"Donostian beste bi Txiki Park zabaltzeko eremua badago"

1995eko abenduaren 10an

Juan Soroeta Txiki Park-eko gerenteari egindako elkarrizketa
"Donostian beste bi Txiki Park zabaltzeko eremua badago"
Juan Soroeta, Donostiako Txiki Park-eko gerente eta jabekidea
Bilbon, lruñean -lehenbizikoa-- Gasteizen, eta Donostian jadanik badira Txiki Park bana. EEBB eta Erresuma Batutik inportatutako ereduak, ariketa fisikoa medio, jolasera iristeko aukera eskaintzen dio haurrari.
Zer moduz egokitu da Euskal Herrian Estatu Batuetatik inportatutako ideia?
Ameriketatik ekarritakoa ideia da baina gero hemen biribildutakoa. Hangoak hodietan oinarritutako oso espazio txikiko jolasak dira, batez ere gurasoek erosketak edo denbora laburreko zerbait egitera doazenean gehienez ordu laurden baterako haurrak jolasten uzteko lekua. Bestalde, Ingalaterran badaude espazio handiagoko jolasguneak, baina segurtasun neurri eta jolas gutxiagorekin. Hau ikusita, Iruñeko Txiki Park --lehena-- jarri zuenari, Ingalaterran moduan espazio handiko jolasguneak jartzea bururatu zitzaion, baina EEBBetako segurtasun neurriekin, eta hobetuta gainera. Funtsean, umeak jolasa ariketa fisikoarekin nahasten du eta oraingoz arrakasta izaten ari dira. Gauez haurrak ohera sartzerako lehertuta izaten dira.
Hau guztia nahiko berria da eta haurrek samur astintzen dituzte bazterrak. Esperientzia hartzeak bere gainbalioa izango du, ez?
Gauza asko apurtzen dira eta hurrengoan ez apurtzeko moduan jartzen dituzu, baina horrez gain Iruñean lehenbizikoa jarri zenetik apurka gauza askorekin konturatu gara, segurtasun neurriak, material hornitzaileak, jolas berriak, arrakasta ez duten jolas bazterketa... Iruñekoan lehen egitura finkoa zen, oraingoak mekano baten modukoak dira, nahi bezala jartzekoak.
Umea astean zehar oso lanpetuta dago, beraz, Txiki Park asteburuetako kontua al da?
Nagusiki bai, astean zeharreko jarduna umeen urtebetetzeko askarietan eta eskolekin egindako hitzarmenetan oinarritzen baita. Gero asteburu arratsaldeetan jende asko etorri ohi da; nolanahi ere, segurtasun neurriak medio sarrerak mugatuak dira. Eta guretzat, jakina, garrantzitsuena eguraldia da; eguraldi txarrarekin jende gehiago, eta alderantziz.
Hau umeentzat ondo; baina gurasoek bi ordu pasatu behar al dituzte tabernan kafea hartzen eta bi ume sartuz gero bi orduko lau mila pezeta ordaindu? Ez al da gehiegitxo?
Diru kopuru ederra da, baina guk kalitatea ere eskaintzen dugu. Dena den, gurasoena arazoa zen eta orduan Txiki-tarifa jarri genuen, horrela bi ordu horiek normal ordaintzen dituzte baina horrez gain guk askaria ematen diegu. Horrela, gurasoek nahi izanez gero badute denbora apur bat ateratzeko eta euren gauzak egiteko. Honek arrakasta izan du.
Txiki Park kateak Estatu espainiarrean 10 zentro ditu eta orain Frantzia eta Portugalera abiatu da, ez ote doa azkarregi?
Zehaztapen bat: hau kate bat da eta kate horren zuzendaritza lehenbiziko lau zentroek daramate, Iruñekoak, Bartzelonakoak, Donostiakoak eta Gasteizkoak, baina juridikoki ez dute zerikusirik, nahiz eta badagoen joera lau hauek hurrengoen jabegoan parte har dezaten.
Zein da Txiki Park izena erabiltzearen ordaina?
Eremu geografiko bakoitzeko esklusiba dago, hots, Gipuzkoan guk daukagu Txiki Parkeko esklusiba. Irudi erabilpenaren trukean jolasen material hornikuntza guztia Iruñeko Txiki Parki erosi behar zaio.
Zuen ikerketen arabera, zer baldintza behar dira Txiki Park berria zabaltzeko?
Garrantzitsuena jende kopurua da, gure bideragarritasun azterketen arabera 100.000 pertsonako gune geografikoa behar da Txiki Park bat errentagarri izan dadin.
Gipuzkoako eremua, beraz, honezkero nahiko agortuta duzue.
Zail samarra da. Dena den, badira beste bi eremu zerbait egin daitekeena, lehenik Irungo eremua, hori bai Hendaia barruan sartuta; eta gero Eibarkoa, baina hau zailagoa da, Arrasate ere hor inguruan da baina nik han lau urte pasatu ditut eta hango populazioak ez du txakur-handirik gastatzen; han kanpoko jende asko dago eta kanpoko zenbait kulturatan umeekin diru gutxiago gastatzen da.
Eta nola uler liteke Frantzia eta Portugalen egingo den zabalkundea?
Portugalen hedapen proiektuekin jarraituko da baina Frantzian proiektuen bultzatzaileek atzera egin dute. Dauden azterketen arabera, han haurrekin gutxiago gastatzen da, Espainian ere gutxiago eta Euskal Herrian gehiago. Gure azterketen arabera, Donostian beste bi parke zabaltzeko aukera legoke. Oro har esparrua oso zabala da, eta Espainian datorren urtean beste hamar zabalduko dira.
Orduan buruan izango duzue Gipuzkoako bigarrena.
Hori top secret da, dena den badago bat berehala egiteko aukera. Horrez gain, zentro komertzialek izan dute Txiki Parkak euren barruan kokatzeko proposamenik; baina zentro komertzialetako lurra oso garestia da eta guk lur asko behar dugu. Dena den, Espainian adibidez, oso merke jartzeko aukerak ere atera dira, beraientzat ere amu gisa interesgarriak direlako.
LETONA, Xabier
16,17

