«ELA-LAB hitzarmenak, agian, bakerako aterik zabal lezake»

1996ko martxoaren 31n

ELAko ertzainen arteko giroa nola dagoen azaldu digu S. Andreuk
«ELA-LAB hitzarmenak, agian, bakerako aterik zabal lezake»
Sebastian Andreu, ELA-Ertzaintzako arduradun konfederala
ELA-LAB elkarlanari eraso bortitzak egin zaizkio aspaldian, ETAk Ramon Doral ertzaina hilez geroztik. ELAErtzaintzako buruak dioenez, elkarlana ez da etengo, baina ETArekiko autonomia behar du LABek.
ELA-Ertzaintza da Ertzaintzan ordezkari eta kide gehien dituen sindikatua, alde nabarmenaz gainera. Hauteskundeen emaitzen arabera, ertzainen erdiak kasik, % 45 inguruk, ELA hautatu zuten. ERNE litzateke bigarren indarra, % 30ez, eta UGTk zein CCOOk % 12na izango lukete, batez beste. ETAk Ramon Doral hil zuenetik, ordea, zenbait ertzainek ELAko karneta itzuli egin dutela diote hainbat komunikabidek, edo gainerako sindikatuek. LABek ez zuen hilketa gaitzetsi, eta jarrera horrek kolokan utz zezakeela bi sindikatuen arteko lana, zioten askok.
ELAko ertzainen artean zer nolako giroa ote dabilen hurbiletik ezagutzeko asmotan jo genuen Sebastian Andreu, ELA-Ertzaintzako arduradun konfederalarengana.
«Zenbat afiliatuk eman duen baja Doralen hilketaz geroztik? Kontua ez da hori, datuak zehazten hastea. Konplexuagoa da arazoa, euskal gizarte osoan nola-halako eraginik baduena. Sindikatuko ertzainen artean egiten ari garen batzarretara irizpide orokor hori eramaten ahalegindu gara. Eta orokortasunak zera diosku: ELA eta LABen arteko hitzarmenak (negoziazio kolektiborako elkarlanaz gain), bakebiderako aterik zabal lezakeela. Denboraren poderioz beti ere, eta euskal gizartearen gehiengoak bide hori onetsiko balu».
Hori litzateke garrantzizkoena Sebastian Andreuren iritziz,
«eta gainerakoak, bajak eta antzekoak, irizpide pertsonalen alorrean kokatu beharrekoak» dira.
Bien bitartean, datorren apirilean izango du LABek kongresua. Ekarriko ote dio biltzar horrek LABi autonomia zabalagorik ezker abertzalearekiko? Andreuk berehala bereiztu ditu kontuak:
«Ezker abertzalea ala KAS? Zeren eta hor ere zehaztu egin behar baita. Sarritan eskatu izan diogu LABi bere sindikatu-jarduera erabateko autonomiaz burutu dezan, bereziki ETArekiko autonomiaz. Eta jarrera kritikorik ager dezala erakunde armatuaren ekintzak direla eta. ETAk euskal gizarteari egin diezaiokeen mesederik handiena zera bailitzateke: desagertzea».
«Zenbat hildako behar ote dira?»
ELA-LAB hitzarmenaren aurka kalibre guztietako artileria erabili izan da azkenaldi honetan, eta Jose Antonio Ardanza lehendakariak berak esana da: "Zenbat hildako behar ote ditu ELAk bide okerretik dabilela jabetzeko?". ELA-Ertzaintzako buruaren ustez,
«hobe da zuhurtziaz aritzea, burutik pasatako lehenbizikoa esatea baino. Eta galdera hori beste era batera egingo nieke bai Lehendakariari bai gizarte osoari: zenbat hildako behar ote dira denok has gaitezen benetako bake bideak jorratzen?».
Elkarrizketa hau egin aurreko eta ondorengo egunetan batzarrak izan zituzten ELA-Ertzaintzako afiliatuek. Bilera horietan sumatutako giroaz hitz egin zigun sindikatuko beste ordezkari batek, Alberto Lekuek: «Minduta daude ertzainak, oso minduta. ETAk Ertzaintza jo, eta joko duela argi dagoenez, bihotzaren eta erraien aginduak betetzea da lehenbiziko erreakzioa. Baina burua ere erabili behar da, hausnartu, geroari begira jarri». Eta etorkizunari begira jarrita, zertan izango da ELA-LAB arteko elkarlana ETAk ertzaintzari erasoka segitzen badu?.
Sebastian Andreuren txanda berriro:
«LABek ETAren jarduerari buruzko jarrera kritikorik hartzen ez badu, guk, ELAk, gogortu egingo dugu LABekiko harremana, zaildu egingo da elkarlana. Leku batzuetan besteetan baino zailagoa izango da harremana, baina oro har begiratuta, elkarlanari eutsi egin behar zaiola uste dugu».
Korporatibismoaren arriskua ere azaldu zen elkarrizketan. Hots, ETAren erasoek ez ote duten Ertzaintza `aparteko' erakundea bihurtuko, gizartearen zerbitzura aritu beharrean bere zilborrari so legokeena.
Korporatibismoa eta euskara
«EZ dut horrelako arriskurik sumatzen _erantzun zigun Andreuk_. Dudarik ez ertzainak gizakiak direla, eta gizakiei mehatxu eta eraso egiten zaienean tentsioa sortzen da, egonezina. Eta geroz eta handiagoa da ETAren ekintzek sortzen duten ezinegona. Hala eta guztiz, sosegua, arrazionaltasuna, profesionaltasuna... horiek dira guk ertzainen artean zabaltzen ditugun mezuak. Eta ertzainak, oro har, erantzun eredugarria ari dira ematen. Bada errebantxismo mezurik zabaltzen ari denik ere, baina ez du segida handirik jarrera horrek».
Eta euskara? Zenbait euskaldunek salatu izan dituzten mesprezuak, irainak eta bestelakoak ertzainen bati euskaraz hitz egiteagatik? Banan-banan aztertu beharko omen lirateke kasu horiek, dio Andreuk.
«Ertzaintza euskal gizartearen isla da, eta badira abertzaleak ez diren ertzainak ere. Baina ertzain anti-euskaldunik badela, hori askotxo esatea litzateke».
XABIER ARANBURU
16-17

