko hainbat papirotan jasota dagoenez, arazo ginekologikoak arintzeko asmoz, fumigazio baginalak erabiltzen zituzten, baina orain arte, idatzizko erreferentzia horiez gain, ez zen horren froga fisikorik aurkitu.



Irakurrienak
ASTEKARIA
2009ko ekainaren 07a
Argia buletina
Egunaren laburpena
zure e-postan
Eguneraketa berriak daude