ESTUDIO BERRIAREN XARMA
Guretzat haize freskoa hartzea bezalakoa izan da. Hemen askoz leku gehiago izanen dugu, elkarri bultzaka ibili gabe
Hamaika ahalegin egin eta gero, azkenean lortu dute Baztango Udalak bi urterako egoitza berri hau uztea. Estudio berriko kostuei aurre egin ahal izateko, Nafarroako Gobernuaren laguntzak eta publizitatetik lorturiko sosak ez dira aski. Beraz, kreditu bat eskatu behar izan dute.
Orain ere, Xorroxinek 24 orduz emitizen du, albistegiak, magazinak, nekazal munduko berriak, herri kronikak, kirolak, eta abar. Goizalderen esanetan, «
astean zehar entzule gehiago ditugunez, asteburuetako emankizunak zertxobait indartu egin ditugu. Hain zuzen, nongo entzulegoa dugun jakiteko inkesta bat egin genuen Ttipi-ttapa astekariaren bidez. Nahiz eta datu zehatzak jakitea zaila den, badirudi gehienbat Baztanen entzuten gaituztela, Malerrekan ere bai, eta Bortzirietan gero eta gehiago. Pixkanaka badirudi hedatzen goazela, nahikoa kontent gaude
Entzule motari dagokionez, tenorearen arabera aldatuz doa; goizean goiz, nekazariak izan ohi dira irratiko entzuleak; eguerdian berriz etxekoandreak. Hortik aitzin, gazte zein helduek entzuten dute. Halaber, aipa dezagun Xorroxingo entzuleen pentsamoldea ere anitza dela. Izan ere, inguruko jende gehiena euskaldun petoa izan arren, UPNri botoa ematen dion euskaldun ugari dago, nekazariak gehienak. Baztan bitxia da benetan.
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.
Karmele Jaioren Maitasun kapitala-rekin lehiatu da finalean. 2023ko “libururik gogokoen” izendatu dute Bidegainen “bihurgune askotako” thriller politikoa 111 Akademia osatzen duten literaturazaleek.