GaiezEkonomiaSindikalginSindikatuaELA
GaiezEkonomiaSindikalginSindikatuenELA-LAB ako
GaiezPolitikaEuskal HerrPoliziaEuskal poliErtzaintza
PertsonaiazANDREU2
EgileezARANBURU6Ekonomia

Nazioartea Nazioartea

Irakurrienak

Matomo erabiliz

Umeak, poliziak, mikrobihotzekoak

"Amorrua, hira eta mendeku nahia emakume baten motorrak ere izan daitezke"

Reyes Ilintxeta

Hauxe da Gaza suntsitzeko Israelen eta AEBen plana

Jonathan Cook

Ukelele baten atzean Hawaii aurkitu nuen

Cira Crespo

Aitziber Bañuelos Ganuza: "Gero eta onartuagoa daukagu emakumeen kontrako biolentzia"

Uriola.eus | Nerea Olaziregi

Aldaketa mugatuak eta jarraikortasuna gobernuan

Asier Blas Mendoza

Kanal honetatik interesatuko zaizu: Nazioartea

2024-05-13 | Cira Crespo

Ukelele baten atzean Hawaii aurkitu nuen

2024-05-13 | Zigor Olabarria Oleaga

Genozidioa gelditzeko eskatu du Gasteizko hezkuntza komunitateak Palestinaren aldeko ekimen jendetsuan

Ehunka herritarrek egin dute bat hainbat hezkuntza zentrok, guraso elkartek eta sindikatuk antolatutako deialdiarekin, Palestinako umeak gureak ere badira. Genozidioa gelditu! lelopean. Sarea Euskal Herri osora zabaldu nahi dute sustatzaileek.

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Leire Narbaiza Arizmendi

Protesta

Aste nekagarri bateko igandea da. Gauza gutxi egiteko, nahiz eta beti egon zeregina etxean, urgentziazkorik ez oraingoan. Dolce far niente-rako aproposa, eguraldia ere dudakoa delako. Etxean geratzeko egun egokia. Herrian, baina, eguerdirako manifestaziora deituta dago Gazaren... [+]

2024-05-12 | Asier Blas Mendoza

Israel ahulduta eta Iran boterea hartuta

Azkeneko hamarkadan Frantziak, Erresuma Batuak eta AEBek Siria inbaditu zuten nazioarteko legedia hautsita. 2024an oraindik Washingtonek Siria okupatzeko dozena bat base militar inguru ditu eta herrialdearen petrolioaren zati handia lapurtzen du. Israelek Siriako eta Palestinako... [+]

Eguneraketa berriak daude