Hardcorea, aukera bat baino askoz gehiago

  • Fly Shit ::Bizitza... baina nola bizi?

    Isiltasuna apurtzen / Gratacel Records

    iraupena ::30´05´´

    prezioa ::6€

'Bizitza... baina nola bizi?'
Bergarako hardcore talde honek bigarren diskoan gogora ekarri du aspaldiko talde norvegiar baten izena (Life… but how to live it?). Horrez gain, hitz joko existentzialista hori baliatu du hardcorearen esentzian dagoena, hau da, norbanakoaren eta ingurukoaren askatasuna eta hobekuntza borrokatzeko. Aukeratzearen alde egiten dute, gizakia aktibo izatea aldarrikatzen dute. Bestalde, RKL eta hardcorearen beste klasikoetatik urrunago jo, eta hardcore kontzeptuaren zabaltasunean barreiatu dira, melodia, erritmo eta bestelako doinu bereizgarriekin emaitza asko aberastuz. Kaleak berreskuratzeari, zu zeu izateari, emakumeen askatasunari, etorkinei ateak zabaltzeari… abesten diote. Emaitza bikaina da, eta diseinua oso txukuna. Diskoa taldearen eta Isiltasuna Apurtzen eta Gratacel Records ekimenen elkarlanetik sortu da.
Fly Shit
«Gure kantuak libre zabaltzea da gure asmoa, eta SGAErekin ez genuen ezer nahi»

Disko honetan eskola zaharreko ohiko hardcoretik aldendu egin zarete hainbat kantutan…


Gure musikaren oinarria da 80ko hamarkadako hardcorea, baina ez da entzuten dugun bakarra. Hardcorea eremu zabal bat bezala ulertzen dugu, eta egia da emocore, crossover edota jazz ukituak topa daitezkeela gure kantuetan.

Lan honetan autoekoizpenaren eta Creative Commons erako lizentziaren aldeko apustu argia egin duzue…


Bai, gure erara egin nahi genuen, hasieratik bukaerara parte hartu eta kontrolatuz; ‘egin ezazu zuk zeuk’ filosofiarekin. Lan handia izan da, baina pozik gaude emaitzarekin. Bestalde, SGAErekin ez genuen ezer nahi. Gure kantuak libre zabaltzea da gure asmoa, eta Creative Commonsek aukera hori eskaintzen du. Gure musika kopiatu, emititu… egin daiteke, erabilera komertzialik ez badago eta egilea aipatuz gero.

Posible da “kaleak berreskuratzea”? Egia da “kristalezko begiak zelatan dauzkagula, gazte izateagatik susmagarriak garela”, baina ez al gara gehiegi europartu eta komodo bihurtu?


Kaleak musika eta sormena bezala irekiak eta libreak beharko lirateke; gure erakusleihoak dira. Eta gaur egun kalean askatasun askoren murrizketa ematen da: kontrol soziala, manifestazio askatasuna, motorizazioa… Baina egia da, baita ere, gero eta komodoak eta kontsumistagoak garela.

“Arriskatzen ez bazara, erabakiko dute zugatik”, “Gauzok ihes egiten didatela sentitzen dut”. Erabakiak hartzeari uko egin diogu?


Bakoitzak bere bizitza nola bizi aukeratzearen aldekoak gara. Guk hau galdera bezala planteatzen dugu, bakoitzak hausnartu eta ondoren bere bidea aukera dezan. Guk talde bezala aukeraketa bat egin genuen, egiten dugunarekin disfrutatzeaz gain, jarrera bat ere hartu nahi dugu gu eta gure ingurua aldatzen joateko; banaketa sare alternatiboak eta espazio autogestionatuak sortu eta indartzeko helburuarekin.

Azkenak
2024-03-31 | Julen Azpitarte
Zinearen historiako film-kontzerturik “onena”

Oscar sari andana jaso zuen The Silence of the Lambs (1991) thriller-a zuzendu zuen Jonathan Demme (1944-2017) zinegile estatubatuarrak estreinatu zuen zineak inoiz eman duen kontzerturik onena: 1970eko hamarkadaren erdialdean New Yorken eratutako Talking Heads taldearen Stop... [+]


"Enpresa pribatuen esku utzi da segurtasun publikoaren norabidea"

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


Judith Bilelo Biachó
"Erakundeek ez digute lagunduko, guk geure hizkuntzan hitz egitea lortzen ez badugu"

Judith Bilelo Biachó gure artean izan zen iragan udazkenean, Garabideren Aditu programaren karietara. Ekuatore Ginean jaioa (Malabo, Bioko, 1975), bubi etniako kide da, bubiera hiztun eta hizkuntzaren aldeko militantea. Iraganaz bezainbat mintzo da orainaz, geroari... [+]


Eguneraketa berriak daude