Kudai: «Autoekoizpenaren eta copyleftaren aldeko apustua gure filosofiarekin bat dator»


2006ko urriaren 22an
Iluntasuna hainbat hitzetan presente dago, baita azalean ere. Metala iluntasunarekin lotuta ulertzen duzue?
Musikak eta hitzek bat egin behar dute, eta gure musika batzuetan ilun samarra denez, hitzak ere hala lantzen ditugu. Beste batzuetan hitzak ilunak dira eta musika egokitu behar zaie. Hala ere, abesti batzuek sentimendu positiboagoak dituzte.

Esango nuke iragan heavya duzuela eta 90eko lehen thrash taldeek ere gogor eragin zaituztela.
Lau lagun gara eta iragan desberdinak ditugu, baina David eta Bortx talde heavyetan (Bletz eta Hira) ibiliak dira. Laurok batez ere thrasha eta metal "modernoa" ditugu gustuko. Saiatzen gara lauroi gustatzen zaiguna egiten eta estilo ezberdinetako errekurtsoak erabiltzen.

Ahotsa oso argia da. Mezua ulertzeari garrantzia handia ematen diozue?
Hitzak ulertzen badira, jendeak errazago abestu eta gogoratuko ditu kantak. Baina mezua apur bat ezkutatzen dugu metaforak eta paralelismoak erabiliz, norberak bere interpretazioa egin dezan.

Balada bitxia egin duzue, orkestrazioak sartu dituzue, a capella abestu duzue... Nabari da disko hau "mimatu" duzuela...
Aurreko diskoaren (Hutsa) prestaketa lanetan zailtasunak izan genituen eta ez genuen izan nahi beste denbora gauzak behar bezala egiteko. Oraingoan dena ondo egiten saiatu gara eta denbora asko hartu dugu abestiak bukatu eta bakoitzari zerbait berezia emateko.

Autoekoizpenaren eta copyleftaren aldeko apustua egin duzue. Merezi izan du apustuak?
Gure filosofiarekin bat dator. Lehenengo diskoarekin ez genuen aukerarik izan. Lan handiagoa dakar, baina ez gara damutzen. Gauzak aldatzen ari dira, eta talde gehiago gara autoekoizpena aukeratu dugunok. Musika industriaren egoera dela eta, bitartekariak eta gastuak murriztu egin behar dira, eta bide alternatiboak bilatu musika ezagutarazteko.

----------------------------------------------------------------------
Arima eroslea Kudai
Autoekoizpena
Iraupena: 43'31'' 12,20 euro

Thrasha, metala eta programazioak bat eginda

Laukote honek ideiak gero eta argiago ditu, eta bere kabuz egindako bigarren lan hau asko landu du. Thrasharen, gaur egungo metalaren eta elektronikaren errekurtsoak oinarri hartuta idatzi dute. Lan trinkoa egin dute, eta diskoan aurrera egin ahala bestelako doinuak ere batzen ditu. Indarra eta erritmoa ederto batzen dituen Harresia hita; arabiar kutsuko doinuekin kontrastea eragiten duen Barruan gaude; doinu akustikoak eta heavya ezkontzen dituen Itzaltzen ari den sua balada; ekaitza eta barealdia irudimenez irudikatzen dituzten izen bereko bi kantu-sekuentziak; edota tximak molinillo gisa mugitzeko aproposa den Aingeru eroriak, esaterako. Tratu txarren, elizaren, boterearen eta barneko mamuen kontra egiten dute, eta ilargiaren aldeko aldarrikapena ere egiten dute, besteak beste.


Kanal honetatik interesatuko zaizu: Egile eskubideak
Egile eskubideak alkoholetan

Paris, 1847ko martxoa. Gau batez, Café des Ambassadeurs lokal ezagunean musika zuzenean jotzen ari ziren, beste hainbatetan bezala. Entzuleen artean Ernest Bourget, Paul Henrion eta Victor Parizot zeuden, hirurak musikariak, beren sormen lanaz bizitzeko borrokan ari... [+]


Toribio Altzaga, Dorothy Parker, Winnie-the-Pooh... Hauek dira 2022an jabetza publikora pasa diren egile eta obra batzuk

Sorkuntza-lanen jabetzak zeresana eman ohi du haien egileak hil ondoren ere, baina beti iristen da hildako artistaren oinordekoekin ika-mikak amaitzen diren momentua: egile-eskubideak iraungi eta obra jabetza publikora pasatzen den momentua. Herrialde bakoitzean hori gertatzeko... [+]


2021-11-21 | Diana Franco
Teknologia
Zentsura algoritmikoaren garapena

Azaro hasieran 24/2021 errege dekretua atera zen, Europako Merkatu Digital Bakarreko egileen eskubideei lotua. Ez naiz legeetan aditua, beraz gai hau nire hizkuntzan eta ulermen gaitasunetara itzuli dut eta zenbait hausnarketa partekatu nahi ditut zuekin.


ETBren "Musika gaua" programaren bidez egile eskubideetan iruzurra egin ote zen ikertzen ari da Auzitegi Nazionala

Espainiako Auzitegi Nazionala EITB ikertzen ari da musikarien egile eskubideekin lotutako iruzurra dela-eta. Beste hamahiru telebista kate ere jo-puntuan ditu Ismael Moreno epaileak hasitako ikerketak.


Europako Parlamentuak egile-eskubideak zorrotzago babesteko urratsa eman du

Parlamentuak onartutako lege proposamena Batzordeak eta Kontseiluak onartu behar dute aurrera atera dadin.


Eguneraketa berriak daude