GaiezGizarteaAdin sektorHaurrak
GaiezGizarteaAisia
PertsonaiazSOROETA1
EgileezLETONA1Gizartea

Irakurrienak

Matomo erabiliz

Ertzaintzak herritar bati Irunen egindako erasoak haserrea eragin du

Lander Arbelaitz Mitxelena

54 urteko espetxe eskaera sei pertsonarentzat presoen ongi etorriak antolatzea egotzita

Xabier Letona Biteri

"Nire burua duela 20 urte bezain indartsu ikusten dut"

Euskalerria irratia | Miren Mindegia

"Zenbat dugun kontatzeko!" Euskal Herriko mapa sortu dute

Euskal Irratiak

Zapaterok dio Ostiral Santukoaren gisako akordio bat egon zela ETAren amaieran

Xabier Letona Biteri

Lurra taupaka hasiko da

Estitxu Eizagirre

Azkenak

2024-05-12 | Urko Apaolaza Avila

Koopfabrika

Kooperatiba eraldatzaileen harrobia

Olatukoopek beste hainbat eragilerekin batera garatu duen proiektu nagusienetako bat KoopFabrika da, ekintzailetza soziala bultzatzeko helburuz 2017an sorturiko programa, eta gaur egun oraindik martxan dagoena.

Hasiera batean, lehenengo ideia izan zen ekonomia... [+]

2024-05-12 | Nerea Menor

Ghayath Almadhoun

"Alemania nagusitasun zuriaren piramidearen gailurrean dago, eta lehen holokaustoa ukatu zutenek orain Nakba ukatzen dute"

Ghayath Almadhoun-ekin hitz egin dugu Alemaniako zentsura sistemikoaz eta horren ondorioez. Siriako Damaskon 1979an jaiotako poeta palestinarra, Suediara joan zen bizitzera eta egun Berlinen bizi da. Bere poesiak, ia 30 hizkuntzatan itzulia, maitasuna, tokialdatzea eta nortasuna... [+]

2024-05-12 | Estitxu Eizagirre

Amillubiren festa maiatzaren 11n

Lurra taupaka hasiko da

Urola ibaiaren meandroan, Zestoako Iraeta auzoan daude Amilibia baserria eta bere lur emankorrak: 5 hektarea baso eta 4 hektarea laborantza lur. Laborantza ekologikoa sustatzen duen Biolur elkarteak baserria eta lurra kolektibizatu nahi ditu Amillubi proiektuaren bidez... [+]

2024-05-12 | Amets Aranguren Arrieta

Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]

2024-05-12 | Urko Apaolaza Avila

'Ekonomia eraldatzailea(k)' liburua

Ekonomiaren adjektibo guztiak

10. urteurrena kari, Olatukoopek bi liburuxka atondu ditu eta labean ditu jadanik, ekonomia eraldatzailearen eta kooperatibagintzaren ingurukoak biak ala biak. Alde batetik, herri-kooperatiben inguruko eskuorri edo gida bat kaleratuko dute, herri kooperatiba bat zer den... [+]

Eguneraketa berriak daude