ETBren “Musika gaua” programaren bidez egile eskubideetan iruzurra egin ote zen ikertzen ari da Auzitegi Nazionala

  • Espainiako Auzitegi Nazionala EITB ikertzen ari da musikarien egile eskubideekin lotutako iruzurra dela-eta. Beste hamahiru telebista kate ere jo-puntuan ditu Ismael Moreno epaileak hasitako ikerketak.

Alberto Surio EITBko zuzendari nagusi zenean kontratatu zuten Rafael de Tenaren enpresa Musika gaua programa egiteko.

2020ko otsailaren 05an - 09:31

2017an Espainiako Poliziak SGAEren Madrilgo egoitzan eta hainbat telebista katetan egin zuen operaziotik dator auzia eta joan den hamarkada guztian zeresana eman du, gutxienez Anton Reixak SGAEko presidente zenean elkarte horretako praktika ilun batzuk agerian utzi zituenetik.

EITB zipriztindu duen auzi honen erdian “telebisten gurpila” izenez ezaguna den praktika dago: SGAEko bazkide batzuek 2006 eta 2011 artean 100 bat milioi euroko iruzurra egin zuten trama horren bitartez, musika lanak modu irregularrean erregistratuz.

Adibidez, egile eskubideetatik libre geratutako konposizio musikal originalak hartu eta aldaketa txikiak egin ondoren beraien izenean erregistratu zituzten, hartara pieza horien eskubideak kobratu ahal izateko; eta kalitate eskaseko konposizioak ere erregistratu zituzten, bai tramako kide ziren musikarien izenean, bai musikariak ez ziren pertsonen izenean ere. Gero, konposizio horiek telebistako gaueko programetan emititzen zituzten, horren bitartez "egile" gisa zegokien dirua fakturatuz.

Urteren batean SGAEk telebistaren bidez egindako fakturazio osoaren %70 izatera iritsi zen, nahiz eta doinu horiek audientziaren %1ek bakarrik entzun.

Kanta gutxi batzuekin hasi ziren iruzur hori egiten, baina urteen poderioz ehunka erregistratu zituzten eta, arretarik ez deitzeko, musika-ikasleekin kontaktatu zuten, eskubideen kobraketa haien bidez egiteko.

ETBko "Musika gaua"

Iruzur horren azken katebegia ziren telebistak. Ismael Moreno epailearen arabera, jarduera horiek ez ziren posible izango kateekin adostasunik gabe eta horregatik inputatu ditu. EITBk ez du adierazpenik egin momentuz inputazio honekin lotuta, baina 2018an Maite Iturbe EITBko zuzendariak EAEko Legebiltzarrean zenbait azalpen eman zituen.

Iturbek esplikatu zuenez, Alberto Surio EITBko zuzendari orokor zenean –Patxi Lópezen lehendakaritzaren garaian–, Rafael de Tenaren enpresa kontratatu zuen irrati-telebista publikoak, alegia SGAEren gurpilaren auzian inplikatutako pertsonetako bat, "Musika gaua" programa emititzeko. Jazza eta musika klasikoko piezak jartzen zituen goizeko ordu txikietan. Iturberen arabera, 2017ko martxoan programa hori kentzeko aukera mahai gainean zegoen. Hala ere, De Tenarekin egindako kontratuak legezkoak izan zirela ere defendatu zuen Legebiltzarrean.


Kanal honetatik interesatuko zaizu: EITB
Euskara lehenestea eskatu diote Jaurlaritzari eta EITBri Gasteizko kaleetan

Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.


2024-04-29 | ARGIA
Aldatu Gidoia-k euskara ez zokoratzea eskatuko dio Eusko Jaurlaritzari maiatzaren 18ko protestan

Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]


ETBk 40 urte
Ardatz bertikala, erabakien adierazle

40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]


2024-03-21 | Euskal Irratiak
Urtzi Urkizu
“Susmoa dut gizartearen parte handi batean badagoela kezka ETB-rekin”

Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]


Eguneraketa berriak daude